Mattiu 24:39 - Tedim Bible

³⁹ Tuiciin a tun’ ciangin mi khempeuh a suksiat mateng, bangmah ngaihsun loin a om uh bangin, Mihing Tapa hong pai ciangin a om ding hi.

Tedim Bible Revision 2017

³⁹ Tuiciin hong tungin tui in mi khempeuh a tupcip hun ciang dong, kuamah in bangmah a theih loh mah bangin Mihing Tapa hong pai ciangin zong kuamah in thei khol lo ding uh hi.

Mattiu 24:39 Iomraidhean Croise

Piancilna 7:23

Mihing, ganhing, a bokvakte leh huih lak vasate, lei maitang tunga om nuntakna a nei peuhmah amah in phiatkhia hi; leitung panin amaute kiphiatkhia hi. Noah leh amah tawh teembaw sunga a om teng bek suakta hi.

Paunak 23:35

“Hong vuak hangun ka liam kei a, hong sat hangun ka phawk kei hi. Ka pilvan' ciangin zu ka ne kik ding hi,” na ci ding hi.

Paunak 24:12

Ke’n thei kha kei ing, na cih nop hangin, lungsim a thei Pasian in tel veve a, nang hong encik Pasian in hong tel theihna phawk in; mi khempeuh a gamtatna bangin thukkik ding hi.

Paunak 29:7

Midikte in mi cimawhte’ ading thu khual a, migilote in tua bang khualna thei lo uh hi.

Isaiah 42:25

Tua ahih ciangin amah in, ama hehna-so leh gal kidonate eite tungah hong tungsak hi. Israel mi khempeuh lakah mei bangin ama hehna hong kuang a, ahih hangin eite in bangmah i thei kei hi. Tua i thuakna hangin bangmah i phawk khia thei tuan kei hi.

Mattiu 16:27

Mihing Tapa in, a Pa vangliatna nei-in, vantungmite tawh hong paikhawm ding hi. Tua ciangin mi khempeuh a gamtatna ciat uh bangin a thuksak ding hi.

Mattiu 24:3

Tua lai takin Zeisu in, Oliv Mual tungah tu-a a om lai takin a nungzuite in a kiangah va pai sim uh a, “Tua thute in cikciang a hong piang ding hiam? Topa, nong kum ding ahi zongin, leitung bei ding ahi zongin, bang limin hong kihil ding cih hong hilh in,” ci-in a dong uh hi.

Mattiu 24:30

Tua lai takin van panin Mihing Tapa’ lim a kilang ding hi. Leitung minam khempeuh a kap ding uh a; vangliatna leh minthan’na tawh, Mihing Tapa in meii tungah tuanga hong kumsuk a mu ding uh hi.

Mattiu 24:37

Noah khan’ lai bangin Mihing Tapa hong kum ciangin hong piang ding hi.

Mattiu 24:40

Tua tak ciangin, lo lai-ah a om mi nih in khat kila a, khat kinusia ding hi.

Luka 19:44

Nang akipan na sunga om na tate leitungah a kipuksak ding ni a hong tung ding a; na sunga suang khat tungah suang kiciang khat beek a omsak kei ding uh hi. Bang hang hiam na cih leh, Pasian hong hawhna hun na thei kei hi,” a ci hi.

Johan 3:20

A hoih lo-a gamta mi khempeuh in khuavak a mudah uh a; amau gamtatnate a kilat loh nadingin khuavakna-ah a pai kei uh hi.

Sawltak 13:41

Tua thu in: ‘Mi gilote aw, en un, Lungmang un la, taimang un! Bang hang hiam na cih uh leh, nomau khang lai takin na khat ka bawl ding hi, tua bawlna thu mi khat in hong hilh hangin na um kei ding uh hi,’ a ci hi,” ci-in a hilh hi.

ROM (Romans) 1:28

Amaute in Pasian thei nuam lo uh ahih ciangin a kituak lo nate ahih nading Pasian in amaute gitlohna lungsim sungah a piak mah bangin,

2 PETER NIHNA 3:5

Tang lai-in Pasian’ thupiakna in van ahi zongin, tui sung pan pusuakin, tui tawh a kip lei ahi zongin,

Thukhente 20:34

Gibeah khua a sim dingin Israelte khempeuh sung pan a kiteng khia mi tulsawm hong kuan uh a, a galdo uh haksa mahmah hi; ahih hangin Benjamin mite in amau adingin siatna a naina thu thei lo uh hi.