Mattiu 26:67 - Tedim Bible

⁶⁷ Tua lai takin amau in Zeisu’ maitang cil tawh phih uh a, khut tumin a tum uh hi. Kimkhat in khutpeek-in a beeng uh hi.

Tedim Bible Revision 2017

⁶⁷ Tua ciangin amaute in a maitang cilphih uh a,

Mattiu 26:67 Iomraidhean Croise

1 KUMPI MASATE 22:24

Tua ciangin Khena-anah’ tapa Zedekiah a nai-ah hong pai-in Mikaiah a paang bengin, “Nang tungah thu a gen dingin keima tung panin Topa’ Kha hong bangci pai hiam?” a ci hi.

Isaiah 50:6

Hong satte tungah ka nung ka dawh a, ka khamul hong kai mite tungah ka paang ka dawh hi; maizumna leh cilphihna panin ka maitang ka hei kei hi.

Isaiah 52:14

Mi tampite in amah lamdang sa uh hi— mihing a bang nawn lo zah dongin nakpi takin a mai sia a, mihing a sun nawn lo zah dongin a meel sia hi—

Isaiah 53:3

Amah pen mite in simmawhin nusia hi; gimna leh natna a thuak mi ahi hi; mite in en nuam loin a mai uh a humsan mipa bangin amah kisimmawh a, eite in amah i thusim kei hi.

Jeremiah 20:2

Tua ciangin Pashhur in kamsangpa Jeremiah sat a, Topa’ biakinn Benjamin Kongpi sak nungah kol a bulh hi.

Kah la 3:30

Guallel-in bawlsiatna thuak taleng tua banga om lel ding ahi hi.

Kah la 3:45

Hi leitungah kote a kihhuai nahteh muat bangin na hong bawl hi.

Micah 5:1

Jerusalem khuamite aw, na kulh sung uhah lut un. Eite hong ki-umcih a, Israel makaipa’ biang ciang tawh sat ding uh hi.

Gamlak-vakna 12:14

Ahih hangin Topa in Moses kiangah, “Tua numei’ maitangah a pa in cil phih leh tua numei ni sagih sung maizum ding hi lo ahi hiam? Giahphual pua lamah ni sagih sung kikhumcip sak in la, tua khit ciangin amah hong kipaipih kik thei ding hi,” a ci hi.

Mattiu 26:68

“Khazih aw, nang kua in hong beeng hiam? ci-in kamsangte bangin hong gen in,” a ci uh hi.

Mattiu 27:30

Zeisu cil tawh phih uh a, pumpeeng la-in a lutang a sat uh hi.

Mattiu 5:39

Ke’n kong cih-inah, a gilo mi na thukkik kei un. Na pang taklam mi khatpeuh in hong bet leh, pang langkhat zong na dawh lai un,

Marka 10:34

Tua mite in zong amah zahkoin, cil tawh phihin, satin, a that ding uh hi. Ni thum khit ciangin a thokik ding hi,” ci-in ama tungah a tung ding thute a nungzuite kiangah a gen hi.

Marka 14:65

Tua lai takin kimkhatte in Zeisu cil tawh phih uh a, a maitang tuamin a khut uh tawh a tum uh hi. “Pasian’ kamsangte bangin hong hilh in,” a ci uh hi. Palikte in khut tawh pang betin a paipih uh hi.

Marka 15:19

Pumpeeng tawh ama lutang sat uh a, cil tawh phihin, a mai-ah khukdin’in a bia uh hi.

Johan 18:22

Tua bangin a dawn’ ciangin, a kianga ding nasemte khat in, “Tua bangin siampi ukpa na dawngkik hiam?” ci-in a khut tawh Zeisu a beeng hi.

Johan 19:3

“Judahte’ Kumpipa aw, nang na ci dam ta hen!” ci-in khut tawh a beeng uh hi.

1 KORIN MASA 4:13

Gensiatna ka thuak uh ciangin ka thuum uh hi. Tu dongin kihhuainate bangin ahi zongin, mun khempeuh ah a kiphiatkhia ninte bangin ka hi uh hi!

Thu-hilhkikna 25:9

tua ciangin upate’ omin a sanggampa’ zi ama kiangah paito-in a khe panin a khedap kaihkhiat sakin a maitang cil phih ding hi; tua ciangin tua nu in, ‘A sanggampa’ innkuan a zomto lo mipa hih bangin kibawl ta hen,’ ci khia ding hi.

Hebru 12:2

eite upna a piangsakpa a kicingsakpa Zeisu a tel takin enin, i mai-ah a om kitaitehna-ah thakiamsak loin kidem ni. Tua Topa Zeisu in ama mai-ah a koih lungnopna thu hangin zumna ngaihsun loin, singlamteh a thuak khit ciangin Pasian’ tokhom ziat lamah a tu hi.