Mattiu 27:4 - Tedim Bible

⁴ “Ka khial zo hi, mawh nei lo’ si kong pia kha zo hi,” a ci hi. Amau in, “Kote in bang hong kuppih thei ding ka hi uh hiam? Hih thu nangma thu hi ta hen,” a ci uh hi.

Tedim Bible Revision 2017

⁴ “Mawhna a nei lo mipa a si dingin lehhek kha ka hih manin ka mawh hi,” a va ci hi. Ahi zongin amaute in, “Kote tawh bang kisai nawn ding ahi hiam? Nangma tavuan ahi hi,” a na cih san uh hi.

Mattiu 27:4 Iomraidhean Croise

1 KUMPI MASATE 21:27

Ahab in hih thute a zak ciangin a puante balkek a, a pum tungah puanhampi silhin, an tangin puanhampi tungah lum a, maikhingin vak kawikawi hi.

JOB (Job) 13:4

Note in na haina uh zuauthu tawh na melh uh a, kuamah a damsak zolo zato siam-a kineite tawh na kibang uh hi.

JOB (Job) 16:2

“Tua bang thute ka za ngei khin hi; hehnepna in gim nading bek ahi hi.

Late 94:21

Amaute in thuman mihoihte thah sawm uh a, a mawh baang lo mite, sihna daan thuak sak uh hi.

Paikhiatna 12:31

Amah in Moses leh Aaron zan sap a, “Ding un, keima' mihingte lak panin note leh Israel mite paikhia un; pai un la, na gensa bangun Topa va bia un.

Paikhiatna 9:27

Tua ciangin Faro in mi sawlin Moses leh Aaron samsak a amaute' kiangah, “Tu tungin ka khial hi; Topa man hi, kei leh ka mihingte ka khial uh hi.

Paunak 12:8

Mipilte kiphatin kipahtawi a, mihaite kineu-et hi.

Jeremiah 26:15

Kei nong thah uh leh bel, mawhnei lo mi khat na thah manun note mahmah-a kipan hih khuapi leh a sunga teengte in na thuak ding uh hi, cih thei ta un. Bang hang hiam cih leh na bil mahmah a, na zak dingun hih thute a gen dingin Topa’ hong sawl taktak ka hi hi,” a ci hi.

Jonah 1:14

Tua ahih ciangin amaute in Topa’ kiangah kiko-in, “Topa aw, hih mipa ka sihsak manun kote hong sisak kei in la, mi that hi, ci-in hong ngawh kei ta in, ci-in kong thuum uh hi; bang hang hiam cih leh Topa aw, nangmah in pha na sak banga na bawl ahi hi,” ci-in thu a ngen uh hi.

Mattiu 27:19

Pilat in thukhenna tokhom tungah a tut lai takin a zi in ama kiangah mi khat sawl a, “Tua miphapa tawh bangmah kikumin na hih kei in. Bang hang hiam na cih leh, tuni-in ka mang sungah tua pa hangin gimna nakpi-in ka thuak hi,” ci-in kam a khak hi.

Mattiu 27:54

Zeisu a cing galkap mangpa akipan amah tawh a omkhawmte in ziin liing a muh uh ciangin lau mahmah uh a, “Hih pa in Pasian’ Tapa taktak ahi hi,” a ci uh hi.

Luka 23:22

Pilat in, “Bang hang hiam? Amah in mawhna bang ta khial ahi hiam? Ama sih nadingin a kilawm ama tungah thu khat beek ka mu kei hi. Tua ahih ciangin ka sat khit ciangin ka khah ding hi,” ci-a thumveina a gen hi.

Luka 23:41

Eite in thuman thu tanna i thuak hi. Bang hang hiam na cih leh, eite’ hihna tawh kituak i thuak hi. Hih pa ahih leh, bangmah mawhna a bawl kei hi,” ci-in a lawmpa a taai hi.

Luka 23:47

Galkap mangpa in tua thu piangte a muh ciangin, “Hih pa in mi diktat mi ahi hi,” ci-in Pasian’ min a phat hi.

Johan 19:7

Tua ciangin Judah mite in, “Kote in thukhamna ka nei uh hi. Tua thu tawh kituakin hih pa si dingin kilawm hi. Bang hang hiam na cih leh, amah in, ‘Pasian’ Tapa ka hi hi,’ a ci hi,” ci-in a gen uh hi.

Sawltak 13:28

A sih nading a kituak thu khatbeek a muh loh uh hangin, thah dingin Pilat mangpa kiangah a ngen uh hi.

ROM (Romans) 3:19

Thukham in a gen thu khempeuh thukham nuai-ah a om mite kiangah a gen hi cih i thei hi. Tua ahih ciangin kam a vekpi kikham uh a, leitungmi khempeuhte in Pasian mai-ah mawhsakna a thuak ding uh hi.

1 TIMOTI MASA 4:2

amau lungsim uh kisuan’na-ah sik sa tawh ciamtehna a ngah khit uh ciangin, zuauthu a gen thei mite’ simtatna hangin mi kimkhat in upna thu zui nawn loin, a kheem thei khate ahi zongin, dawigilote’ thuhilhna ahi zongin a ngai ding uh a, kiteen’ loh nading ahi zongin, thuman thutak um-a a thei mite in hehpihna phat-a a neek ding uh Pasian’ bawlsa an pawl pawlte tan’ ding ahi zongin, a kham ding uh hi.

Titu 1:16

Amaute in, “Pasian ka thei tel uh hi,” a cih uh hangin, a gamtatna uh tawh Pasian a nial uh hi. A kihhuai mi, thungai lo mi, nasepna hoih khat beek ah kiman’na om lo mi ahi uh hi.

Hebru 7:26

Tua bang siampi ukpa in siangtho-in, dikin, kihhuaina om loin, mawhneite tawh kikhen khia a, vante sangin a sangzaw munah a tung mi ahih ciangin, eite ading a kilawm hi.

1 PETER MASA 1:19

hoih lohna om lo, a nin baang lo tuuno tawh kibang ahi Khazih’ manpha bel sisan tawh hong tankhia hi ci-in na thei un.

1 JOHAN MASA 3:12

Kain in bang hangin a nau a that hiam na cih uh leh, ama gamtatnate hoih lo a, a naupa’ gamtatnate a dik hi.

Mangmuhna 11:10

Leitungah a om mite in zong tua kamsang nihte in a bawlsia ngei ahih manin, tua a luangte hangin lungdamin khat leh khat nuamna nate a kipia ding uh hi.

1 SAMUEL MASA 15:24

Tua ciangin Saul in Samuel kiangah, “Ka khial khin hi; bang hang hiam cih leh keimah in mite kihta-in amau’ aw ngai ka hih manin Topa’ thupiakna leh nangma thute ka palsat khin hi.

1 SAMUEL MASA 15:30

Tua ciangin amah in, “Ka khial khin hi; ahi zongin tu-in keima mi upate mai leh Israelte mai-ah kei hong pahtawi in la, Topa na Pasian ka biak theih nadingin kei tawh hong kileh kik in,” a ci hi.

1 SAMUEL MASA 19:5

amah in a nuntakna pia ngamin Filistiapa that a, Topa in Israelte khempeuh adingin gualzawhna lianpi piangsak hi. Nangmah in hih thu na mu a, na lung a dam hi; tua ahih ciangin bang hangin thu om lopi-in David thahna tawh a mawh baang lo mipa tungah khial ding na hi hiam?” a ci hi.