Mattiu 26:31 - Tedim Bible

³¹ Tua lai takin Zeisu in, “Tuucingpa ka satlum a, tuu honpite a kithehthang ding uh hi,’ ci-a Lai Siangtho sungah a kigelh bangin note na vekpi-un kei hangin, tuzan ciangin na lungkia ding uh hi. Ahih hangin ka thawhkik khit ciangin note maiah Galile gamah ka pai ding hi,” a cih ciangin

Tedim Bible Revision 2017

³¹ Tua ciangin Jesu in amaute kiangah, “Lai Siangtho sungah, ‘Tuucingpa ka sat lum dinga, a tuute kithehthang ding hi,’ ci-in a kigelh mah bangin note khempeuh in tu nitakin kei na hong taisan mang khin ding uh hi.

Mattiu 26:31 Iomraidhean Croise

Late 38:11

Ka gim thuakna-ah ka lawmte leh ka kithuahpihte kidaang koih uh a, ka behte kei kiang pan gamla om uh hi.

Late 69:20

Simmawhna in ka lungsim sukham zo ahih manin kei ka cimawh hi. Hong hehpih ding ka zon’ hangin kuamah om lo hi; hong huh ding ka zon’ hangin kuamah ka mu kei hi.

Late 88:18

Hong itte leh ka lawmte keimah nong pelhsak khin a, khuamial bek, keima kikholhpih ahi hi.

Isaiah 53:10

Ahih hangin amah a kisatnim ding pen Topa’ deihna ahi hi; amah in natna thuak sak hi; mawhna hangin ama pumpi a kipiak ciangin amah in a suan leh khakte mu ding a, ama khan’ sau ding hi; Topa’ deihna ama khut sungah pung ding hi;

Kah la 1:19

Ka kipawl pihte ka sapsap hangin a hong huh nuam kei uh hi. A nuntak nading uh an a zon’na lamun siampite leh makaite kongzing lakah a si uh hi.

Zekhariah 13:7

Namsau aw, ka tuucingpa a su dingin kipan in la, kei tawh nasem khawmpa lang pang in. Tuucingpa sat in. Tuute kithehthang ding a, ka tuute gim ka pia ding hi.

Mattiu 11:6

Keimah hangah puk nading a nei lo peuhmah in thupha a ngah ding uh hi,” a ci hi.

Mattiu 26:24

Mihing Tapa in Lai Siangtho sungah a kigelh kholsa mah bangin a pai ding hi. Ahih hangin Mihing Tapa a lehheekpa in gimna a thuak ding hi. Tua mipa in a nu sung pan suak kei leh, amah ading a hoihzaw ding hi,” a ci hi.

Mattiu 26:56

Hih thute khempeuh in Pasian’ kamsangte’ gelhsa Lai Siangtho hong tun’ nading ahi hi,” ci-in mihonpite kiangah a gen hi. Tua ciangin, a nungzuite khempeuh in Topa a taisan uh hi.

Johan 16:32

En un, note in na omna ciat uhah na kikhenthang ding uh a, kei guak na hong nusiat nading uh ahun hong tung ding a, a tung zo hi. Ahih hangin kei guak ka om kei hi; Pa in kei tawh a omkhawm hi.