Mattiu 24:7 - Tedim Bible

⁷ Mi nam khat leh nam khat, gam khat leh gam khat hong kido ding uh hi. Mun khat khatah kial hong tung ding a, ziin hong liing ding hi.

Tedim Bible Revision 2017

⁷ Gam khat le gam khat, kumpi khat le kumpi khat hong kido dinga, mun tuamtuam ah kialpi hong tungin, zin hong liing ding hi.

Mattiu 24:7 Iomraidhean Croise

2 KHANG TANGTHU NIHNATE 15:6

Pasian in lungkhamna nam khempeuh tawh buaisak ahih manin minam khat leh minam khat, khuapi khat leh khuapi khat kido-in amaute kitamkham uh hi.

Isaiah 19:2

Izipt mite amau leh amau ka kitawngsak ding hi, mi kim in sanggam khat leh khat ama vengte ciat do ding a, khua khat leh khua khat kido-in, mi khat leh khat, kumpigam khat leh khat kumpi-za kituh ding hi;

Isaiah 29:6

Vanglianpen Topa in vanging, zinliing, a ging lianpi, pingpei leh huihpi, leh a kangtum thei meikuang tawh hong pai ding hi.

Ezekiel 14:21

“Topa Pasian’ thugen in hih bang ahi hi. Mihing ganhing a sumai dingin daan nasia pen li ahi gal, kialpi, a kihtakhuai gamsate, leh natna, Jerusalem ah ka tungsak ding hi.

Ezekiel 21:27

Siacip! siacip! Hih khuapi ka siacimitsak ding a, a mel a mang zong kimu lo ding hi. A uk dingin a kilawm mipa hong om ciang bekin ama khut sungah ka pia ding hi.

Zekhariah 14:13

Tua ni ciangin Topa in amaute amkhamsak gawp ding a, mite in a gei-a a mat khak mite manin khat leh khat kilaithang gawp ding uh hi.

Luka 21:11

Ziin nakpi hong liing ding a, mun khat khatah kial leh pul hong tung ding hi. Van panin kihtakhuai nate leh lim lianpite hong kilang ding uh hi.

Sawltak 11:28

Tuate lakah Agabas kici khat in ding a, “Gam khempeuh sungah kial hong tung ding hi,” ci-in Kha Siangtho tawh a hilh hi. Tua kialpi in kumpipa Klaudias a man’ lai-in a hong tung hi.

Sawltak 2:19

Tunglam vantungah nalamdang ka lak ding a, Van nuai leitungah lim ka lak ding hi. Si tawh, meikuang tawh, meikhu tawh ka lak ding hi.

Hebru 12:27

“Khatvei,” a cihna kam a khiatna in, a liing lo nate a kip nadingin a liing nate, a pian’sak nate a paaikhia ding hi a cihnopna hi.

Mangmuhna 6:12

Tuuno in gukna ciamtehna hon’ khit ciangin ka en a, nakpi-in zin a liing hi. Ni in samul tawh kigan puan bangin vom-in a suak hi. Kha in zong sisan bangin a piang hi.

Mangmuhna 6:5

Tuuno in thumna ciamtehna a hon’ ciangin thumna ganhing in, “Hong pai in,” hong cih ka za a, ka et ciangin sakol vom khat ka mu hi! Tua sakol tung tuang mi in a khut sungah tawikhaina a tawi hi.

Mangmuhna 6:6

Tua lai takin, “Mangbuh pawta khatah hamu, tang pawta thumah hamu man hen. Sathau leh leenggahzute ahih leh, su kha kei in,” ci-in ganhing lite laizang pan mah bangin aw khat ka za hi.

Mangmuhna 6:8

Tua sakol tung tuang mi’ min in Sihna hi a, Hel gam in amah tawh a tonkhawm hi. Leitung seh li suah seh khat namsau tawh, kialpi tawh, pulnatna tawh, leitung gam sahangte tawh thah theihna thu amaute a pia hi.