Mattiu 25:16 - Tedim Bible

¹⁶ Talen nga a sangpa in a metbawl leh, adang amet talen nga a ngah hi.

Tedim Bible Revision 2017

¹⁶ Tul nga a ngah pa in sum bawlna-in zang pah a, a meet tul nga mah a ngah thuah hi.

Mattiu 25:16 Iomraidhean Croise

1 KHANG TANGTHU MASATE 28:2

Tua ciangin Kumpi David a khe-in ding to in, “Ka sanggam leh ka mite aw, ka thugen hong za un. Topa’ thuciamna singkuang ading leh i Pasian’ khengak nadingin tawlngakna inn khat lam ding ka lungsim sungah a om hi; tua ciangin a lam nading ka kiging hi.

Isaiah 23:18

Ama sumbuk vante leh ama sepna panin a ngah nate pen Topa tungah kipia ding hi; ahih hangin tuate kikholcip mawk loin, Topa a bia mite’ an ding leh puan hoih nono leina-in kizang ding hi.

Isaiah 49:23

Kumpite pen nang hong kem pate hi ding a, kumpinute pen nang hong khoi na nute hi ding hi. Amaute in a maitang uh lei lak ngatin nang kiangah hong kun ding uh a, na khe-a leivuite liak ding uh hi. Tua ciangin keimah in Topa ka hihna na thei ding hi; kei sungah a lamente maizum lo ding hi,” a ci hi.

Mattiu 18:24

A ciamtehna lai a et lai takin, talen tulsawm a ba nasempa khat a mai-ah hong paipih uh hi.

Mattiu 25:17

Tua mah bangin talen nih sangpa in zong, adang amet talen nih mah a ngah hi.

Luka 19:13

Amah in a nasemte sawm sam a, sum tawi sawm a pia hi. ‘Ka hong tun’ kik matengin summet na bawl un,’ ci-in thu a pia hi.

Sawltak 13:36

David in Pasian’ deih bangin ama khan’ lai-in na a sep khit ciangin si a, a pute a pate tawh kivui khawm a, muatna a thuak hi.

1 KORIN MASA 15:10

Ahih hangin Pasian’ hehpihna thupha hangin ka hi bangin ka hi hi. Ka ngahsa hehpihna thupha a mawkna ahi kei hi, sawltakte khempeuh sangin hahkat zaw-in ka sem hi. Tua bang ka cih hangin kei a hahkat ka hi kei hi; keimah tawh a omkhawm Pasian’ hehpihna thupha in a hahkat hi.

2 TIMOTI NIHNA 2:6

Nasep hahkat lokho mi in a gahte a ngah masapen ahi ding hi.