Mattiu 25:45 - Tedim Bible

⁴⁵ Kumpipa in, ‘Ke’n aman takpi kong cih-inah, hih mite laka a neupen khat tungah na bawl loh uh ciangin, kei tungah zong hong bawl lo na hi uh hi,’ a ci ding hi.

Tedim Bible Revision 2017

⁴⁵ Tua ciangin amah in, ‘Note kiangah kong genin ah: Hih mite a neu pen khat nangawn na huh loh uh ciangin kei a hong huh lo na hi uh hi,’ ci-in a dawng ding hi.

Mattiu 25:45 Iomraidhean Croise

Piancilna 12:3

Nang thupha hong piate thupha ka pia ding a, nang hong samsia mi ka samsia ding hi; nang’ tung tawnin leitung innkuan khempeuh in thupha ngah ding uh hi,” ci hi.

Late 105:15

“Ka sathau nilhte sukha kei un, ka kamsangte tungah siatna bawl kei un!” ci hi.

Paunak 14:31

Mizawngte bawlsiatna in a piangsak Pasian simmawhna hi a, mizawngte tungah citna in Pasian zahtakna ahi hi.

Paunak 17:5

A zawngte a simmawhpa in amah a Piangsakpa a simmawh hi a, midangte tuahsiatna-ah a lungdam mipa in daan tuak hamtang ding hi.

Paunak 21:13

Mizawngte’ huh ngetna a pia nuam lote pen, amau zong cimawhin huhna a nget ciangun kipia lo ding hi.

Zekhariah 2:8

Hih bangin mang ka muh khit ciangin, ama mite’ na a sut gawp minam dangte kiangah thu a gen dingin Vanglianpen Topa in kei hong sawl a, “Topa’ mite a su mi peuhpeuh in a mit nauta banga a na manpha pen khat a su ahi hi.

Gamlak-vakna 24:9

Amaute bok hi, humpinelkaipa bangin lumsuk uh hi, humpinelkaipi bangin lumsuk uh hi; kua in amaute phong ngam ding ahi hiam? Note thupha hong piate in thupha ngah hen la, note hong samsiate in samsiatna ngah ta hen,” a ci hi.

Mattiu 10:41

Pasian’ kamsangpa in kam sangpa ahih maninah, tua kamsangpa a ngaite in Pasian’ kamsangpa’ phattuamna a ngah ding hi. Misiangtho in mi siangtho ahih maninah, tua misiangtho a ngaite in misiangtho’ phattuamna a ngah ding hi.

Mattiu 25:40

Kumpipa in, ‘Ke’n aman takpi kong cih-inah, note in ka sanggamte ahi hih mineupen khat tungah na bawl uh ciangin, kei tungah zong hong bawl na hi uh hi,’ a ci ding hi.

Mattiu 25:44

Amaute in, ‘Topa aw, na gilkial laitak, na dangtak lai tak, khualzin na hih lai tak, puan na neih loh lai tak, na ci nat lai tak, thong sungah na om lai takin cika hong mu a, hong keem hong khoi lo ka hi uh hiam?’ a ci ding uh hi.

Mattiu 25:46

Tua mite in tawntung gimna thuak dingin a paikhia ding uh hi. Miphate ahih uh leh, nuntak tawntungna ngah dingin a paikhia ding uh hi,” ci-in thu a hilh hi.

Sawltak 9:5

Saul in, “Topa aw, kua na hi hiam?” ci-in a dong hi. Zeisu in, “Na hong bawlsiat Zeisu ka hi hi, ciang hiam na khe tawh peek leteh a haksa hi;

1 KORIN MASA 8:12

Tua ahih ciangin note in ute naute lungsim kisuan’na a thanem lai takin susia-in, ama tungah na mawh uh ciangin Khazih tungah zong na mawh uh hi.