Mattiu 25:44 - Tedim Bible

⁴⁴ Amaute in, ‘Topa aw, na gilkial laitak, na dangtak lai tak, khualzin na hih lai tak, puan na neih loh lai tak, na ci nat lai tak, thong sungah na om lai takin cika hong mu a, hong keem hong khoi lo ka hi uh hiam?’ a ci ding uh hi.

Tedim Bible Revision 2017

⁴⁴ Tua ciangin amaute in zong, ‘Topa aw, cikin na gilkial hong mu a, cikin na dangtak hong mu a, cikin khualmi na hih hong mu a, cikin na puan neih loh hong mu a, cikin na cinat hong mu a, cikin na thongkiat hong mu a, cikin kote in nang hong huh nuam lo ka hi uh hiam?’ a ci ding uh hi.

Mattiu 25:44 Iomraidhean Croise

Jeremiah 2:23

Bangci bangin nangmah in, ‘Kei ka nin kei hi, Baal pasiante’ nung ka zui kei hi,’ na ci thei peuhmah ding hiam? Mualkuam zang-a na lampi totte en dih in; na hih sate mu dih in— a leh tai kawikawi kalaoh huk na bang tazen hi.

Jeremiah 2:35

nangmah in, ‘Kei ka mawh kei hi; kei tungah Pasian heh nawnlo taktak hi,’ na ci hi. En in, ‘Kei ka mawh kei hi,’ na cih manin nang’ tungah thu kong khen ding hi.

Malakhi 1:6

Vanglianpen Topa in siampite tungah hih bangin hong ci hi: “Tapa in a pa zahtak a, nasempa in a topa kihta hi. Keimah in na pa uh hi napi, bang hangin hong zahtak lo a, na Topa uh hi napi, bang hangin hong kihta lo na hi uh hiam? No siampte in kei hong simmawh napi-in, ‘Bang hong ci simmawh ka hi uh hiam?’ na ci lai uh hi.

Malakhi 2:17

Na thugen genna uh tawh Topa na gimsak uh hi. Note in, “Bangci gimsak ka hi uh hiam?” na ci uh hi. “Topa in a sia-a gamtate a hoihin ngaihsun a, zong itin amaute tungah lungkim takpi hi,” na cihna khawng uh leh, “A thutang gen Pasian koi lai-ah om ahi hiam?” ci-in na dotnate uh tawh na gimsak uh hi.

Malakhi 3:13

Topa in hih bangin ci hi: “Kei tawh kisai-in na kam paunate uh khauh mahmah hi. Note in, ‘Bang kam pau ka hi uh hiam?’ na ci uh hi.

Mattiu 10:41

Pasian’ kamsangpa in kam sangpa ahih maninah, tua kamsangpa a ngaite in Pasian’ kamsangpa’ phattuamna a ngah ding hi. Misiangtho in mi siangtho ahih maninah, tua misiangtho a ngaite in misiangtho’ phattuamna a ngah ding hi.

Mattiu 25:43

Zin ka hih lai takin nong do kei uh hi. Puan nei loin ka om lai takin puan nong silhsak kei uh hi. Ka cinat laitak ahi zongin, thong sungah ka om laitak ahi zongin nong veh kei uh hi,’ a ci ding hi.

Mattiu 25:45

Kumpipa in, ‘Ke’n aman takpi kong cih-inah, hih mite laka a neupen khat tungah na bawl loh uh ciangin, kei tungah zong hong bawl lo na hi uh hi,’ a ci ding hi.

Mattiu 5:6

“Gilkial a, an duh banga lungsiangtho a deihte in thupha a ngah ding uh hi. Bang hang hiam na cih uh leh, amau in vaakna a ngah ding uh hi.”

Mattiu 7:22

Tua Ni ciangin, ‘Topa, Topa, kote in nangma min tawh Pasian thu hilh hilo ka hi uh hiam? Nangma min tawh dawite hawlkhia hilo ka hi uh hiam? Nangma min tawh nalamdang tampi hih hilo ka hi uh hiam?’ ci-in mi tampite in hong gen ding uh hi.

Luka 10:29

Tua pa in ama phatna thu a lah nop manin, “Ka lawmte kuate ahi hiam?” ci-in Zeisu a dong hi.