Mattiu 24:31 - Tedim Bible

³¹ Amah in peengkul nakpi-in tumsak ding a; ama vantungmite sawlin, amaute in a teelsa mite, lei kiu li pan, van mong khat pan mong khat dongin a kikhawmsak ding uh hi.”

Tedim Bible Revision 2017

³¹ Nakpi takin peengkul hong ging dinga, leitung mun khempeuh ah a vantung mite hong paisakin, leimong khat pan mong khat dongin, a teel sa mite a kaikhawmsak ding hi.

Mattiu 24:31 Iomraidhean Croise

Late 22:27

Leimong khempeuh in phawkin Topa’ lamah kihei ding uh a, minamte’ innkuan khempeuh in ama mai-ah bia ding uh hi.

Late 67:7

Pasian in eite thupha hong pia khin hi; leimong dong khempeuhte in amah zahtak uh hen.

Late 81:3

Kha-det, kha-liik, i pawi ni-in pengkul tum un.

Paikhiatna 19:16

A ni thum ni zingsang ciangin vangingte leh khuaphialepte omin, mual tungah meii sahpi om a, nakpi takin a ging peengkul kitum ahih manin giahphual-a om mi khempeuh liing uh hi.

Isaiah 11:12

Amah in minamte’ adingin lan khat khai ding a, Israel mi a kihawlkhiate kaikhawmin, leitung kiuli panin Judah mi a kikhenthangte kaikhawm ding hi.

Isaiah 13:5

Leitung buppi susia dingin Topa leh ama hehna galhiamte gamlapi van mong panin hong pai hi.

Isaiah 27:13

Tua ni ciangin peengkul lianpi khat kitum ding a, Assiria gam sunga a mangthang mite leh Izipt gam sunga a kihawlkhia mite hong pai-in Jerusalem mual siangtho tungah Topa bia ding uh hi.

Isaiah 42:10

Topa’ tungah la thak sa un la, leimong panin amah phatna sa un! Tuipi leh a sunga omte, tuikulh gamte leh a tunga teeng mite aw, lasa un.

Isaiah 43:6

Keimah in leilu lam kiangah, Pia khia un, leitaw lam kiangah, Len nawn kei un; keima pian’sak ka bawlsa, keima minthan’ nading a, ka bawl, keima min tawh a kilote khempeuh ahi, ka tapate gamlapi panin, ka tanute leimong panin hong paipih un, ka ci ding hi.”

Isaiah 45:22

“Leitung mong khempeuhte aw, kei lamah hong kihei un la, hotkhiatna ngah un! Bang hang hiam cih leh keimah in Pasian ka hi a, kuamah dang om lo hi.

Isaiah 49:18

Na kimkotah khuadak to in la, mu in; na mi khempeuh hong kikhawm uh a, nang kiangah amaute hong ciah uh hi. Keimah in a nungta Topa ka hih mah bangin, na mite khempeuh hangin na kisial ding a, mothak nu in a zat bangin amaute khempeuh kizepna-in na ok ding hi.

Isaiah 60:4

Na kimkotah khuadak in la, mu in; na mite kikaikhawmin a ciah dingin nang kiangah hong pai uh hi; na tapate gamlapi panin hong ciah ding a, naungek bangin na tanute’ ang sungah hong kipua ding hi.

Daniel 7:2

Vantung kui li panin huihpi hong nunga tuipi tung a seem gawp hi.

Zekhariah 14:5

Hinnom kuam sung kivukcip ding a, Judah kumpi Uzziah’ hun lai-a zin lin-a kivukcip mah bang ding hi. Tua ciangin Topa ka Pasian hong pai ding a, a mi siangthote khempeuh hong tonpih ding hi.

Zekhariah 2:6

Topa in ama mite kiangah, “Mun khempeuhah note kong thehthang khin hi. “Hong pai un! Hong pai un! Saklam gam panin taikhia un.”

Zekhariah 6:5

Tua ciangin amah in hong dawng a, “Hihte in vantunga om kha lite a cih nopna hi a, leitung khempeuhte’ Topa kiang panin a hong paikhia ahi uh hi,” hong ci hi.

Zekhariah 9:10

Gal kidona leengte, Israel gam pan beisakin, sakol galkapte, Judah gam pan ka la khia ding a, galdona-a kizang thalte, kisusia ding hi. Na kumpipa un, minamte lakah kilemna thu gen ding a, amah in, tuipi mong khat pan tuipi mong khat dong, Eufrates gunpi panin leimong dongin uk ding hi.

Zekhariah 9:14

Ama mite tungah Topa kilang ding a, a thaltang lot khuaphia bang ding hi. Topa Pasian in peengkul tum ding a, leitaw lam pan-a hong nung huihpi tawh va kuankhia ding hi.

Mattiu 13:41

Mihing Tapa in ama vantungmite sawl ding a, a khialte leh a puksakte khempeuh a Gam sung pan nilkhia-in,

Mattiu 24:22

Tua nite a kitomsak kei leh kuamah suakta zo lo ding hi. Ahih hangin a teelsate adingin a kitomsak ding hi.

Mattiu 24:24

Bang hang hiam na cih uh leh, zuauthu gen kamsangte leh Khazih zuautheite hong piang ding uh a, a teelsate nangawn a khem zawh leh a khem nadingun, lim leh nalamdang a liante hong lak ding uh hi.

Mattiu 24:32

“Theikung kiangah thugentehna na sin un. Theikung a hiang meeng a, a teh a no ciangin khuakhal a nai zo ta hi,’ ci-in na thei uh hi.

Mattiu 25:31

“Mihing Tapa in a minthan’na tawh, vantungmite tawh hong paikhop ciangin, minthan’na tokhom tungah hong tu ding hi.

Mattiu 28:18

Zeisu in amau kiangah va pai a, “Vantungah ahi zongin, leitungah ahi zongin, vangliatna khempeuh kei hong kipia zo hi.

Marka 13:27

Tua lai takin amah in a vantungmite sawlin, amaute in a teelsa mite lei kiu li pan, lei mong khat pan van mong khat dongin a kikhawmsak ding uh hi.”

Luka 24:47

ama min tawh kisikkikna thu leh mawhmaisakna thu Jerusalem khua pan akipan mi pawl khempeuhte’ kiangah a kigen ding hi ci-in kigelh hi.

Johan 11:52

mun khempeuh ah a kikhenthang Pasian’ tate a kikhawm kiksak dingin a si ding hi,” ci-in kamsangpa bangin a gen hi.

ROM (Romans) 10:18

Ahih hangin amaute in za hilo ahi uh hiam? A mantakpi a za uh hi: “Amaute aw un leitung khempeuh ah a zel zo hi; Amau thu un leimong dongin a tung zo hi.”

1 KORIN MASA 15:52

A nunung peengkul a hong mut ciangin tomkha sung mitphiat kikalin eite khempeuh i kikheel ding hi. Tua peengkul a mut ding a, misite in muat thei nawn lo dingin hong thokik ding uh hi. Eite khempeuh in zong i kikheel khin ding hi.

Efesa 1:10

A hun a kicin’ cianga a sep ding Pasian’ geelna in vantung leh leitungah a om na khempeuh gawmin Khazih uk sak ding ahi hi.

Thu-hilhkikna 30:4

A kihawlkhia na mite uh vanmong pekah a om leh zong, Topa na Pasian un tua lai panin note hong khawmin, tua lai panin amah in hong paipih kik ding hi;

Thu-hilhkikna 4:32

“Pasian in leitungah mi a pian’sak ni-a kipan, no pian’ ma-a hun beisa thu tu-in kan un la, van mong khat pan mong khat kikal thu zong kan un, hih bang na lian piang ngei-in a kiza ngei peuhmah hiam?

1 THESALONIKA MASA 4:16

Bang hang hiam na cih uh leh, Topa mah in kikona tawh, vantungmi mangpa’ kikona tawh, Pasian’ peengkul tumna tawh, vantung pan hong kumsukin, Khazih sungah a sisa mite in a tho masa ding uh hi.

2 THESALONIKA NIHNA 2:1

Ute naute aw, i Topa Zeisu Khazih hong paina leh eite in ama kiangah i kikhopna thu panin,

Mangmuhna 1:20

Ka khut taklamah na muh aksi sagihte-a kipan kham meivak sagihte’ thu thukna na gelh in. Aksi sagihte in pawlpi sagihte’ vantungmite ahi uh hi. Meivak sagihte in pawlpi sagihte ahi uh hi.

Mangmuhna 11:15

Sagihna vantungmi in peengkul a tum ciangin, “Hih leitung gam in i Topa leh ama Khazih gam a suak zo hi. Amah in a tawntungin a uk ding hi,” ci-in vantungah nakpi-in a genna aw ka za hi.

Mangmuhna 7:1

Tua nung ciangin vantungmi li in lei kiu li mong ah ding-in leitungah ahi zongin, tui tungah ahi zongin, singkung khatpeuh peuh tungah ahi zongin, huih nun’ loh nadingin leitung kiu lite len cipin a om uh ka mu hi.

Mangmuhna 8:2

Tua nung ciangin Pasian mai-ah ding-in a om vantungmi sagih ka mu hi. Tuate peengkul sagih a kipia hi.