Mattiu 26:16 - Tedim Bible

¹⁶ Tua a kipan Judas in amaute khut sungah Topa a piak theih nading a zong hi.

Tedim Bible Revision 2017

¹⁶ Tua hun a kipanin amah a lehhek theih nading hunhoih a zong pah hi.

Mattiu 26:16 Iomraidhean Croise

Mattiu 26:15

“Kei in no khut sungah Zeisu kong piak leh, bangzahin nong guai ding uh hiam?” ci-in a dot ciangin, amau in dangka peek sawmthum ama ading a tawikhai uh hi.

Mattiu 26:17

Silngo om lo Khomun nek kipat ni-in, a nungzuite Zeisu kiangah va pai uh a, “Paisan pawi na nek theih nadingin koi lai tak hong bawlsak le-ung na deih hiam?” ci-in a dong uh hi.

Marka 14:11

Amaute’n a zak uh ciangin nuam uh a, “Dangka-in kong guai ding uh hi,” ci-in a kiciam uh hi. Amah in Topa amaute’ khut sungah piak theih nading a zong hi.

Luka 22:6

Amah in zong mang a, mihonpi a om loh lai takin Topa amaute khut tungah a piak theih nading a zong hi.

Sawltak 24:25

Paul in dikna thu, kidekna thu leh hong tung ding Thukhenna Ni thu a hilh ciangin Feliks Mangpa lau a, “Tu-in pai ta in. Tu nung a kilawm hun ciangin kong samkik ding hi,” a ci hi.

1 KORIN MASA 16:12

I sanggampa Apollos thu panin, ute naute tawh note kiangah hong pai dingin ka zol hangin amah in tu-in pai ding ut nai lo hi. A nung ciangin ahih theih leh, a hong pai ding hi.