Mattiu 27:41 - Tedim Bible

⁴¹ Tua mah bangin siampi liante, laitheite leh upate in,

Tedim Bible Revision 2017

⁴¹ Tua bangmahin siampi liante in Thukham hilh siate le upate tawh zahko-in,

Mattiu 27:41 Iomraidhean Croise

JOB (Job) 13:9

Pasian in lim takin note hong entel leh note sungah hoihna mu ding ahi hiam? Mihingte na khem bangun Pasian khem thei dingin kingaihsun na hi uh hiam?

Late 35:26

Kei’ kamsiatna-ah a lungdamte maizumsak in la zahhuai gawp sak in! Kei tunga hong kiliansakte maizumna leh mindaina silh sak in!

Isaiah 28:22

Tua ahih ciangin tu-in, note hong kikhihna, a to-in kibawl kha ding ahih manin thusim loin om kei un; bang hang hiam cih leh Vanglianpen Topa Pasian tung panin gam buppi-ah siat nading thukhenna ka za khin hi.

Isaiah 49:7

Israel a Tankhia-pa leh ama Siangtho Pa ahi Topa in, nakpi takin simmawhna a thuak, minamte in a muhdah, gam ukte’ nasempa tungah: “Nangmah hong teel, Israelte’ Siangtho Pa, a thuman Topa’ hangin, mite na hotkhiatna thu kumpite in a muh ciangun zahtakna tawh na mai-ah hong ding ding uh a, na mai-ah uliante, hong kun ding uh hi,” hong ci hi.

Zekhariah 11:8

Kha khat sungin tuucing thumte ka notkhia hi. Bang hang hiam cih leh amaute tungah ka lungduai zo nawn kei a, amaute in kei hong mudah uh hi.

Mattiu 27:40

Pasian’ Tapa na hih takpi leh, singlamteh tung pan hong kumkhia in,” ci-in a lu uh pei-in a zahko uh hi.

Mattiu 27:42

“Hih mipa in midangte a gup theih hangin ama pumpi kigum zo lo hi. Israel Kumpipa ahih takpi leh, tu mahmahin singlamteh tung pan hong kumsuk ta hen. Hong kum leh, ka um ding uh hi.

Luka 18:32

Bang hang hiam na cih uh leh, Gentailte khut tungah kipia ding a, zahkona, bawlsiatna leh cilphihna a thuak ding hi.

Luka 22:52

Tua ciangin Zeisu in amah man dinga hong pai siampi liante, biakna inn mangte leh upate kiangah, “Note in galgumat bangin kei man dingin namsau leh molhtumte tawi-in hong pai na hi uh hiam?

Luka 23:35

Mite in enin a ding uh hi. A ukte in, “Hih pa in midangte a gum thei hi. Pasian’ teelsa Khazih ahih takpi leh, ama pumpi kigum ta hen,” ci-in a zahko uh hi.