Mattiu 25:2 - Tedim Bible

² Tua nungak lakah nga a pil uh hi, nga pil lo uh hi.

Tedim Bible Revision 2017

² Nungak sawmte sung panin nga pil uh a, nga hai uh hi.

Mattiu 25:2 Iomraidhean Croise

Jeremiah 24:2

Bawm khat sunga theigahte, a min masate tawh kibangin limci mahmah hi. Ahih hangin a bawm khat pen sunga theigahte limci het loin nek theih ding bang hi dek lo hi.

Mattiu 10:16

“Ngia hon lakah tuute bangin no kong sawl hi. Tua ahih ciangin, note in gul bangin na pil un la, vakhu bangin gilo nei loin na om un.

Mattiu 24:45

“A topa in a hun a tun’ cianga a innkuanpihte annek tuidawn a hawmsak ding a koih, a diktat, a lungpil nasempa kua ahi hiam?

Mattiu 25:3

A pil lo nungakte in meivak a tawi uh hangin namgimtui a pua kei uh hi.

Mattiu 25:4

A pilte ahih uh leh, meivak leh thawl sungah namgimtui a tawikhawm uh hi.

Mattiu 25:9

A pilte in, ‘Kong piak uh leh, no ading leh ko ading namgimtui a kicing kei ding hi. Tua ahih ciangin, namgimtui zuakte kiangah va pai un la, no ading va lei le-uhcin a hoihzaw ding hi,’ a ci uh hi.

1 JOHAN MASA 2:19

Tua mite in eite kiang pan a paikhiat uh hangin nidang lai-inah eite tawh a kipawl kei uh hi. Bang hang hiam na cih uh leh, eite tawh kipawl uh hi leh, eite tawh a omkhawm ding uh hi. Tua mite in eite tawh a kipawl loh thu a kilat nading eite kiang pan a paikhia uh hi.

Juda 1:5

Note in na khempeuh thakhatin na theih uh hangin note ka hong phawksak nop thu in: Topa in Izipt gam sung mi pawlkhat a gupkhiat khit ciangin, a nung nihveina ah a um lo mite a siasak hi.