Mattiu 27:2 - Tedim Bible

² khau tawh a hen khit uh ciangin Pilat mangpa kiangah a paipih uh hi.

Tedim Bible Revision 2017

² Sikkhau tawh khihin paipih uh a, tua gam sungteng a uk Pilat mangpa khut sungah a ap uh hi.

Mattiu 27:2 Iomraidhean Croise

Piancilna 22:9

Ama' kiangah Pasian’ gennasa mun amaute a tun’ uh ciangin, Abraham in tua lai-ah biakna tau khat bawlin, a ngei nading bangin sing koihin, a tapa x Isaak henin biakna tau tunga sing tungah amah koih hi.

Mattiu 20:19

Amaute in amah a sih nading thu a khen khit uh ciangin, zahko-in sat uh a, singlamteh tungah thah dingin Gentailte’ khut tungah a pia ding uh hi. Ni thum ni-in a thokik ding hi,” a ci hi.

Mattiu 28:14

Hih thu mangpa in a theih leh, note hong mawhsak loh nading, mangpa a lungkim nadingin ka na genpih ding uh hi,” a ci uh hi.

Luka 13:1

Tua lai takin mi kimkhat hong pai-in Pilat mangpa in Galile mite’ sisan amau pasian biakna sa tawh a hel gawpna thu Zeisu kiangah a gen uh hi.

Luka 20:20

Tua lai takin amaute in Zeisu ensim uh a, mangpipa’ vaihawmna leh thukhente tungah a piak nadingun, ama kampau tawh mat theih nadingin thusim kante a kiangah a sawl uh hi.

Luka 23:1

Tua lai takin a kikhawm mi khempeuhte ding-in Zeisu Pilat mangpa kiangah a paipih uh hi.

Luka 23:12

Tua ni-in Pilat leh Herod te, khat leh khat a kilem kik uh hi. Bang hang hiam i cih leh, nidangin a kiho thei kei uh hi.

Luka 3:1

Kaisar kumpipa Tiberias a man’ zawh kum sawm leh kum nga ciangin, Judah gamah Pontias Pilat mangpi hi a, Galile gamah Herod menzi hi a, Iturea gam leh Trakhonis gamah Herod’ nau Filip menzi hi a, Abilene gamah Lisanias menzi hi a;

Johan 18:12

Tua lai takin galkapte akipan galkap mangpa leh Judah upa nasemte in Zeisu a man uh a; khau tawh a hen khit uh ciangin,

Johan 18:24

Tua ciangin Annas in siampi ukpa Kai-afas kiangah kihensa-in Zeisu a paisak hi.

Johan 18:28

Tua ahih ciangin amau in Kai-afas kiang pan mang innah a paipih uh hi. Tua laitak in zingsang tung ahi hi. Amaute in Paisan pawi a nek theih nadingun kisian’suah nuam uh ahih manin mang inn sungah a tum kei uh hi.

Sawltak 12:6

Herod kumpipa in a lakkhiat hun dek tak ni zanin Piter sikkhau nih tawh kihen a, galkap nih kikalah ihmu a, thong kong mai-ah a cingte in a cing uh hi.

Sawltak 21:33

Tua ciangin galkap mangpa in va nai a, Paul a mat khit ciangin sikkhau nih tawh hen ding thu a piak khit ciangin, “Hih mi kua mi ahi hiam? Bang hih khial ahi hiam?” ci-in a dong hi.

Sawltak 22:25

Amaute in Paul savun khau tawh a hen khit uh ciangin Paul in a kiangah a ding bupa kiangah, “Thukhenna thuak loin Rom mi sat ding a kilawm hiam?” ci-in a dong hi.

Sawltak 22:29

Tua ciangin thu dong dinga akisa mite in Paul kiang panin a paikhia pah uh hi. Amah Rom mi ahih thei a, amah khau tawh hen zo ahih ciangin galkap mangpa a lau mahmah hi.

Sawltak 24:27

Kum nih a cin’ ciangin Porsias Festas in Feliks za a laih hi. Tua Feliks in Judah mite lungdamsak nuamin Paul thong sungah a omsak lai hi.

Sawltak 28:20

Tua ahih ciangin note mu-in, hong hopih dingin kong sam hi. Bang hang hiam na cih uh leh, Israel pawlte’ lametna thu hangin hih sikkhau khihna ka thuak hi,” a ci hi.

Sawltak 3:13

Abraham, Isaak leh Jakob’ Pasian, i pu i pate’ Pasian in ama Sila Zeisu a min thangsak zo hi. Note in tua Topa pen gam vaihawmte tungah pia-in, Pilat in khah ding a sawm hangin ama maitang ah tua pa na nial uh hi.

Sawltak 4:27

hih khua sungah Herod leh Pontias Pilat in Gentailte leh Israelte tawh nangmah na khut leh na ciamtehna in hong piang ding thu a piakkholh bangin,

Sawltak 9:2

hih Lampi a zui numeite ahi zongin, pasalte ahi zongin a muh ciangin, khau tawh a khih khit ciangin Jerusalem khua-ah paipih dingin Damaskas khua kikhopna inn ukte kiangah vaikhakna lai piak nading siampi ukpa kiangah a ngen hi.

1 TIMOTI MASA 6:13

Topa Zeisu Khazih hong kilat dongin nang in a nin baang loin mawhsak nading om loin, thupiakna na zuih nadingin na khempeuh a nungta sak Pasian mai-ah ahi zongin Pontias Pilat maiah pha takpi-a thuman teci a pang Khazih Zeisu mai-ah ahi zongin, keimah in nangma tungah thu kong pia hi.

2 TIMOTI NIHNA 2:9

Tua Lungdamna Thu hangin keimah in mi gilo bangin khau kikhihna dongin gimna ka thuak hi. Ahih hangin Pasian’ thu ahih leh, a kikhihna om lo hi.

Hebru 13:3

Khau khihna a thuak mi tawh kikhih khawm bangin kingaihsun un: pumpi tawh kipelh lo na hih uh ciangin bawlsiatna a thuakte na ngaihsun un.

Thukhente 15:12

Tua ciangin amaute in ama kiangah, “Filistia mite khut sungah nang kong piak theih nadingun nangmah a hen dingin kong paisuk uh hi,” a ci uh hi. Samson in amaute kiangah, “Note mahmah in nong hih loh nading uh kei tungah hong kiciam un,” a ci hi.