Mattiu 24:5 - Tedim Bible

⁵ Bang hang hiam na cih uh leh, mi tampi in, ‘Kei Khazih ka hi hi,’ ci-in keima min tawh hong pai-in mi tampi a khem ding uh hi.

Tedim Bible Revision 2017

⁵ Bang hang hiam cih leh keimah a kineih mi tampi hong pai dinga, ‘Kei, Khris ka hi hi,’ ci-in mi tampi tak um khialsak ding uh hi.

Mattiu 24:5 Iomraidhean Croise

Jeremiah 14:14

Tua ciangin Topa in, “Tua kamsangte in kei’ min suang-in zuauthu hong gen uh hi. Amaute ka sawl kei a, thu ka pia kei a, zong ka hopih kei hi. Note kianga hong gen uh thute a manlo mangmuhna, bangmah kimang lo aisanna leh amau leh amau’ lungsim kikhem tawmna thute ahi hi.

Jeremiah 23:21

Topa in, “Keimah in ka sawlkhiat hi lo napi-in tua kamsangte a kuankhia teitei uh hi. Thu bangmah ka gen lohpi, kei’ min-in thu a gen mawkmawk uh hi.

Jeremiah 23:25

Ka min tawh zuau phuak-in, ‘Mang man zo ing, mang man zo ing,’ ci-a a gen kamsang zuau theite’ thuhilhnate zong ka za khin zo hi.

Jeremiah 37:9

Topa in kong cih-inah, Nang leh nang kikhemin, “Khaldea mite in hong kilehkik nawn lo taktak ding uh hi,” ci kha kei in. Bang hang hiam cih leh amau hong kilehkik ding uh hi.

Mattiu 24:11

Kamsang zuautheite hong piang ding uh a, mi tampi a khem ding uh hi.

Mattiu 24:24

Bang hang hiam na cih uh leh, zuauthu gen kamsangte leh Khazih zuautheite hong piang ding uh a, a teelsate nangawn a khem zawh leh a khem nadingun, lim leh nalamdang a liante hong lak ding uh hi.

Johan 5:43

Kei in ka Pa’ min tawh kong pai hangin nong sang kei uh hi. Midang khatpeuh amahmah min tawh hong pai leh, na sang ding uh hi.

Johan 8:24

Tua ahih ciangin, nomau mawhna sungah na si ding uh hi kong ci hi. Bang hang hiam na cih uh leh, keimah in tua pa ka hih lam na up kei uh leh, nomau mawhna sungah na si ding uh hi,” a ci hi.

Johan 8:28

Tua ahih ciangin Zeisu in, “Note in Mihing Tapa na khaitoh khit uh ciangin, tua pa ka hih leh ka deih bang hih loin ka Pa in hong sinsak bangin hih thu ka gen hi cih note’n na thei ding uh hi.

1 JOHAN MASA 2:18

Ta neute aw, tu laitak hun in a nunung bel hun ahi hi. Khazih’ gal ahi Anti Khazih hong piang ding thu note in na za zo uh mah bangin, tu-in Anti Khazih tampi a om uh hi. Tua ahih ciangin tu hun in a nunung bel hun ahi hi cih i thei hi.

1 JOHAN MASA 2:22

Zuauthu a gen mi kua ahi hiam? “Zeisu in Khazih ahi kei hi,” ci-in a nial mi ahi hi. Hih mi in Pa leh Tapa nial a, Anti Khazih ahi hi.

1 JOHAN MASA 4:3

Tua banga Zeisu a mang lo kha khempeuh in Pasian tawh kipawl lo hi. Hih kha in a hong tung ding ci-a na zaksa uh Anti Khazih’ kha ahi hi. Tua kha in leitungah tu nangawnin a om zo hi.

Mangmuhna 13:8

Leitung a cil panin thahna a thuak khin Tuuno’ nuntakna laibu sungah a min uh a kigelh lo leitung mi khempeuh in sahang a bia ding uh hi.