Mattiu 27:5 - Tedim Bible

⁵ Judas in biakna innpi sungah dangka paai a, mun dangah a pai khit ciangin a awklum hi.

Tedim Bible Revision 2017

⁵ Tua ciangin amah in biakinn sungah a ngun peekte lawnin paikhia a, a mahmah a gui-awk hi.

Mattiu 27:5 Iomraidhean Croise

2 SAMUEL NIHNA 17:23

Ahithofel in ama thugen a kizuih loh a muh ciangin a la tutphah vawhin ama khuapi a inn-ah nuak ciah hi. Tua ciangin amah in a innkuan vai hawmsak a, tua ciangin amahmah gui-awk hi; amah si a, a pa’ han-ah kivui hi.

1 KUMPI MASATE 16:18

Ama hihsa a khialhna, Topa muhna ah a siat gamtatna, Jeroboam’ khekhap a totna, leh a hihsa a khialhna, Israel a khialhsakna hangin, khuapi kila khin hi, ci-in Zimri in a muh ciangin kumpipa’ inn muanhuai sungah amah pai a, kumpipa’ inn mei tawh amah kihal nelhin si hi.

JOB (Job) 2:9

Tua ciangin a zi-in, “Na upna khiam tuan lo ding na hi hiam? Pasian samsia in la, si suk in,” a ci hi.

JOB (Job) 7:15

Tua ahih manin gui-awk ding ka ut zaw a, hih bang ka thuak sangin ka si nuam zaw hi.

Late 55:23

Ahih hangin Pasian aw, dum thukpenna munah nangmah in amaute na lawnsuk ding a, mi a thatte leh mikhemte pen amau nuntak ding zah lang hing lo ding hi. Ahih hangin keimah in nang kong muang ding hi.

Mattiu 26:61

“Hihpa in, ‘Keimah in Pasian biakna innpi ka susia ding a, ni thum khit ciangin ka lam kik zo ding hi,’ a ci hi,” ci-in teci a pang uh hi.

Mattiu 27:6

Siampite in dangka la uh a, “Si man sumpi kholna sungah koih ding kilawm lo hi,” a ci uh hi.

Luka 1:21

Mite in Zekhariah ngak uh a, biakna inn sungah sawtpi a om ciangin lamdang a sa uh hi.

Thukhente 9:54

Tua ciangin Abimelek in ama hiam a tawisak tangvalpa nawh sapin ama kiangah, “Na namsau dok in la kei hong that in, tua hi kei leh mite in, ‘Numei khat in, amah that hi,’ hong ci kha ding uh hi,” a ci hi. A tangvalpa in amah sun letin amah si hi.