Mattiu 26:5 - Tedim Bible

⁵ Ahih hangin, “Mihonpi a gamlum khak ding a lau manunah pawikham laitak hih kei ni,” a ci uh hi.

Tedim Bible Revision 2017

⁵ Amaute in, “Buaina lianpi hong om kha thei ding ahih manin hih pawi hun sungin hih kei ni,” a ci uh hi.

Mattiu 26:5 Iomraidhean Croise

Late 76:10

Mite’ hehna in nangmah hong kiphatna piangsak ding a, na hehna pan a suakta sun mite in nangmah pahtawina pawi bawl ding uh hi.

Paunak 19:21

Mihing’ ngaihsutna ah thu tampi om a, ahi zongin Topa’ deihna tawh a kituakte bek kimang ding hi.

Paunak 21:30

Pilna, theihna, thugennate in, Topa’ mai-ah bangmah man lo hi.

Isaiah 46:10

A kipat cilin a tawp nading thu ka pulak a, tanglai pek panin a piang nai lo nate genin, ‘Ka ngimna kip ding a, ka sepnop khempeuh ka sem ding hi,’ ka ci hi.

Kah la 3:37

Topa deihna bang bekin na khempeuh a piang hi.

Mattiu 14:5

Herod in Johan a thah nop hangin mihonpite in Johan Pasian’ kamsangpa hi sa uh ahih ciangin a lau hi.

Mattiu 21:26

“Mi tung pan hong piang hi,’ ci leeng, mite i kihta hi. Bang hang hiam i cih leh mi khempeuh in Johan kamsangpa a sa uh hi,” ci-in khat leh khat a kikup khit uh ciangin,

Mattiu 27:24

Pilat in kham zo lo tham loin mi’ gamlumna a khangto semsem a muh ciangin, tui la-in mihonpite maiah a khut silin, “Hih miphapa’ si tungah kei ka mawh kei hi. Hih thu note thu thu hi ta hen,” a ci hi.

Marka 14:12

Paisan tuuno a kigawh ni, silngo om lo khomun nek kipat ni-in a nungzuite in, “Paisan pawi na nek theih nadingin koi laitak mun hong bawlsak le-ung na deih hiam?” ci-in Zeisu kiangah a dong uh hi.

Marka 14:2

Ahih hangin mihonpi a gamlum khak ding a lunghihmawh manun, “Pawikham laitak hih kei ni,” a ci uh hi.

Marka 14:27

Tua lai takin Zeisu in, “Tuucingpa ka satlum a, tuute a kithehthang ding hi,” ci-a Lai Siangtho sunga a kigelh bangin, note na vekpi un na lungkia ding uh hi.

Luka 20:6

‘Mi tung pan hong piang hi ci leeng mi khempeuhte in suang tawh hong deeng ding uh hi.’ Bang hang hiam i cih leh, amaute in Johan in kamsangpa a sa uh hi,” ci-in khat leh khat a kikum uh hi.

Luka 22:7

Paisan tuuno a kigawh nading, silngo om lo khomun nek pawikham ni a tun’ ciangin Zeisu in Piter leh Johan kiangah, “Pai un la, Paisan pawi an nek ding na bawl un,” ci-in a sawl hi,

Johan 18:28

Tua ahih ciangin amau in Kai-afas kiang pan mang innah a paipih uh hi. Tua laitak in zingsang tung ahi hi. Amaute in Paisan pawi a nek theih nadingun kisian’suah nuam uh ahih manin mang inn sungah a tum kei uh hi.

Sawltak 19:29

Khua sung khempeuh gamlumna tawh kidim hi. Amaute in Makedonia pana Paul’ khualzinpihte, Gaias leh Aristarkhus a mat khit uh ciangin, pawikhamna inn sungah lungsim kikhatin a tai uh hi.

Sawltak 21:38

Nang in, nidang lai-inah mi suam ding hansuahin, a suamte tuili gampa lakah a paipih Izipt mi hilo na hi hiam?” ci-in a dong hi.

Sawltak 4:28

sathau na nilhsa na Sila siangtho Zeisu tungah hih ding a kikhawm takpi uh hi.