Mattiu 24:6 - Tedim Bible

⁶ Galdona thu leh galkap nading thu na za ding uh hi. Ahih hangin na lunghihmawh loh nadingun na kingaihsun un. Bang hang hiam na cih uh leh, tua thu khempeuh a piang ding uh hi. Ahih hangin, a beina a tung nai kei ding hi.

Tedim Bible Revision 2017

⁶ A nai, a gamla ah gal kidona thu na za ding uh hi. Hihte a piang mah ding hi a, ahi zongin a bei nading hi nai lo ahih manin patau kei un.

Mattiu 24:6 Iomraidhean Croise

Late 112:7

Amah in thusia zak ding lau lo hi; Topa muang a, ama lungsim a kip hi.

Isaiah 12:2

“En in, Pasian in keima kihotkhiatna ahi hi; amah ka muang ding a, ka lau kei ding hi; bang hang hiam cih leh Topa Pasian in thahatna leh vangliatna hong pia a, amah in keimah hong honkhiapa ahi hi,” a cih hun uh hong tung ding hi.

Isaiah 7:4

ama tungah, ‘Kidawm in la, om khinkhian in; lau kei in, Siria gam kumpipa Rezin leh Remaliah’ tapa’ hehna pen, sing tumbang nih a khute tawh kibang lel ahih manin kilunggim sak kei in.

Jeremiah 47:6

Note in, ‘Aa, Topa’ namsau aw, Tawlnga nai lo ding na hi hiam? Na paai sungah lut kik in la, taang loin khawl dide in,’ na ci uh hi.

Ezekiel 21:28

“Ezekiel aw, mailam thu gen in la, Topa Pasian ahi keimah in Israel mite a simmawh bawl Ammon mite tawh kisai-in ka thugen, hih bangin amaute kiangah gen in: A vatlum dingin namsau khat a baihsa-in om a, mi thah nadingin kinawtngil a, khuaphia bangin a tee zialzial dingin kibawl hi.

Mattiu 2:3

Herod kumpipa in tua thu a zak ciangin Jerusalem khuami khempeuh tawh a lunghimawh uh hi.

Mattiu 24:14

Mi namkimte tungah teci a pan’ nadingin leitung khempeuhah Lungdamna Thu kihilh ding hi. Tua khit ciangin beina a piang ding hi.”

Mattiu 26:54

Tua bang ahih leh, hih bang a piang ding hi, ci-a Lai Siangtho sungah a om bangci a tung ding hiam?” a ci hi.

Luka 21:19

Lung kipna tawh nuntakna na ngah ding uh hi.”

Luka 21:9

Tua mite na zui kei un. Galdona thu leh gamlumna thu na zak uh ciangin lunghimawh kei un. Bang hang hiam na cih uh leh, tua thute a piang masa ding uh hi. Ahih hangin, a beina a tung nai kei ding hi,” a ci hi.

Luka 22:37

Ke’n kong cih-inah, ‘Amah mawhneite tawh a kisimkhawm ding hi,’ ci-in Lai Siangtho sungah a kigelhna thu in keima tungah hong tung ding hi. Bang hang hiam na cih uh leh, keima thu khempeuh in a tangtung ding hi,” a ci hi.

Johan 14:1

Khatvei Zeisu in, “Note lungmang kei un; Pasian um un la, kei zong hong um un.

Johan 14:27

Nopna note kong pia hi; keima nopna kong pia hi. Leitung mite in a piak bangin kong pia kei hi. Na lungmang kei un la, na lau kei un.

2 THESALONIKA NIHNA 2:2

Topa’ Ni a hong tun’ hun a nai zo bangin kamsan’na hang ahi zongin, kam pan pusuak thu hang ahi zongin, kote kiang pan hong khak uh lai hang ahi zongin, note in lungkiatna leh lunghimawh lin’na a manlangin na thuak loh nadingun ka hong thuum uh hi.

Mangmuhna 6:4

A san ahi sakol dang khat hong pusuak hi. Tua sakol tung tuang mi in leitung pan nopsakna lakkhiat theihna thu leh leitung mi khat leh khat kithahsak theihna thu a pia hi. Amah namsau saupi khat zong a kipia hi.