Mattiu 26:2 - Tedim Bible

² “Ni nih khit ciangin Paisan pawikhamna hong tung ding cih na thei uh hi. Tua lai takin Mihing Tapa in singlamteh tungah thah dingin kipia ding hi,” a ci hi.

Tedim Bible Revision 2017

² “Na theih sa uh mah bangin tu zawh ni nih khit ciangin Paisan Pawi hun hong tung ta ding hi. Tua ciangin singlamteh tungah thah dingin Mihing Tapa kipia ding hi,” a ci hi.

Mattiu 26:2 Iomraidhean Croise

Paikhiatna 34:25

“Note in silngo tawh keimah biakpiakna si na piakhawm kei ding uh hi; paisan pawi biakpiakna zong zingsang dong na omsak kei ding uh hi.

Mattiu 10:4

Kanaan mi Simon leh Zeisu a lehheekpa Judah Iskarot-te ahi uh hi.

Mattiu 17:22

Galile gamah a om lai takun Zeisu in, “Mihing Tapa mite khut tungah a kipia ding hi.

Mattiu 27:4

“Ka khial zo hi, mawh nei lo’ si kong pia kha zo hi,” a ci hi. Amau in, “Kote in bang hong kuppih thei ding ka hi uh hiam? Hih thu nangma thu hi ta hen,” a ci uh hi.

Luka 22:15

Zeisu in, “Ka sih ma-in hih Paisan pawi note tawh nekkhop ka ut mahmah hi.

Johan 11:55

Judah mite’ Paisan pawikham ding nai a, mi tampi in a kisian’thosak nadingun Paisan pawi ma-in gam khempeuh panin Jerusalem khua-ah a paito uh hi.

Johan 12:1

Tua ahih ciangin Zeisu in Paisan pawikham nading ni guk a sap lai takin a sisa a thawhkiksakpa Lazaras omna Bethani khua-ah a pai hi.

Johan 18:2

Amah a lehheekpa Judas in zong tua mun a thei hi. Bang hang hiam i cih leh, Zeisu leh a nungzuite in tuasan takah tamveipi a pai uh hi.

Johan 18:32

Tua bang a cihna in, Zeisu in bangci a sih ding ci-in lim lak a, a genkholh mah bangin a tun’ nading ahi hi.

Johan 2:13

Judah mite’ Paisan pawikham hun ahih ciangin, Jerusalem khua-ah Zeisu a paito hi.