Mattiu 27:63 - Tedim Bible

⁶³ “Topa aw, tua mi khempa in, ‘Ni thum ni-in ka thokik ding hi,’ ci-in a nun’tak lai-in a cih tu-in ka phawk uh hi.

Tedim Bible Revision 2017

⁶³ “Topa aw, hih mi khem pa in a nuntak lai-in, ‘Ni thum khit ciangin ka hingkik ding hi,’ ci-in a thugenna ka thei uh hi.

Mattiu 27:63 Iomraidhean Croise

Mattiu 16:21

Zeisu in Jerusalem khuapi pai dinga upate, siampi liante laitheite khut tungah gimna tampi a thuak khit ciangin, thahna zong thuak ding a; ni thum ni-in a thokik ding hi, ci-in tua huna kipanin a nungzuite kiangah a pulak hi.

Mattiu 17:23

Tua mite in amah a that ding uh hi. Ni thum ni-in a thokik ding hi,” ci-in a nungzuite a hilh ciangin, amaute a dah mahmah uh hi.

Mattiu 20:19

Amaute in amah a sih nading thu a khen khit uh ciangin, zahko-in sat uh a, singlamteh tungah thah dingin Gentailte’ khut tungah a pia ding uh hi. Ni thum ni-in a thokik ding hi,” a ci hi.

Mattiu 26:61

“Hihpa in, ‘Keimah in Pasian biakna innpi ka susia ding a, ni thum khit ciangin ka lam kik zo ding hi,’ a ci hi,” ci-in teci a pang uh hi.

Mattiu 27:64

Tua ahih ciangin ama nungzuite in zanin pai uh a, a luang a gukkhiat khit uh ciangin, ‘Amah in sihna panin thokik zo hi,’ ci-in mite kiangah gen le-uh khialhna masa sangin khialhna nunung a lianzaw ding hi, ci-in lunghihmawhna thu om ahih ciangin, han ni thum sung a kicin’ nading thu hong pia in,” ci-in a ngen uh hi.

Mattiu 28:6

Hih lai takah om nawn lo hi. A hong hilhkholh bangin a thokik zo hi. Hong pai un la, Topa lupna hong en un.

Marka 10:34

Tua mite in zong amah zahkoin, cil tawh phihin, satin, a that ding uh hi. Ni thum khit ciangin a thokik ding hi,” ci-in ama tungah a tung ding thute a nungzuite kiangah a gen hi.

Marka 8:31

Zeisu in, “Mihing Tapa in gimna tampi thuak ding a, upate, siampi liante, leh laitheite in nial ding uh a, amah in thahna thuakin ni thum khit ciangin a thokik ding hi,” ci-in tua a kipanin a nungzuite a hilh hi.

Marka 9:31

Bang hang hiam i cih leh, “Mihing Tapa in mite’ khut tungah kipia ding hi. Tua mite in amah a that ding uh a, amah in thahna a thuak zawh ni thum khit ciangin a thokik ding hi,” ci-in nungzuite a hilh hi.

Luka 18:31

Tua lai takin Zeisu in sawm-le-nihte sam a, “En un, eite Jerusalem khuapi ah i pai ding hi. Pasian’ kamsangte gelh kholhsa thu khempeuhte in Mihing Tapa tungah a tung ding hi.

Luka 18:33

Amaute in amah satgawpin, a that ding uh hi. Ni thum ni ciangin a thokik ding hi,” a ci hi.

Luka 23:2

“Hih pa in komau pawlte kheem a, ‘Khazih kici kumpipa ka hi hi. Kaisar kumpipa phiangsiah pia kei un,’ ci-in a kham kote’n ka za uh hi,” ci-in Zeisu a mawhsak uh hi.

Luka 9:22

“Mihing Tapa in gimna tampi thuak ding a, upate, siampi liante leh laitheite in nial ding uh a, amah in thahna zong thuak ding a, ni thum khit ciangin a thokik ding hi,” a ci hi.

Johan 2:19

Zeisu in zong, “Hih biakna innpi na phel gawp uh leh, ni thum sungin ka lamkik ding hi,” a ci hi.

Johan 7:12

Mihonpite in ama hangin thu tampi kikum uh hi. Mi kimkhat in, “Amah mipha ahi hi,” ci uh a, mi kimkhat in, “Mipha ahi kei hi, mihonpite a kheempa ahi hi,” a ci uh hi.

Johan 7:47

Tua ahih ciangin, Farisaite in, “No nangawn hong kheem zo ahi hiam?

2 KORIN NIHNA 6:8

minthan’na leh simmawhna ahi zongin, phatna leh kosiatna thuakin ahi zongin, mikheemte bang ahi zongin, thuman gen mi hi-in,