Mattiu 26:15 - Tedim Bible

¹⁵ “Kei in no khut sungah Zeisu kong piak leh, bangzahin nong guai ding uh hiam?” ci-in a dot ciangin, amau in dangka peek sawmthum ama ading a tawikhai uh hi.

Tedim Bible Revision 2017

¹⁵ “Noteʼ khut sungah amah hong pia leng, note in kei bang tawh hong guai ding na hi uh hiam?” a cih ciangin ngun peek sawm thum a pia uh hi.

Mattiu 26:15 Iomraidhean Croise

Piancilna 38:16

Lampi gei-a tua nu kiangah amah pai a, “Hong pai in, lumkhawm ni,” ci hi, bang hang hiam cih leh tua nu pen a monu a hih lam thei lo hi. Tua nu in, “I lup khop man dingin kei bang hong pia ding na hi hiam?” ci hi.

Paikhiatna 21:32

Bawngtal in sila ahi pasal hita leh numei hita leh khat a ki tawh a sik leh, a neipa in amau’ topa tungah ngun shekel sawmthum pia ding a, bawngtal kideng lum ding hi.

Isaiah 56:11

Uite in nakpi takin duhna lian nei uh a, amaute in kham hun cih nei ngei lo uh hi. Tuucingte in zong thu theihna nei lo uh hi; amaute khempeuh amau tum ciatin gamta uh a, a vekpi-un amaute’ ngah nading lam lam ciatah kihei uh hi.

Siampi Laibu 27:4

Tua mi in numei ahih leh, na sehna in shekel sawmthum hi ding hi.

Mattiu 10:4

Kanaan mi Simon leh Zeisu a lehheekpa Judah Iskarot-te ahi uh hi.

Mattiu 26:16

Tua a kipan Judas in amaute khut sungah Topa a piak theih nading a zong hi.

Sawltak 1:18

(Tua pa in a gilohna thaman tawh lo khat a lei khit ciangin, a bungbu-in kia a, a gilpi kitamin a gil khempeuh a buakhia hi.

1 TIMOTI MASA 3:3

Tua pa in zu ne loin, midang a sat a vua mi hi loin, a lungduai mi, thusia lamah a kiseel hat lo mi, sum a duh lo mi ahi ding hi.

2 PETER NIHNA 2:3

Amaute huaiham luatna in zuau thu genna tawh note hong kheem ding uh hi. Amaute tungah thukhenna in tang lai-a kipanin ol lo, zekai lo a, amaute kisiatna in zong a ihmu kei hi.

Thukhente 16:5

Tua ciangin Filistia mi uliante tua nu kiangah hong pai-in, “Amah hong zol in la, ama hatna koi lai-ah om hiam cihna leh amah i nuaisiah nadingin amah i hen theih nading, amah i zawh theih nading zia hong thei in; tua ciangin kote in ngun peek tul leh peek zakhat ciat nang kong pia ding uh hi,” a ci uh hi.

Thukhente 17:10

Mikah in ama kiangah, “Kei tawh hong omin kei adingin pa leh siampi hong hi in, kum khat-in ngun peek sawm, leh puan silh khat, leh annek kong pia ding hi,” a ci hi.