Mattiu 24:36 - Tedim Bible

³⁶ “Tua ni leh tua hun kuamah in thei lo hi. Vantungmite in thei lo uh hi. Mihing Tapa in zong thei lo hi. Pa khat bek in a thei hi.

Tedim Bible Revision 2017

³⁶ Ahi zongin a ni le a nai hun ding pen kuamah in thei lo hi. Vantungah a om vantung mite ahi a, Tapa nangawn in ahi zongin thei lo a, Pa Pasian bek in thei hi.

Mattiu 24:36 Iomraidhean Croise

Zekhariah 14:7

khuamial hun cih zong om lo ding hi. Zan hun nangawnin sun khuavak bek om ding hi. Hih thu a pian’ ding hun, Topa bek in a thei hi.

Mattiu 24:42

Bang hang hiam na cih uh leh, na Topa uh hong pai ding ni na thei kei uh hi.

Mattiu 24:44

Tua ahih ciangin note in zong kigingkhol un. Bang hang hiam na cih uh leh, na ngaihsut loh lai takun Mihing Tapa hong tung ding hi.”

Mattiu 25:13

Tua ahih ciangin, a ni ahi zongin, a hun ahi zongin, thei lo na hih uh ciangin ngak ta un.”

Marka 13:32

“Tua ni leh tua hun kuamah in thei lo hi. Vantungmite in thei lo uh hi. Mihing Tapa in zong thei lo hi. Pa khat bek in a thei hi.”

Sawltak 1:7

Zeisu in, “Pa in ama ukna-ah a koihsa a hun ahi zongin, a ni ahi zongin na theih nadingun thu a om kei hi.

1 THESALONIKA MASA 5:2

Bang hang hiam na cih uh leh, zan a, gutate hong pai mah bangin Topa’ Ni in hong tung ding hi ci-in note mah in a tel takin na thei uh hi.

2 PETER NIHNA 3:10

Guta bangin Topa’ Ni in hong tung ding hi. Tua Ni ciangin vantungte in aw lian mahmah tawh mangthang ding a, a nate zong sa lua-in a kisia ding uh hi. Leitunga kipan leitungah kibawl na khempeuh a kangtum ding uh hi.

Mangmuhna 16:15

En in, keimah in guta hong pai bangin ka hong tung ding hi! Puan silh loin pai-in mi mai-ah zumna om loh nadingin ngakin, ama puante a keem mi in thupha a ngah ding hi.

Mangmuhna 3:3

Tua ahih ciangin bangci na san’, bangci na zak thu phawkkik in la, zui in, kisikkik in. Tua ahih ciangin ngakin na om kei leh, guta bangin ka hong pai ding a, na kiangah bang hunin ka hong tun’ ding na thei kei ding hi.