Mattiu 26:58 - Tedim Bible

⁵⁸ Piter in siampi ukpa’ inntual dongin gamla sim a kihalin Zeisu zui a, hih thu a tawpna a theih nadingin inntualah lut a, palikte tawh a tukhawm hi.

Tedim Bible Revision 2017

⁵⁸ Peter in siampi lianpen paʼ inntual ciang dong Jesuʼ nung gal zuih a, bang thu a piang hiam cih a theih nadingin inntual ah palikte kiangah a om hi.

Mattiu 26:58 Iomraidhean Croise

Mattiu 26:3

Tua lai takin siampi liante leh upate in Kaiafas kici, siampi ukpa’ inn tualah kikhawm uh a,

Mattiu 5:25

Na kitotpihpa tawh lam na tonkhawm lai takin na kilem mengmeng in. Tua ahih kei leh, amah in thukhen mangpa kiangah hong khia ding hi. Thukhen mangpa in palikte kiangah hong pia ding a, palikte in thong sungah hong khum ding hi.

Luka 22:54

Amaute in Zeisu man uh a, siampi ukpa’ innah a paipih uh hi. Piter in gamla sim kihalin a zui hi.

Johan 18:25

Tua lai takin Simon Piter ding a, mei a awi lai takin amaute in, “Nang Zeisu a nungzui khat hilo na hi hiam?” ci-in a dot uh ciangin, “Ka hi kei hi,” ci-in a nial hi.

Johan 19:6

Siampi liante leh upate in Zeisu a muh uh ciangin, “Singlamteh tungah that in! “Singlamteh tungah that in!” ci-in a kiko kik uh hi. Pilat in, “Nomau in amah la un la, singlamteh tungah that un. Ama tungah mawhna ka mu kei hi,” a ci hi.

Johan 7:32

Mihonpite kikupna thu a theih uh ciangin, siampite leh Farisaite in Topa man dingin palikte a sawl uh hi.

Johan 7:45

Tua ahih ciangin palikte, siampi liante leh Farisaite kiangah a ciahkik uh ciangin tuate in, “Bang hangin hong paipih lo na hi uh hiam?” ci-in a dong uh hi.

Sawltak 5:22

Palikte a pai uh a, sawltakte thong sungah a muh loh uh ciangin a ciahkik uh hi.

Sawltak 5:26

Tua ciangin biakna innpi ukpa leh palikte a paikik uh a, amau mite in suang tawh a den’ ding uh a lau manun ah gamlum loin a paipih uh hi.