Mattiu 24:19 - Tedim Bible

¹⁹ Tua lai takin naupai numeite leh naungeek nei numeite in gimna a thuak ding uh hi.

Tedim Bible Revision 2017

¹⁹ Tua hun laitakin naupaiite le naungek neite adingin haksa mahmah ding hi.

Mattiu 24:19 Iomraidhean Croise

2 SAMUEL NIHNA 4:4

Saul’ tapa Jonathan in a khete a bai tapa khat nei hi. Jezre-el panin Saul leh Jonathan’ thu hong tun’in amah kum nga pha hi; amah a cingnu in amah la-in taipih hi; tua nu a nawh taina lamin naupang kia-in a bai suak hi. Ama min in Mefibosheth ahi hi.

2 KUMPI NIHNATE 15:16

Tua hun lai takin Menahem in Tappuah leh a sunga teng khempeuh leh Tirzah pana kipan a gam sung teng luh hi; bang hang hiam cih leh amaute in ama adingin a kongpite uh hong lo uh a, tua ahih ciangin amah in luhin, tua sunga om numei naupaai khempeuh phel kham hi.

Kah la 4:10

Ka mite a cihmawh lai takun, itna a nei nupite nangawn in, a tanote uh goin beel sungah a huan uh hi.

Hosea 13:16

Israelte in a Pasian uh lehdo ahih manin a mawhna uh thuak ding uh hi. Gal sungah amaute si ding uh a, a naungeekte uh lei kiden’ nading a, a nupi naupaaite uh kikuikham ding hi, ci hi.

Mattiu 21:16

“Hih naupangte in bang thu a gen uh cih na za hiam?” ci-in a dot uh ciangin Zeisu in, “Ka za hi. ‘Naupangte leh nawi nete kam sung pan Nang in minphatna na piangsak hi,’ a cihna thu, note in khatvei beek sim ngeilo na hi uh hiam?” a ci hi.

Mattiu 24:18

Lo lai-ah a omte in zong puan la dingin ciahkik kei hen.

Mattiu 24:20

Na tai uh a hun ding in phalbi laitak leh, Nipi ni a, a hong tun’ loh nadingin thu na ngen un.

Luka 21:23

Tua lai takin naupai numeite leh naungeek nei numeite in gimna a thuak ding uh hi. Bang hang hiam na cih uh leh, hih gamah gimna tung ding a, hih pawlte tungah hehna a tung ding hi.