Mattiu 26:70 - Tedim Bible

⁷⁰ Piter in, “Nang na cih pen ka thei kei hi,” ci-in mi khempeuh mai-ah a nial hi.

Tedim Bible Revision 2017

⁷⁰ Ahi zongin Peter in nial a, “Na thugen ka thei kei hi,” ci-in a dawng hi.

Mattiu 26:70 Iomraidhean Croise

Paunak 28:26

Ei leh ei kimuan’na in haina hi a, mipilte’ hilhna zuihna in lungmuan’na hi.

Paunak 29:23

A kiphasakte in niamkhiatna thuak ding a, a kiniamkhiatte in pahtawina ngah ding hi.

Paunak 29:25

Midangte kihtakna in hong lunghimawhsak a, Topa muan’na in hong lungmuangsak hi.

Isaiah 57:11

Nang zuau-in, kei hong phawk loin, kei nong ngaihsut loh nadingin na kihtak hih pasiante bang ahi hiam? Sau veipi sung pau loin ka om hit-hiat manin kei hong zahtak lo na hi hiam?

Jeremiah 17:9

“Lungsim in na khempeuh lakah a khem hatpen hi a, a kisia pha mahmah hi; kua in a thei thei ding hiam?

Mattiu 26:51

Tua lai takin Zeisu a tonpihpa khat in a khut zan a, namsau a dawh khit ciangin siampi lian ukpa’ nasem khat a sat leh, a bil a satkhia hi.

Mattiu 26:56

Hih thute khempeuh in Pasian’ kamsangte’ gelhsa Lai Siangtho hong tun’ nading ahi hi,” ci-in mihonpite kiangah a gen hi. Tua ciangin, a nungzuite khempeuh in Topa a taisan uh hi.

Mattiu 26:58

Piter in siampi ukpa’ inntual dongin gamla sim a kihalin Zeisu zui a, hih thu a tawpna a theih nadingin inntualah lut a, palikte tawh a tukhawm hi.

Mattiu 26:69

Piter inntualah a tut lai takin numei khat a kiangah pai a, “Galile mi Zeisu tawh na kipawl hi,” a cih ciangin

Mattiu 26:71

Tua nung ciangin Piter inn liimah a paikhiat khit ciangin numei adang khat in mu a, tua munah a om mite kiangah “Hihpa zong Nazareth mi Zeisu tawh a kipawl hi,” a cih ciangin

Luka 22:57

Piter in, “Numei aw, tua pa ke’n ka thei kei hi,” ci-in a nial hi.

ROM (Romans) 11:20

Hi ta hen. Upna lungsim nei lo ahih ciangun amaute a kitan uh a, nangmah in na upna hang bekin na kip hi. Na kisathei kei in, na kihta in.

1 KORIN MASA 10:12

Tua ahih ciangin ka lungkip hi ci-in a ki-um mi in a puk loh nadingin kikem hen.

Mangmuhna 21:8

Lau-in a um lo mi, a kihhuai mi, mi that thei mi, nu leh pa mawhna a bawl mi, mi bum thei mi, milim bia mi, zuauthu gen mi khempeuh ahih uh leh, nihna sihna ahi kat leh mei lipi sungah a kituakin a thuak ding uh hi,” ci-in keima kiangah hong gen hi.