Mattiu 23:16 - Tedim Bible

¹⁶ “Lamhilh mittawte aw, note in gimna na thuak ding uh hi. Bang hang hiam na cih uh leh, ‘Biakna innpi tawh thu kiciam peuhmah in, a ciamna a pelh leh phamawh lo hi. Biakna innpi’ kham tawh a kiciam peuhmah in, leiba a nei hi,’ na ci uh hi.

Tedim Bible Revision 2017

¹⁶ “Mittaw a bang lamhilhte aw, note in gimna na thuak ding uh hi. Bang hang hiam cih leh note in, ‘Mi khat biakinn tawh a kiciam leh phamawh lo a, ahi zongin biakinn sunga a om kham tawh a kiciam leh a kiciamna in len hi,’ na ci uh hi.

Mattiu 23:16 Iomraidhean Croise

Isaiah 9:16

bang hang hiam cih leh hih minam a makaihte in lam khialsak a, amaute’ makaite in lampialsak uh hi.

Mattiu 15:14

Tua mite amau ut bangin om sak un. Amau in mittaw lamhilhte ahi uh hi. Mittaw leh mittaw lam kihilh leh, a nih un leihawm sungah a kiakhawm ding uh hi,” a ci hi.

Mattiu 23:13

“A simtat laitheite leh Farisaite aw, note in gimna na thuak ding uh hi. Bang hang hiam na cih uh leh, Vantung Gam kongkhak mi mai-ah na khak uh hi. No lah lut loin, a lut nuamte zong na kham uh hi.”

Mattiu 23:17

Mihai mittawte aw, koi lianpen ahi hiam? Kham in lianzaw ahi hiam? Tua kham a siangthosak biakna innpi lianzaw ahi hiam?

Mattiu 23:19

Mittawte aw, koi pen lianzaw ahi hiam? Biakna tau lianzaw ahi hiam? Tua biakna tau a siangthosak piakna lianzaw ahi hiam?

Mattiu 23:24

Thuhilh mittawte aw, note in thovai om loh nadingin tui na khaih uh hangin, saipi na valh uh hi.”

Mattiu 23:26

Mittaw Farisaite aw, hai leh dalkuang pualam a sian’ nadingin a sunglam sil siang masa un.”

Galati 5:3

Tua bang ahi hi. Vunatna a thuak mi khempeuh teci ka pankik inah, tua bang mite in Thukham khempeuh siit loin a zuih nadingin leiba nei mi ahi uh hi.

Jeim 5:12

Ka u ka naute aw, thu khempeuh tungah kiciamna pha takin na tang un; vantung tawh na kiciam kei un, leitung tawh na kiciam kei un. Bangmah dang tawh na kiciam kei un. Thukhenna tawh na kipelh theih nadingun ah, “Ahi hi,” na cih uh ahi mah hi ta hen; “Ahi kei hi,” na cih uh a hi lo mah hi ta hen.