Mattiu 26:39 - Tedim Bible

³⁹ Zeisu mai lamah tomkha pai-in boksukin, “Ka Pa aw, hih hai in kei tawh a kipelh zawh leh, hong kipelhsak in. Ahih hangin keima deihna bang hi kei hen. Nangma deihna bang hi ta hen,” ci-in thu a ngen hi.

Tedim Bible Revision 2017

³⁹ tawm khat pai lai-in leilak ah bokin thu ngen a, “Pa aw, ahi thei ding ahihleh hih thuak nading tawh hong kipelhsak in. Ahi zongin keiʼ deihna bang hi loin nangma deihna bang hizaw tahen,” a ci hi.

Mattiu 26:39 Iomraidhean Croise

Piancilna 17:3

Tua ciangin Abram mai kun suk hi; Pasian in ama' kiangah,

2 SAMUEL NIHNA 15:26

ahih hangin amah in, ‘nang tungah lungkimna ka nei kei hi,’ hong cih leh, en in, hih lai-ah kei ka om hi, amah in hoih a sak bangin kei tungah hong hih hen,” a ci hi.

1 KHANG TANGTHU MASATE 21:16

Tua ciangin David khuadak to a, leitung leh vantung kikalah Topa’ vantungmi ding-in a khut sungah a kidoksa namsau khat omin Jerusalem tungah a zan mu hi. Tua ciangin David leh a upate puanhampi silhin mai puk uh hi.

Isaiah 50:5

Topa Pasian in ka bil hong honsak a, amah ka lehdo kei a, ka nungngat kei hi.

Isaiah 53:12

Tua ahih ciangin amah pen mi liante tawh nate ka hawmsak ding a, amah in mi hatte tawh nate hawm ding hi; bang hang hiam cih leh amah in sihna dongin a nuntakna piakhia a, khialhna a nei mite tawh kisim khawm hi; ahih hangin amah in mi tampi’ mawhna pua a, khialhna neite’ adingin thuumna bawlsak hi.

Ezekiel 1:28

Tua a taang khuavak in meii lakah sakhituihup kai-in a neih mel nam tuamtuam khempeuh nei kim hi. Topa’ vangliatna lim pen tu-a ka gen bang ahi hi; Hih bang ka muh ciangin lei lakah ka bok suk a, tua ciangin awging khat ka za hi.

Gamlak-vakna 14:5

Tua ciangin Israel mihon kikhawmte khempeuh’ mai-ah Moses leh Aaron boksuk uh hi.

Gamlak-vakna 16:22

Amaute boksuk uh a, “Pasian, mi khempeuhte tungah nuntakna a pia Pasian aw, mi khat khial ding a, mihon khempeuhte tungah nang heh ding na hi hiam?” a ci uh hi.

Mattiu 20:22

Zeisu in, “Note in na hong ngetna uh na thei kei uh hi. Ka dawn ding hai dawn zo ding na hi uh hiam?” a cih ciangin, “Ka dawn zo ding uh hi,” a ci uh hi.

Mattiu 24:24

Bang hang hiam na cih uh leh, zuauthu gen kamsangte leh Khazih zuautheite hong piang ding uh a, a teelsate nangawn a khem zawh leh a khem nadingun, lim leh nalamdang a liante hong lak ding uh hi.

Mattiu 26:42

Nihveina va pai a, “Pa aw, hih hai kei dawn lohin kei tawh a kipelh theih kei leh, nangma deihna bangin hi ta hen,” ci-in thu a ngen kik hi.

Marka 13:22

Bang hang hiam na cih uh leh, kamsang zuautheite leh Khazih zuautheite hong piang ding uh a, a teelsate nangawn a kheem zawh leh, a kheem nadingun lim leh nalamdang a lian hong lak ding uh hi. Na kikeem ta un.

Luka 17:16

Zeisu khe kiangah bokin hehpihna a phat hi. Tua pa in Samaria mi ahi hi.

Johan 11:41

Tua ahih ciangin amau in suang a lemkhia uh hi. Zeisu dakto a, “Pa aw, nang in keima thu hong ngai na hih ciangin na hehpihna ka phat hi.

Johan 14:31

Ahih hangin keimah in Pa’ hong thupiakna bangin ka hih a, Pa ka it cih leitung mite in a theihtheih nading ahi hi. Tho un, paikhia ni.”

Johan 18:11

Tua lai takin Zeisu in Piter kiangah, “Namsau a pai sungah siat kik in. Pa in kei hong piak hai dawn lo ding ka hi hiam?” ci-in a gen hi.

Johan 5:19

Tua ahih ciangin Zeisu in, “Ke’n aman takpi kong cih-inah, Tapa in ama deih bangin a hih thei kei hi. Pa’ hihna a muh bangin a bawl thei hi. Pa in a bawl mah bangin Ta in zong a bawl hi.

Johan 5:30

“Keimah in ka ut bangin ka hih thei kei hi. Ka zak bangin thu ka khen hi. Ka thukhenna in thu taktak ahi hi. Bang hang hiam na cih uh leh, keima deihna bang hi loin, kei hong sawlpa’ deihna bangin ka hih hi.

Johan 6:38

Bang hang hiam na cih uh leh, keima deih bangin gamta dingin vantung pan hong kumsuk ka hi kei hi; kei hong sawlpa’ deihna bang gamta dingin hong kumsuk ka hi hi.

Sawltak 10:25

Piter a tum ciangin Kornelias in dawn a, a khe mai-ah bokin a bia hi.

Filippi 2:8

Tua bang lim tawh dimin kimu a, Sihna a thuak tham loin, singlamteh tungah a sih dongin, Thumang-in ama pumpi a kiniamsak hi.

Hebru 5:7

Tua Khazih in mi pumpi bangin a om lai takin, sihna pan a honkhia zopa kiangah kikona, khitui luan’na tawh thungenin thuum a, Pasian kihtakna lungsim hangin thungaihna ngahin,

Mangmuhna 19:10

kei in tua vantungmi’ khe kiangah bokin bia dingin ka kisak leh, amah in, “Kei hong bia kei in! Kei in nang tawh ahi zongin, Zeisu’ teci pan’na a sang na sanggamte tawh ahi zongin sila ka hi khawm hi, Pasian bia in! Bang hang hiam na cih leh, Zeisu’ teci pan’na thu in kamsangte lungsim ahi hi,” ci-in kei kiangah hong gen hi.