Mattiu 24:16 - Tedim Bible

¹⁶ Judah gamah a omte in mual tungah tai ta hen.

Tedim Bible Revision 2017

¹⁶ Judea gam a om mite, mual tungah tai henla,

Mattiu 24:16 Iomraidhean Croise

Paunak 22:3

Mipilte in a lauhuai thu mu thei-in pelh uh a, mi mawkmawkte in phu suakin thuak uh hi.

Jeremiah 44:29

Note’ siat nading ka gen sa thute a hong tung takpi ding ahihna thu na theih nadingun Topa in kong cih-inah, hih lim note kong pia ding a, hih munah kong thuaksak ding hi:

Jeremiah 6:1

Benjamin’ suante aw, na suahtak nadingun tai un! Jerusalem khua taisan un! Tikoa khua-ah peengkul mut un la, Bethhakkherim khua-ah theihsakna meikhu suaksak un. Bang hang hiam cih leh leilu lam panin, gimna leh siatna lianpi a hong pai ding hi.

Mattiu 2:1

Judah gam Herod Kumpipa a man’ lai takin, Bethlehem khua-ah Zeisu a suah khit ciangin mipilte in ni suahna gam lam panin Jerusalem khuapi-ah tung uh a, tu lai taka suak Judah kumpipa koi lai takah om hiam?

Mattiu 24:15

“Tua ahih ciangin kamsangpa Daniel a hilh ngei bangin, a kisia thei kihhuaina in a siangtho munah ding-a a om note in na muh uh ciangin, (Lai Siangtho a sim theite in thei ta hen.)

Mattiu 24:17

Innkhum tungah a omte in zong a inn sungah sum la dingin kumsuk kei hen.

Hebru 11:7

Noah in a muh nai loh thute-ah thupiakkholhna a ngah khit ciangin upna tawh Pasian kihta-in ama innkuanpihte gum dingin teembaw a lam hi. Tua upna hangin amah in leitung mite mawhna thu khenin a upna tawh kipawl dikkisakna a luah hi.