Mattiu 24:3 - Tedim Bible

³ Tua lai takin Zeisu in, Oliv Mual tungah tu-a a om lai takin a nungzuite in a kiangah va pai sim uh a, “Tua thute in cikciang a hong piang ding hiam? Topa, nong kum ding ahi zongin, leitung bei ding ahi zongin, bang limin hong kihil ding cih hong hilh in,” ci-in a dong uh hi.

Tedim Bible Revision 2017

³ Oliv Mual tungah Jesu tu-in a om laitakin a nungzuite guak a tuamin hong pai uh a, “Hih thute cik ciangin hong piang dinga, nang na hong pai ding hun le hun bei nading bang lim hong om ding ahi hiam, hong gen in,” a ci uh hi.

Mattiu 24:3 Iomraidhean Croise

Mattiu 13:36

Tua ciangin Zeisu in, mihonpi lak pan paikhia-in, inn sungah a lut khit ciangin, a nungzuite a kiangah va pai uh a, “Lo lai-ah a po tahum kung gentehna thu a khiatna ko hong hilh tel in,” ci-in a dot uh leh, Zeisu in,

Mattiu 13:49

Tua mah bangin leitung a bei ciangin, vantungmite hong kumsuk ding uh a, mi siangthote lakah a gilo teng lakhia-in meiphual sungah a khul ding uh hi.

Mattiu 15:12

A nungzuite’n va nai uh a, “Tua thugentehna Farisaite in a zak uh ciangin, a lungmang uh na thei hiam? a ci uh hi.

Mattiu 16:27

Mihing Tapa in, a Pa vangliatna nei-in, vantungmite tawh hong paikhawm ding hi. Tua ciangin mi khempeuh a gamtatna ciat uh bangin a thuksak ding hi.

Mattiu 16:28

Ke’n aman takpi kong cih-inah, Mihing Tapa, ama Gam sungah hong pai kik, hih san takah a ding mi kimkhat in a muh matengun a si kei ding uh hi,” ci-in a nungzuite kiangah a gen hi.

Mattiu 17:19

Tua ciangin a nungzuite in gamdaihna mun, Zeisu kiangah va nai uh a, “Kote in tua dawi bang hangin hawlkhia zo lo ka hi uh hiam?” ci-in a dot uh leh,

Mattiu 21:1

Amaute in Jerusalem khuapi a naih uh a, Oliv Mual tungah a om Bethfage khua-ah a tun’ uh ciangin, Zeisu in a nungzuite nih sawl a,

Mattiu 24:27

Bang hang hiam na cih uh leh, khuaphialep in nisuahna lam pan phia a, nitumna lam dongin a taang mah bangin, Mihing Tapa hong kumna a piang ding hi.

Mattiu 24:30

Tua lai takin van panin Mihing Tapa’ lim a kilang ding hi. Leitung minam khempeuh a kap ding uh a; vangliatna leh minthan’na tawh, Mihing Tapa in meii tungah tuanga hong kumsuk a mu ding uh hi.

Mattiu 24:37

Noah khan’ lai bangin Mihing Tapa hong kum ciangin hong piang ding hi.

Mattiu 24:39

Tuiciin a tun’ ciangin mi khempeuh a suksiat mateng, bangmah ngaihsun loin a om uh bangin, Mihing Tapa hong pai ciangin a om ding hi.

Mattiu 24:43

Gutate hong pai ding hun inn neipa in theikhol leh, ama inn a suksiat loh nadingin a pang ding hi, ci-in na thei ta un.

Mattiu 28:20

Keimah in note kong piak thukham khempeuh a tan’ dingun na hilh ta un. Keimah in leitung a bei dongin note tawh ka omkhawm tawntung ding hi,” ci-in a vaikhak hi.

Luka 21:7

Amaute in “Topa aw, tua thute in cikciangin hong tung ding ahi hiam? A pian’ ding hong naih ciangin bang limin a hong kihil ding hiam?” ci-in a dong uh hi.

Sawltak 1:7

Zeisu in, “Pa in ama ukna-ah a koihsa a hun ahi zongin, a ni ahi zongin na theih nadingun thu a om kei hi.

Hebru 9:26

Tua banga bia hi leh, lei piancil akipan tam veipi sihna a thuak zo ta ding hi. Tu-in ahih leh, hun tawpna-ah khatvei bek a pumpi paai-in biakna tawh mawhna a paai siang dingin a kilang zo hi.