Mattiu 26:26 - Tedim Bible

²⁶ Amau in an a nek lai takun Zeisu in khomun la a, hehpihna a phat khit ciangin khomun balnenin, “Hih khomun in ka pumpi ahi hi. La un la, ne un,” ci-in a nungzuite a pia hi.

Tedim Bible Revision 2017

²⁶ Tua bangin an a nek laitakun, Jesu in anlum la-in lungdamna a koh khit ciangin balnen a, a nungzuite kiangah pia-in, “La unla ne un; hih pen ka pumpi ahi hi,” a ci hi.

Mattiu 26:26 Iomraidhean Croise

Mattiu 14:19

Tua ciangin, “Mihonte lopa tungah tusak un,” a cih khit ciangin Zeisu in khomun nga leh ngasa tawn nih la a, vantung lam ento-in hehpihna a phat khit ciangin, khomun leh ngasa balnenin a nungzuite a pia hi. A nungzuite in zong mihonte a lui uh hi.

Mattiu 26:27

Hai zong la a, hehpihna a phat khit ciangin amau pia a, “Note’n na vekpi-un dawn un.

Marka 6:41

Zeisu in khomun nga leh ngasa tawn nih la a, vantung lam ento-in hehpihna a phat khit ciangin, khomun balnenin mite mai-ah lui dingin a nungzuite a pia hi. Ngasa tawn nih zong amaute khempeuh lakah a hawmsak hi.

Luka 22:17

Tua lai takin Zeisu in hai la a, hehpihna a phat khit ciangin, “Hih hai la un la, note lakah na hawm tek un.

Luka 24:30

Sabuai-ah amaute tawh a tutkhawm lai takin khomun la a, hehpihna a phat khit khit ciangin khomun balneenin a pia hi.

Sawltak 2:46

Amaute in biakna innpi sungah ni simin lungsim kituakin a om uh a, amau innah anlum balnenin, a siangtho lungdamna tawh anne tuidawn uh a, Pasian a phat uh hi.

Sawltak 20:7

Ni sagih sung pan ni masa bel ni-in khomun balnen dingin ka kikhop lai takun, Paul in zingsang cianga pai sawm ahih manin amaute tawh kihopih a, zankim dongin thu a hilh hi.

1 KORIN MASA 10:4

kha tawh kipawl tui a dawnkhawm uh ahi zongin, note in thei loin na om ding uh ka deih kei hi. Bang hang hiam na cih uh leh, tuate khempeuh in amau nung a zui, kha tawh kipawl suangpi pan a luangkhia tui a dawn uh hi. Tua suangpi in Khazih ahi hi.