Mattiu 26:18 - Tedim Bible

¹⁸ Zeisu in, “Khua sungah hih bang mi khat kiangah pai un la, ‘Sia in, Ka hun a nai zo hi. Nangma innah ka nungzuite tawh Paisan pawi ka ne ding hi, ci-in hong vaikhak hi,’ va ci un,” a ci hi.

Tedim Bible Revision 2017

¹⁸ Jesu in, “Jerusalem khua sungah va pai unla, tua mipa kiangah, ‘Siapa in, “Ka hun hong nai ta hi. Na inn ah ka nungzuite tawh Paisan Pawi an ka hong ne ding uh hi,” ci hi,’ va ci un,” a ci hi.

Mattiu 26:18 Iomraidhean Croise

Mattiu 21:3

Mi khatpeuh in na kiang uhah thu khat peuhmah hong gen leh, ‘Topa in a deih hi,’ ci le-uh teh amau in thakhatin hong khah ding uh hi,” ci-in a vaikhak hi.

Mattiu 23:10

‘Topa,’ hong cih ding na deih kei un. Bang hang hiam na cih uh leh, Khazih ahi, na Topa uh khat bek a om hi.

Mattiu 23:8

Note in, ‘Rabbi,’ hong cih ding na ut kei un, Bang hang hiam na cih uh leh, na to uh khat bek a om hi. Note khempeuh in unau pawlkhat na hi uh hi.

Mattiu 26:19

A nungzuite in Zeisu cih mah bangin ahih uh a, Paisan pawi nek nading a bawl khol uh hi.

Mattiu 26:2

“Ni nih khit ciangin Paisan pawikhamna hong tung ding cih na thei uh hi. Tua lai takin Mihing Tapa in singlamteh tungah thah dingin kipia ding hi,” a ci hi.

Mattiu 26:49

Topa kiangah thakhatin va pai a, “Topa aw, nang na cidam ta in,” ci-in a nam hi.

Marka 5:35

Zeisu in tua thu a gen lai takin, kikhopna ukpa’ inn panin mite hong pai uh a, “Na tanu a si zo hi. Siapa bang dingin na gimsak lai ding hiam?” ci-in a ko uh hi.

Luka 22:53

Keimah in ni simin biakna innpi sungah note tawh ka omkhop lai takin na hong man kei uh hi. Ahih hangin hih hun in note hun leh khuamial’ vangliatna hun ahi hi,” a ci hi.

Johan 11:28

Tua bang a cih khit ciangin Martha ciah a, a sanggamnu kiangah, “Sia hong tung zo a, nang hong sam hi,” ci-in a ko sim hi.

Johan 12:23

Zeisu in, “Mihing Tapa in minthan’na a ngah hun hong tung zo hi.

Johan 13:1

Paisan pawikham ma-in Zeisu in leitung pan Pa kiangah a ciah ding hun tung cih a theih ciangin, leitungah a om ama mite it ahih ciangin a tawp dongin a it hi.

Johan 17:1

Zeisu in hih thute a gen khit ciangin vantung lam ento a, “Pa aw, ahun a tung zo hi. Tapa in nang hong minthan’sak nadingin, na Tapa hong minthangsak in.

Johan 20:16

Zeisu in, “Mari aw,” a cih ciangin Mari kihei a, Hebru kamin, “Rabboni aw,” a ci hi. Rabboni a khiatna in ‘Topa’ a cihnopna hi.

Johan 7:30

Tua ahih ciangin amaute in Topa mat nadingin a vaihawm uh hangin ama hun tung nai lo ahih ciangin, kuamah in ama tungah khut a nga kei hi.

Johan 7:6

Tua ahih ciangin Zeisu in, “Ka hun a tung nai kei hi; note hun ahih leh, a kicingkhol niloh hi.

Johan 7:8

Tua pawikhawmna ah no na pai un. Kei hih pawikhamna sungah ka pai nai kei ding hi,” a ci hi.