Mattiu 25:34 - Tedim Bible

³⁴ Tua ciangin a ziatlamah a omte kiangah Kumpipa in, ‘Ka Pa kiangah hehpihna ngahte aw, leitung pian’cil akipan, note ading a kibawlkholsa Gamah hong pai un la hong luah un.

Tedim Bible Revision 2017

³⁴ Tua ciangin Kumpipa in a tak lamah a om mite kiangah, ‘Ka Pa in thupha a piak mite aw, hong pai ta un. Leitung piancil a kipanin note adingin a kibawl khol sa gam nuam hong luah un.

Mattiu 25:34 Iomraidhean Croise

Late 2:6

“Ka mual siangtho Zion tungah ka Kumpi ka tusak khin hi,” ci hi.

Paunak 11:17

Migi lecin nang adingin ahoih bawl na hi a, gilo lecin nangmahmah a kigimsak na hi bek hi.

Isaiah 33:22

Bang hang hiam cih leh Topa pen eite’ thukhen, Topa pen eite thukham hong piapa, Topa pen eite’ kumpi ahi hi; amah in eite hong honkhia ding hi.

Isaiah 6:5

Tua ciangin keimah in, “Gim ngahpa hi ta ing! Bang hang hiam cih leh a mawknapi ka hi hi; ka kam-a ka thugen khempeuh mawhna vive hi a, a thugen khempeuh uh mawhna leh nitna ahi mite’ lakah ka teeng kha hi. Vanglianpen Topa, Kumpipa ka mu kha khin ta hi,” ka ci hi.

Isaiah 9:7

Tua huna kipanin a tawntungin David kumpi tokhom tungah maangin ama gam sungah thutan’na leh thumanna phutin a kipsak nadingin, alian semsem ama ukna leh nopsakna in mong nei lo ding hi. Vanglianpen Topa’ deih luatna in hih thu hong tungsak ding hi.

Daniel 9:25

Hih thu ciamteh in la, thei in: Jerusalem lamkik nading thupiak khiat huna kipan sathau kinilhpa’ ukpa hong pai dong nipi kalsagih leh nipi kal sawmguk leh nih ahi ding hi. Jerusalem kongzing lampi nei leh kulhpi nei-in kilamkik ding a, ahih hangin buai hun sung ahi ding hi.

Zefaniah 3:15

Topa in na galte hong paihkhiatsak khin a, hong langpang khempeuh hong hawlkhiatsak khin hi. Topa ahi Israel Kumpipa in nang tawh hong om a, na lau nading thu om nawn lo hi.

Mattiu 13:35

Bang hang hiam i cih leh; “Ka kam ka-in thugentehna-in ka hilh ding hi. Lei pian’cil a kipan, thu ki-im khempeuh ka pulak ding hi,” ci-a Pasian’ kamsangte tungah a gensa a tun’ nading hi.

Mattiu 19:29

Kei min hangin a inn, a sanggampa, a sanggamnu, a nu a pa, a tate, tua teng a nusiate khempeuh in a zah zakhat ngah a, nuntak tawntungna a luah ding uh hi.

Mattiu 20:23

Zeisu in, “Ka dawn ding hai na dawn takpi ding uh hi. Ahih hangin, ka taklam leh veilam ah tut nading, ke’n thu ka hong pia thei kei hi. Ka Pa in ngah dinga a bawlsate in a ngah ding uh hi,” a ci hi.

Mattiu 21:5

“En in, na Kumpipa, lungsimniam tawh, Lapi’ ta lano leh la tungah tuangin, Na kiangah hong pai ding hi,’ ci-in, Zion’ tanu kiangah na gen ding hi,” ci-in a gen hi.

Mattiu 25:21

A topa in, ‘Thuman, mi diktat nasempa aw, a pha hi. Nang thuneute tungah na diktat zo hi. Thu tampi nang kong uk sak ding hi. Na topa tawh lungdam khawm in,’ a ci hi.

Mattiu 25:23

A topa in, ‘Thuman, mi diktat nasempa aw, a pha hi. Nang thuneute tungah na diktat zo hi. Thu tampi nang kong uk sak ding hi. Na topa tawh lungdam khawm in,’ ci-in a gen hi.

Mattiu 25:40

Kumpipa in, ‘Ke’n aman takpi kong cih-inah, note in ka sanggamte ahi hih mineupen khat tungah na bawl uh ciangin, kei tungah zong hong bawl na hi uh hi,’ a ci ding hi.

Mattiu 25:41

Tua ciangin, a veilamah a omte kiangah Kumpipa in, ‘Ciamsiatna a thuak mite aw, dawimangpa leh ama nungzuite ading a kibawl meikuang tawntung sungah kei kiang panin paikhia un.

Mattiu 27:37

‘HIH PA IN JUDAHTE’ KUMPIPA ZEISU HI,’ ci-in a mawhsakna lai a lu tungah a suang uh hi.

Mattiu 3:2

Tua ahih ciangin na mawhna uh kisik kik ta un,” ci-in Judah gam, gampa lakah a hilh hi.

Mattiu 5:19

Tua ahih ciangin, mi khatpeuh mah in Thukham a neupen khial a, midangte zong hilh a, a khialhsak leh, tua mi, Vantung Gam sungah mi neupen a kici ding hi. Mi khatpeuh mah in thukham zui a, midangte hilh a, a zuih sak leh, tua mi, Vantung Gam sungah milian a kici ding hi.

Marka 10:17

Lampi-ah a pai lai takin mi khat Zeisu kiangah va tai a, khukdin’in, “Sia pha aw, nuntak tawntungna ka luah nadingin bang ka gamta ding hiam?” ci-in a dong hi.

Marka 10:40

Ahih hangin ka taklam leh ka veilamah tut nading ke’n thu kong pia thei kei ding hi. A ngah dinga a bawlsate in a ngah ding uh hi,” a ci hi.

Luka 11:28

Zeisu in, “Pasian thu za a, a mangte in thupha a ngah zaw ding hi,” ci-in a gen hi.

Luka 11:50

Tua ahih ciangin Abel’ si akipan biakna tau leh biakna innpi kikal a, kithat Zekhariah’ si dongin, leitung pian’ akipan a kibuasa Pasian’ kamsangte khempeuh’ si in hih khang mite tungah a kingen ding hi.

Luka 12:32

“Tuu honno aw, na lau kei un. Bang hang hiam na cih uh leh, na Pa un note kiangah Gam a hong pia nuam hi.

Luka 19:38

“Pasian’ min tawh hong pai Kumpipa in thupha ngah ta hen; Vantungah nopna leh, A sang belna-ah minthan’na om ta hen,” ci-in a kiko uh hi.

Johan 1:49

Nathanael in, “Rabbi aw, nangmah in Pasian’ Tapa na hi hi. Israel mite’ kumpipa lah na hi hi,” a ci hi.

Johan 12:13

Tua ciangin nisuh hiang tawi-in Topa dawn dingin a paikhia uh a, “Hosanna, Pasian’ min tawh hong pai Israel Kumpipa in, Thupha ngah ta hen!” ci-in a kiko uh hi.

Johan 17:24

“Pa aw, kei nong piak mite in zong nong piaksa minthan’na a muh nadingun ka omna-ah na omkhawmsak dingin ka deih hi. Bang hang hiam na cih leh, lei pian’ ma-inah nong it hi.

Johan 19:15

amaute in, “Tua pa that in, tua pa that in, singlamteh tungah that in!” ci-in a kiko uh hi. Pilat in, “Note’ Kumpipa singlamteh tungah that ding ka hi hiam?” ci-in a dot ciangin, “Kaisar kumpipa longal adang kumpipa ka nei kei uh hi,” ci-in siampi liante in a dawng kik uh hi.

Sawltak 15:18

ci-in a cil pan hih thu hong theisak Pasian in a gen hi,’ ci-in kigelh hi.

Sawltak 3:26

Pasian in a Silapa hong thawhsak khit ciangin, note na vekpi un na khialhna uh pan hong kikheelsakin, note thupha hong pia dingin note kiangah hong paisak masa hi,” a ci hi.

ROM (Romans) 8:17

Tate i hih leh, gamhluahte i hi hi. Khazih tawh kibangin vangliatna ngah nadingin amah tawh gimna thuak khawm leng, amah tawh gamluah khawm ding i hi hi.

1 KORIN MASA 15:50

Ute naute aw, ke’n kong cih-inah, si-le-sa in Pasian’ Gam a luah zo kei ding hi. A muat theite in a muat theih lohna a luah zo kei ding hi.

1 KORIN MASA 2:9

Lai Siangtho sungah a kigelh mah bangin: “Pasian a itte adingin Pasian bawlsate in, mittang tawh kimu lo, bil tawh kiza lo, mite’ lungsim sungah a tum lo nate ahi hi,” a ci hi.

1 KORIN MASA 6:9

Mi diklote in Pasian’ Gam a luah theih loh ding thu thei lo na hi uh hiam? Na kikheem kei un: Numei tawh a mawhte, milim a biate, mi’ zi tawh a mawhte, pasal leh pasal a khialte, tua thute ah thuneite;

Galati 5:21

en’na, zukham luatna, pawikhamna akipan tua bang gamtatnate ahi uh hi. Tau banga gamta mite in Pasian’ Gam a luah kei ding uh hi ci-in nidanga kong cih mah bangin tu-in zong ka hong ci khol hi.

Efesa 5:5

Bang hang hiam na cih uh leh, numei tawh a khial mi ahi zongin, mi kihhuai mi ahi zongin, milim bia mi ahi huaiham mi khat beek in Khazih leh Pasian’ Gam sungah luahna a ngah kei ding hi ci-in na thei uh hi.

2 TIMOTI NIHNA 2:12

I thuak leh, amah tawh i maangkhawm ding hi. Eite in amah i nial leh, Amah in eite hong nial ding hi.

2 TIMOTI NIHNA 4:8

Tu-a kipanin dikna lukhu, keimah ading a kikoih khol zo hi. Tua Ni ciangin thuman tawh a khenpa in tua lukhu kei hong pia ding hi. Keimah bek hong pia kei ding hi, ama kilat ding thu a lamente khempeuh zong a pia ding hi.

Hebru 1:14

Vantungmite khempeuh in gupkhiatna luah ding mite kem dingun, sawltak nasem khate hilo ahi uh hiam?

Hebru 11:16

Ahih hangin amaute in vantung gam ahi, tua sangin a phazaw gam a deih uh hi. Tua ahih ciangin Pasian in amau Pasian a kicihna maizum loin, amau om nading khuapi a bawlkhol hi.

Hebru 4:3

A um eite in Pasian’ nopsakna sungah i tum hi. Tua bang a genna in: ‘“Amaute in ka nopsakna sungah a tum thei kei ding uh hi,’ ci-in hehin ka kiciam hi,” a ci hi. Ahih hangin Pasian in a cil panin a na khempeuh a zo khin hi.

Hebru 9:26

Tua banga bia hi leh, lei piancil akipan tam veipi sihna a thuak zo ta ding hi. Tu-in ahih leh, hun tawpna-ah khatvei bek a pumpi paai-in biakna tawh mawhna a paai siang dingin a kilang zo hi.

Jeim 2:5

Ka it ka u ka naute aw, ngai un. Leitung mite mai-ah mizawngte in upna tawh a dim nading ahi zongin, Pasian in a it mite a thuciamna gam a luah nading ahi zongin, tua mite a teel hilo ahi hiam?

1 PETER MASA 3:9

Kitawng thuk kei un, kikosia kik kei un. Thupha na kipia un. Bang hang hiam na cih uh leh, note in thupha na luah nadingun hong sapsa mite na hi uh hi.

Mangmuhna 13:8

Leitung a cil panin thahna a thuak khin Tuuno’ nuntakna laibu sungah a min uh a kigelh lo leitung mi khempeuh in sahang a bia ding uh hi.

Mangmuhna 17:8

Na muh sahang in a om ngei zo hi, tu-in om lo hi; kuamthuk sung pan a hong pusuakkhia ding a, kisiatna-ah a pai ding hi. Leitung pian’ cil-a kipan nuntakna laibu sungah a min kikhum lo leitungah a om mite in tua sahang a om ngei thu, tu-in a om loh thu, a omkik ding sahang ahihna thu a muh uh ciangin lamdang a sa ding uh hi.

Mangmuhna 19:16

Ama puanza tung leh a phei tungah, “kumpite’ Kumpi, topate’ Topa” ci-in min a kigelh hi.

Mangmuhna 21:7

A zo mi in hih nate luahin, kei in ama Pasian ka hi ding a, amah in ka ta ahi ding hi.

Mangmuhna 5:10

Ko’ Pasian mai-ah kumpi za-ah ahi zongin, siampi za-ah ahi zongin na koih hi; tuate in leitung ukin a om ding uh hi,” ci-in la thak a sa uh hi.