Mattiu 24:42 - Tedim Bible

⁴² Bang hang hiam na cih uh leh, na Topa uh hong pai ding ni na thei kei uh hi.

Tedim Bible Revision 2017

⁴² Tua ahih ciangin bang hunin na Topa uh hong pai ding cih thei lo na hih manun na pilvang un.

Mattiu 24:42 Iomraidhean Croise

Mattiu 24:36

“Tua ni leh tua hun kuamah in thei lo hi. Vantungmite in thei lo uh hi. Mihing Tapa in zong thei lo hi. Pa khat bek in a thei hi.

Mattiu 24:43

Gutate hong pai ding hun inn neipa in theikhol leh, ama inn a suksiat loh nadingin a pang ding hi, ci-in na thei ta un.

Mattiu 24:44

Tua ahih ciangin note in zong kigingkhol un. Bang hang hiam na cih uh leh, na ngaihsut loh lai takun Mihing Tapa hong tung ding hi.”

Mattiu 25:10

Amaute in namgimtui lei dingin a va pai lai takun, zipipa hong tung a; a baihsa a om nungakte tawh mopina pawi sungah a lut khawm khit uh ciangin, kong a khak uh hi.

Mattiu 25:13

Tua ahih ciangin, a ni ahi zongin, a hun ahi zongin, thei lo na hih uh ciangin ngak ta un.”

Luka 21:34

“Note na kikeem ta un. Ahih kei leh, annek tuidawn hih nuntakna leh lungman’na hangin na lungsim uh a gim lai takin, tua Ni in thang kisai bangin note tungah a hong tung ding hi.

Luka 21:36

Ahih hangin, note in hong piang ding tua thute khempeuh tawh na kipelh theih nading uh leh, Mihing Tapa mai-ah na din’ theih nadingun a tawntungin thungen un la, na ngak ta un,” ci-in a gen hi.

ROM (Romans) 13:11

Tua tham loin, eite hong gupna in eite upna ni tawh a nai sangin, tu-in hong naizaw ahih ciangin note in ihmutna pana khan’lawh nading hun hong tung zo hi ci-in na thei un.

1 KORIN MASA 16:13

Note in kikemin ngak un. Upna ah na kip un. Pasal tawh kibangin thacingin, thahat un.

1 THESALONIKA MASA 5:6

Tua ahih ciangin adang mite a ihmut bangun eite ihmu loin, pilvangin kikem ni.

1 PETER MASA 4:7

Na khempeuh a beina hong nai zo hi. Tua ahih ciangin pha takpi kikeemin pil un, thungenin ngak un.

1 PETER MASA 5:8

Kipin kikeem un. Kikepna tawh na ngak un. Bang hang hiam na cih uh leh, na gal uh ahi Dawimangpa in a hawk thei humpinelkai bangin kua mi ka ne ding hiam ci-in zong kawikawi-in a om hi.

Mangmuhna 16:15

En in, keimah in guta hong pai bangin ka hong tung ding hi! Puan silh loin pai-in mi mai-ah zumna om loh nadingin ngakin, ama puante a keem mi in thupha a ngah ding hi.