Mattiu 25:21 - Tedim Bible

²¹ A topa in, ‘Thuman, mi diktat nasempa aw, a pha hi. Nang thuneute tungah na diktat zo hi. Thu tampi nang kong uk sak ding hi. Na topa tawh lungdam khawm in,’ a ci hi.

Tedim Bible Revision 2017

²¹ a topa in, ‘Hoih mahmah hi; a hoih a citak nasem pa aw, a tawmno na zekna ah siam na hih manin a tampi tak ka hong zeksak ding hi. Hong pai in; kei tawh nuamsa khawm ni,’ a ci hi.

Mattiu 25:21 Iomraidhean Croise

Paunak 14:35

A hoih-a gamta mite tungah kumpipa lungdam a, a gina-a gamta lote daan pia hi.

Paunak 28:20

A citak mipa in thupha tampi ngah ding a, a hau baih nuam mipa in daan tuak pelmawh ding hi.

Mattiu 24:45

“A topa in a hun a tun’ cianga a innkuanpihte annek tuidawn a hawmsak ding a koih, a diktat, a lungpil nasempa kua ahi hiam?

Mattiu 24:47

Ke’n aman takpi kong cih-inah, a topa in a sum khempeuh tua nasempa a uksak ding hi.

Mattiu 25:23

A topa in, ‘Thuman, mi diktat nasempa aw, a pha hi. Nang thuneute tungah na diktat zo hi. Thu tampi nang kong uk sak ding hi. Na topa tawh lungdam khawm in,’ ci-in a gen hi.

Mattiu 25:46

Tua mite in tawntung gimna thuak dingin a paikhia ding uh hi. Miphate ahih uh leh, nuntak tawntungna ngah dingin a paikhia ding uh hi,” ci-in thu a hilh hi.

Luka 12:44

Ke’n aman takpi kong cih-inah, ama topa in a sum khempeuh tua nasempa a uksak ding hi.

Luka 16:10

“Thu neute tungah a diktat mi in, thu liante tungah a diktat ding hi. Thu neute tungah a diktat lo mi in thu liante tungah a diktat kei ding hi.

Johan 12:26

Ka na hong semte in ka nung hong zui ta hen. Keima omna munah ka nasemte zong a om ding hi. Ka na hong semte Pa in a pahtawi ding hi.”

Johan 14:3

Pai-in na om nading uh ka bawl leh, no kiangah kong paikik ding a; ka omna munah na om nadingun ka hong la ding hi.

Johan 17:24

“Pa aw, kei nong piak mite in zong nong piaksa minthan’na a muh nadingun ka omna-ah na omkhawmsak dingin ka deih hi. Bang hang hiam na cih leh, lei pian’ ma-inah nong it hi.

ROM (Romans) 2:29

A sung lam Judah mi in Judah mi ahi takpi hi. Vun atna in zong thukham Lai Siangtho thu bang hi lo, Kha Siangtho bangin lungsim tawh a kipawl hi. Tua banga vun at mite in mite kiangah phatna ngah loin, Pasian kiangah phatna a ngah uh hi.

1 KORIN MASA 4:5

Tua ahih ciangin khuamial lakah a kiselte leh lungsim sungah hanciamnate a kilangsak ding, Pasian hong pai dong matengin, a hun hong tun’ ma-in thu na khen kei un. Tua hun ciangin Pasian kiang pan phatna thu a ngah ciat ding uh hi.

2 KORIN NIHNA 10:18

Bang hang hiam na cih uh leh, amahmah a kiphat mi in san’ huai lo hi; Topa’ phatna a ngah mi in san’ ding a kilawm hi.

2 KORIN NIHNA 5:9

Tua ahih ciangin kote in pumpi sung ahi innah ka om uh hi taleh, pumpi tawh kikhenin ka om uh hi taleh, Pasian ka lungdamsak nading uh ngimna nei-in ka hahkat uh hi.

Filippi 1:23

Thu nih kikal ah cih nading meel thei loin ka om hi. Pai-in Khazih tawh ka om ding ka lunggulh hi. Bang hang hiam cih leh, keima adingin a phazaw mahmah ding hi.

1 TIMOTI MASA 3:13

Bang hang hiam cih leh, upa na pha takpi-a a semte in amau adingin a hoih a phatna ahi zongin, Khazih Zeisu sungah a om upna hangah launa om lohna a ngah uh hi.

2 TIMOTI NIHNA 2:12

I thuak leh, amah tawh i maangkhawm ding hi. Eite in amah i nial leh, Amah in eite hong nial ding hi.

Hebru 12:2

eite upna a piangsakpa a kicingsakpa Zeisu a tel takin enin, i mai-ah a om kitaitehna-ah thakiamsak loin kidem ni. Tua Topa Zeisu in ama mai-ah a koih lungnopna thu hangin zumna ngaihsun loin, singlamteh a thuak khit ciangin Pasian’ tokhom ziat lamah a tu hi.

Mangmuhna 2:10

Nang in na thuak ding lai takte kihta kei in. Ze-etna na thuak nadingun note kimkhat Dawimangpa in thong sungah hong khia-in, note in nisawm sung gimna na thuak ding uh hi. Nangmah in sihna na thuak dongin thumanin om in. Tua hi leh, nuntakna kumpilukhu nang kong pia ding hi.

Mangmuhna 21:7

A zo mi in hih nate luahin, kei in ama Pasian ka hi ding a, amah in ka ta ahi ding hi.

Mangmuhna 3:21

Keimah in ka zawh khit ciangin ka Pa tawh tokhom tungah ka tut khawm bangin, a zo mi in kei tawh ka tokhom tungah tut khawm theihna thu ka pia ding hi.

Mangmuhna 7:17

Bang hang hiam na cih uh leh, tokhom laizangah a om Tuuno in amaute’ tuucing suak a, amaute nuntakna ciktui omna-ah lam a hilh ding hi. Pasian in zong amaute mittang pan khitui khempeuh a nul siang ding hi,” ci-in hong gen hi.