Mattiu 23:37 - Tedim Bible

³⁷ “Pasian’ kamsangte that a, na omna ah hong kisawlte zong suangtum tawh a deeng Jerusalem khuapi aw, akpi in a nongeekte a kha nuai-ah a khop bangin, na tate tamveipi ka khawm nuam zo a, nang na ut kei hi.

Tedim Bible Revision 2017

³⁷ “Jerusalem, Jerusalem aw, kamsangte na that a, Pasianʼ sawl kamtaite na deng lum hi. Akpi in a kha tawh a note a huai mah bangin na mite ka huai nuam tawntung a, ahi zongin na ut kei hi.

Mattiu 23:37 Iomraidhean Croise

Nehemiah 9:26

“‘Ahi zongin amaute in dem nopna lungsim nei-in nang hong lehdo uh hi; amaute in na thukham nungngat uh a, nangma lamah hong ciahkik nadingun amaute a hilhkhol na kamsangte that uh a, amaute in gendai-mawhna lianpi bawl uh hi.

Late 17:8

Kei hong sutgawp migilo, keimah hong umcih ka gal kihtak huaite kiang panin mitnauta bangin hong kem in la, na kha lim-ah hong seel in.

Late 36:7

Pasian aw, na itna kip bangzahta in manpha! Mihing tate na kha lim-ah bu uh hi.

Late 57:1

Pasian aw, nangmah hong bel ka hih manin kei hong hehpih in, kei hong hehpih in; siatna huihpi a ven’ mateng na kha limah kong bu ding hi.

Late 63:7

Bang hang hiam cih leh nangmah in kei hong huhpa na hi a, nangma hutna sungah lungdamin la ka sa hi.

Late 91:4

amah in a khate tawh nang hong tuam ding a, ama khate nuai-ah buk nading na mu ding hi; ama thumanna in nang hong dalin hong hu ding hi.

Isaiah 5:4

Ka leenggui lo’ adingin ka hih nai loh ka hih ding a kilawm bang om lai ahi hiam? Leenggah hoih gah ding ka lamet lai takin bang hangin gam leenggah hong gah mawk ahi hiam?

Isaiah 50:2

Bang hangin, kong pai ciangin mi khat zong om lo ahi hiam? Kong sap ciangin hong dawng ding khat zong om lo ahi hiam? Hong hon zo lo zah dingin ka khut tom lua ahi hiam? Tua ahih kei leh note khahkhiatna ding thahatna nei lo ka hi hiam? En un, keima taiina tawh tuipi ka keusak a, gunte pen sehnel gam ka suaksak hi; tui om loh manin a ngasate uih a, dangtakin si uh hi.

Jeremiah 2:30

Na tate uh thu hilh-in ka sat hangin a mawkna suak zo hi, amaute kibawlpha tuan lo uh hi; na namsaute un humpi an zong bangin na kamsangte uh a that khin zo uh hi.

Jeremiah 26:23

amau in zong Izipt gam panin Uriah manin Jehoiakim kumpipa’ kiangah a puak uh hi. Amah in tua pa namsau tawh that-in a luanghawm mi mawkmawkte’ kivuina munah a paai hi.

Jeremiah 32:31

Hih khuapi in, a kisat cil-a kipan tu ni ciang dong hong hehsakin hong thangpaisak ahih manin ka muhna panin ka hemkhia ding hi.

Jeremiah 35:15

Ka nasem ahi kamsangte khempeuh note kiangah hong sawl tawntungin, ‘Tu-in note khempeuh na hoih lohna-uh panin kihei un la, na gamtat hoihlote uh kipuah pha un. pasian dangte nung delh loin, ama’ na na sep kei uh leh note leh na pute na pate’ kianga kong piak gam sungah na teeng ding uh hi,’ ci-in hong gen uh hi. Ahih hangin note in na bil uh nong ngat kei uh a, ka thu nong ngai kei uh hi.

Jeremiah 36:26

Tua ciangin kumpipa in kumpipa’ tapa Jerahme-el tawh, Azriel’ tapa Seraiah tapa, Abde-el’ tapa Shelemiah tawh a sawl a, kumpi thuvanpipa Baruk leh kamsangpa Jeremiah man dingin thu a pia hi. Ahih hangin Topa in amau tegel a seel sim hi.

Jeremiah 4:14

Jerusalem khua aw, nang hong kihotkhiat nadingin, na lungsim sung panin gitlohna sawpkhia in. Na sungah gitlohna lungsim bang tan vei kem cip ding na hi hiam?

Jeremiah 44:4

Ahih hangin note kiangah ka nasem kamsangte khempeuh kong sawl a, ‘Ka muhdah hih a kihhuai na na hih nawn kei un,’ ci-in kong gensak tawntung hi.

Jeremiah 6:8

Jerusalem khuapi aw, kidawm in! Na tua cih kei leh kong taisan ding a, kuama’ teen’ lohna gam simtham na suak kha ding hi,” a ci hi.

Hosea 11:2

Ahi zongin tapa bangin limbawl semsem leng, kei kiang panin gamla pai semsem hi. Ka mite in Baal tungah biakna pia uh a, milim biakna-in paknamtui hal uh hi.

Hosea 11:7

Ka mite in kei kiang panin pial ding ngaihsun tawntung ahih manin amaute in kol bulhna thuak ding uh a, kuamah in a kol sutsak lo ding hi.

Hosea 7:13

Amaute in kei hong taisanin hong lehdo ding uh ahih manin gimna ngahin siatna thuak ding uh hi. Amaute ka hotkhiat nop hangin amaute in kei hong lehgen zawsop uh hi.

Zekhariah 1:4

Na pu na pate uh bang nawn kei un. Nidanga kamsangte in amaute kiangah ka thu gen uh a, gamtatsia gamta loin, a mawh nawn lohna ding uh hilh uh hi. Ahi zongin amaute in ka thu ngai nuam loin, ka thu hong mang lo uh hi.

Mattiu 22:3

Amah in a nasemte sawl a, a khohsate a sapsak hangin a hawh nuam kei uh hi.

Mattiu 22:6

A om laite in a nasemte manin, bawlsia-in a that uh hi.

Mattiu 23:30

Note in, ‘Ka pute ka pate’ khanglai-in om le-ung Pasian’ kamsangte thahna-ah ka kihel kei ding uh hi,’ na ci uh hi.

Mattiu 23:31

Tua bang na hih uh ciangin, note in Pasian’ kamsangte a that mite’ tate na hi uh a, no langkhatah teci na pang uh hi.

Mattiu 5:12

Lungdamin na nuam un. Bang hang hiam na cih uh leh, Vantung Gamah a lian noptuamna na ngah ding uh hi. Note pian’ ma a piang kamsangte zong tua mah bangin a bawlsia uh hi.”

Luka 15:28

Ahih hangin amah heh a, inn sungah a lut nuam kei hi. A pa pusuakin a zol hi.

1 THESALONIKA MASA 2:15

Tua Judah mite in, Topa Zeisu akipan kamsangte a that zo uh hi. Kote zong hong hawlkhia uh a, Pasian lungsim tawh kituak loin mi khempeuh tawh zong kilem lo uh hi.

Mangmuhna 17:6

Tua numei in zong misiangthote’ sisan ahi zongin, Zeisu’ teci pangte’ sisan ahi zongin dawnin kham a, om ka mu hi. Kei in ka et ciangin lamdang ka sa mahmah hi.

Ruth 2:12

Topa in na gamtatna sate apha tawh hong thuk a, a lim nuai beel dinga na paina Israelte’ Pasian, Topa in thaman a cingin hong pia ding hi,” a ci hi.