Mattiu 23:26 - Tedim Bible

²⁶ Mittaw Farisaite aw, hai leh dalkuang pualam a sian’ nadingin a sunglam sil siang masa un.”

Tedim Bible Revision 2017

²⁶ A mittaw Farisi mite aw, a pualam zong a siangtho a suah theih nadingin hai le kuang sunga a om nate a siangtho hisak phot un.

Mattiu 23:26 Iomraidhean Croise

Isaiah 55:7

mi gilopa ama gitlohna nusia sak un la, thuman lopa ama ngaihsutna nusia sak un; amah in a hehpih theih nadingin Topa tung leh i Pasian tungah amah paikik sak un, bang hang hiam cih leh a mawhna maisiangsak ding hi.

Jeremiah 13:27

Na kihhuainate, na ang kawmna, na hukna leh gamlak mual tunga numei paktat banga milim pasian peuh na biak kawikawinate ka mu zo hi. Jerusalem aw, gimna ngah ta in! Na sian’tho nadingin bang tanvei sawt ding ahi hiam?”

Jeremiah 4:14

Jerusalem khua aw, nang hong kihotkhiat nadingin, na lungsim sung panin gitlohna sawpkhia in. Na sungah gitlohna lungsim bang tan vei kem cip ding na hi hiam?

Ezekiel 18:31

Na gamtatnasa uh mawhna khempeuh nusia un la, na lungsim leh na ngaihsutna uh thaksuahsak un. Bang hangin no Israel mite si nuam na hi uh hiam?

Mattiu 12:33

“A kung hoih a, a gah hoih hi, na ci un. Ahih kei leh, a kung hoih lo a, a gah hoih lo na ci un. Bang hang hiam na cih uh leh, a kung a gahin kithei hi.

Mattiu 14:8

Tua numei in a nu hilhna bangin, “Baptaizpa Johan’ lutang dalkuang sungah hong pia in,” ci-in a ngen hi.

Marka 7:4

Sumbuk panin hong ciah uh ciangin zong pumpi kisil loin an ne lo uh hi. Tua lo adang ngeinate in haite, sumngo kuangte, dalkuangte tui tawh sawpna ngeina a zuih uh tampi a om hi).

Luka 11:39

Topa in, “No Faraisaite in hai leh dalkuangte a pua lam na silsiang uh hangin, na sung lam uh ah ngongtatna leh gitlohna tawh na kidim uh hi.

Luka 6:45

Miphate in ama lungsim sung sumkholna hoih sung pan a pha nate a pusuaksak hi. Mipha lote in a hoih lo sumkholna sung pan a pha lo nate a pusuaksak uh hi. Bang hang hiam na cih uh leh, tua pa’ lungsim a dim bangin a kam in a gen hi.”

2 KORIN NIHNA 7:1

Tua ahih ciangin ka itte aw, tua thuciamna eite tawh kikum ahih ciangin i pumpi kihhuainate leh lungsim kihhuainate khempeuh panin kisiangthosakin, Pasian kihta-in, a siangtho gamtatna tawh dimin om ni.

Hebru 10:22

eite in lungsim kisuan’na om loh nadingin kitheh a, tui siangtho tawh i pumpi i kisil khit ciangin up khialhna om lo, upna kipin dikna tawh a dim lungsim nei-in Pasian kiangah nai ni.

Jeim 4:8

Pasian kiangah nai un. Tua bang na hih uh leh, nomau kiangah a hong nai ding hi. Mawhneite aw, na khut uh siangthosak un. Lungka mite aw, na lungsim uh na siangthosak un.