Mattiu 25:43 - Tedim Bible

⁴³ Zin ka hih lai takin nong do kei uh hi. Puan nei loin ka om lai takin puan nong silhsak kei uh hi. Ka cinat laitak ahi zongin, thong sungah ka om laitak ahi zongin nong veh kei uh hi,’ a ci ding hi.

Tedim Bible Revision 2017

⁴³ khualmi ka hih laitakin zin nong do kei uh a, puan ka neih loh laitakin puan nong guan kei uh a, ka cinat laitakin nong veh kei uh a, ka thongkiat laitakin nong hawh kei uh hi,’ a ci ding hi.

Mattiu 25:43 Iomraidhean Croise

JOB (Job) 31:19

Mi a cimawh, puansilh ding a lei zo lo, a zawng lua ka muh ciangin,

Jeremiah 23:2

Tua ahih manin ka mipihte a kem gam ukte tawh kisai-in Topa, Israel mite’ Pasian in hong gen-inah, “Note in ka mite kikhenthang sakin na hawlkhia mang uh a, amaute na don kei uh hi. En un, Topa in kong cih-inah, na gamtat siate uh hangin daan kong pia ding hi.

Ezekiel 22:29

Mi cithei-a kineite in mi khemin a na sut uh hi. Mizawng mi cimawhte bawlsia-in, peemtate tungah nuamtak sa-in khualna mel nei loin a ut ut-un gamta uh hi.

Mattiu 25:36

Puan nei lo-a ka om lai takin puan nong silhsak uh hi. Cina-a ka om lai takin nong veh uh hi. Thong sungah ka om lai takin ka kiangah nong hawh uh hi,’ a ci ding hi.

Mattiu 25:42

Bang hang hiam na cih uh leh, ka gilkial lai takin nong vaak kei uh hi. Ka dangtak lai takin ka dawn ding tui nong pia kei uh hi.

Mattiu 25:44

Amaute in, ‘Topa aw, na gilkial laitak, na dangtak lai tak, khualzin na hih lai tak, puan na neih loh lai tak, na ci nat lai tak, thong sungah na om lai takin cika hong mu a, hong keem hong khoi lo ka hi uh hiam?’ a ci ding uh hi.

Sawltak 15:36

Ni tampi khit ciangin Paul in, “Eite in Topa’ thu i hilhnasa khuate-ah a om u leh naute bang ci-a om uh hiam ci-in en dingin paikik ni,” ci-in Barnabas kiangah a gen hi.

Hebru 13:2

Zinte do nading na mangngilh kei un. Bang hang hiam na cih uh leh, mi kimkhat in zin a do laitakun vantungmite ahih lam thei loin zin a do kha uh hi.

Hebru 13:3

Khau khihna a thuak mi tawh kikhih khawm bangin kingaihsun un: pumpi tawh kipelh lo na hih uh ciangin bawlsiatna a thuakte na ngaihsun un.

Thukhente 19:15

Gibeah-ah pai in a giak dingin tua lai-ah amaute kihei uh hi. Amah pai-in khuapi sung kongzing laizangah tu hi; bang hang hiam cih leh a zan taam dingin kuamah in a innah amaute sang lo hi.