Mattiu 23:34 - Tedim Bible

³⁴ Tua ahih ciangin, kamsangte, lungpilte, laitheite, na omna uhah kong sawl ding hi. Note in tuate kimkhat na that ding uh a, kimkhat singlamteh tungah na khai ding uh hi. Kimkhat na kikhopna inn sung uhah na sat ding uh a, khua khat pan khua khatah bawlsia-in na hawlkhia ding uh hi.

Tedim Bible Revision 2017

³⁴ Note kiangah kamsangte, mipilte le siate ka hong paisak ding hi. Note in pawl khatte thatin, pawl khatte singlamteh tungah khai-in, pawl khatte na kikhopna uh inn sungah na sat ding uh a, khua khat pan khua khat ah a banbanin na bawlsia ding uh hi.

Mattiu 23:34 Iomraidhean Croise

2 KUMPI NIHNATE 21:10

Tua ciangin Topa in kamsangte ahi a nasemte’ tung tawnin gen a,

2 KHANG TANGTHU NIHNATE 24:21

Ahih hangin amaute in amah sawmsim uh a, kumpipa’ thupiakna tawh amaute in Topa’ inn tual-ah suang tawh amah denglum uh hi.

Paunak 11:30

Midikte’ gah in nuntakna singkung hi a, nuntakna Khate a man mi in mipil ahi hi.

Jeremiah 26:8

Mi khempeuh’ tunga Topa in gen dinga a sawl teng Jeremiah in a gen khit ciangin, siampite, kamsangte leh mi khempeuhte in a man uh a, “Nang na si ding hi.

Jeremiah 36:26

Tua ciangin kumpipa in kumpipa’ tapa Jerahme-el tawh, Azriel’ tapa Seraiah tapa, Abde-el’ tapa Shelemiah tawh a sawl a, kumpi thuvanpipa Baruk leh kamsangpa Jeremiah man dingin thu a pia hi. Ahih hangin Topa in amau tegel a seel sim hi.

Mattiu 10:23

Khua khatah note hong bawlsiat uh leh, khua khatah na tai un. Ke’n aman takpi kong cih-inah, Israel khua khempeuh na vak kim khit ma-un Mihing Tapa hong pai ding hi.”

Mattiu 13:52

Zeisu in, “Tua ahih leh, Vantung Gam thuzui a suak laithei khempeuh in sumkholna pan a thak leh a lui a lakhia thei inn teekpa tawh kibang uh hi,” a ci hi.

Mattiu 23:31

Tua bang na hih uh ciangin, note in Pasian’ kamsangte a that mite’ tate na hi uh a, no langkhatah teci na pang uh hi.

Luka 24:47

ama min tawh kisikkikna thu leh mawhmaisakna thu Jerusalem khua pan akipan mi pawl khempeuhte’ kiangah a kigen ding hi ci-in kigelh hi.

Johan 16:2

Amau in kikhopna innsung pan note hong hawlkhia ding uh hi. Ahi hi; hong that mite khempeuh in Pasian’ na ka sem hi ci-in a ki-um ding uh hi.

Johan 20:21

Zeisu in khatvei, “Nopna na ngah ta un, Pa in kei hong sawl bangin note kong sawl hi,” a ci kik hi.

Sawltak 1:8

Ahih hangin Kha Siangtho in nomau tungah hong kumsuk khit ciangin vangliatna na ngah ding uh a, Jerusalem khua-a kipan Judah gam, Samaria gam khempeuh leh leimong dongin ka teci na hi ding uh hi,” a ci hi.

Sawltak 11:27

Tua lai takin Jerusalem khua panin Antiok khua-ah Pasian’ kamsangte hong tung uh hi.

Sawltak 12:2

Johan’ sanggampa Jeim namsau tawh a that hi.

Sawltak 13:1

Antiok khua pawlpi sungah kamsangte leh thuhilhte a om uh hi. Tuate in Barnabas, Niger kici Simeon, Sairin mi Lukias, Herod tawh a khangkhawm Manean leh Saul-te ahi uh hi.

Sawltak 14:19

Ahih hangin Antiok khua leh Ikonium khua panin Judah mite hong pai uh a, mihonte a hansuah khit uh ciangin Paul suang tawh a deng uh a, a si khin ta hi ci-in khua nawlah a kaikhia uh hi.

Sawltak 15:32

Judah leh Silas in Pasian’ kamsang ahih uh ciangin ute naute kiangah thu tampi hilhin, a lungkipsak uh hi.

Sawltak 5:40

Ama kam a ngai uh a, sawltakte a sap khit uh ciangin a sat uh a, Zeisu’ min tawh thuhilh lo dingin a khamcip uh a, a khah uh hi.

1 KORIN MASA 2:6

A kicing mite kiangah pilna thu i gen hi. Ahih hangin leitung pilna thu ahi zongin, a mangthang ding hih leitung ukte’ pilna thu ahi zongin ka hilh kei uh hi.

1 KORIN MASA 3:10

Pasian in thupha hehpihna hong piaksa ka ngah bangin inn lam siampa bangin inn khuam ka phut hi. Midangte in a ban zomin a lam uh hi. Ahi zongin mi khempeuh in tua khuam tungah zomin bangci-in a lam hiam ci-in kikem ta uh hen.

Kolose 1:28

Khazih hangin mi khempeuh in kicin’na ngahin mi khempeuh tungah pia dingin, kote in mi khempeuh phawksakin pilna apawlpawl tawh tai-in, hilhin Khazih’ thu ka hilh uh hi.

1 THESALONIKA MASA 2:16

Tua mite in amau mawhna a dimsak tawntung nadingun Gentailte in gupna sungah a tun’ nadingun kote thuhilh hong khaam uh hi. Amau tungah hehna a vekpi-in a tung zo hi!

Hebru 11:37

Suang tawh denna, sing-atna tawh at tanna, ze-etna, namsau tawh thahna a thuak uh hi. Nakpi-in zawngkhalin, bawlsiatna thuakin, tuuvun keelvun silhin a kawivak uh hi.

Mangmuhna 11:10

Leitungah a om mite in zong tua kamsang nihte in a bawlsia ngei ahih manin, tua a luangte hangin lungdamin khat leh khat nuamna nate a kipia ding uh hi.