Mattiu 25:5 - Tedim Bible

⁵ Zipipa a tun’ma kikalin tua nungakte a vekpi-un lusu-in a ihmu uh hi.

Tedim Bible Revision 2017

⁵ Zineipa hong tung hak ahih manin a vekpi-un lusu-in a ihmu uh hi.

Mattiu 25:5 Iomraidhean Croise

Solomon la 3:1

Zan sialin, ka lup kawmin, ka ngaihno ka lungngaingai a, amah ka zon’zon’ hangin ka mu zo kei hi.

Solomon la 5:2

Ka lup hangin ka lungsim ihmu lo a, ka ngaihno in ka kong hong kiuh ka za hi. Tangval: It luat, ngaihno, ka lungtup aw, kei hong tumsak in. Ka lu tungah daingo kia a, meiilum in ka sam kawtsak hi. Nungak:

Solomon la 5:3

Ka puan teng suah khin zo ing, ka puante silh kik ding ka hi hiam? ninsak ding ka hi hiam?

Habakkuk 2:3

Hih thu a tun’ nading hun hi pah nai lo ahih manin, lai-in ciamteh in. Ahi zongin hong tung baih ta ding a, kong lah khempeuh a manin hong tung ding hi. A tung hak tawh a kibang kha ahi zongin ngak keikai in. Ka seh hun a cin’ ciangin hong tung takpi ding a, hong zekai lua nawn lo ding hi.

Mattiu 24:48

Ahi zongin nasem gilopa khat in, ‘Ka topa hong pai hak ding hi,’ ci-in a lungsim sungah ngaihsun a;

Mattiu 25:19

A sawtvei ciangin tua nasemte’ topa hong ciah a, amaute sum ciamtehna lai a en hi.

Mattiu 25:4

A pilte ahih uh leh, meivak leh thawl sungah namgimtui a tawikhawm uh hi.

Mattiu 25:6

Zankim lai takin, ‘En un, zipipa hong pai zo hi. Dawn dingin hong paikhia un,’ ci-in a kiko ciangin;

Mattiu 26:40

A nungzuite kiangah a pai kik leh, amaute ihmu a, om uh a muh ciangin, “Note in nai khat nangawn kei tawh ngakkhawm zo lo na hi uh hiam?

Mattiu 26:43

A hong pai kik ciangin a nungzuite ihmu a, om uh a mu hi. Bang hang hiam i cih leh, a mit uh a kham hi.

Luka 1:21

Mite in Zekhariah ngak uh a, biakna inn sungah sawtpi a om ciangin lamdang a sa uh hi.

Luka 12:45

Ahi zongin tua nasempa in, “Ka topa hong pai hak ding hi,” ci-in a lungsim sungah ngaihsun a, nasem pasalte leh nasem numeite satgawp a, anne tuidawnin, zu kham an khamin;

Luka 18:8

Ke’n kong cih-inah, amaute ading thu a khensak mengmeng ding hi. Ahih hangin Mihing Tapa hong kum ciangin leitungah upna a mu ding hiam?” a ci hi.

Luka 20:9

Tua lai takin Zeisu in hih thugentehna mihonpite kiangah a gen-inah, “Mi khat in lo lai-ah leenggah kungte suan a, lo khote khawhlawhsakin gamdang ah pai a, sawtpi a tam hi.

ROM (Romans) 13:11

Tua tham loin, eite hong gupna in eite upna ni tawh a nai sangin, tu-in hong naizaw ahih ciangin note in ihmutna pana khan’lawh nading hun hong tung zo hi ci-in na thei un.

Efesa 5:14

Tua ahih ciangin: “A ihmu mi aw, Khanglo in la, sihna pan thokik in! Tua bang ahih leh, Khazih in nang tungah hong taang ding hi,” a ci hi.

1 PETER MASA 5:8

Kipin kikeem un. Kikepna tawh na ngak un. Bang hang hiam na cih uh leh, na gal uh ahi Dawimangpa in a hawk thei humpinelkai bangin kua mi ka ne ding hiam ci-in zong kawikawi-in a om hi.

Mangmuhna 2:25

Ahih hangin note in na ngahsa khempeuh uh ka hong pai dongin kip takin len un.