Mattiu 23:15 - Tedim Bible

¹⁵ “A simtat Farisaite aw, note in gimna na thuak ding uh hi. Bang hang hiam na cih uh leh, mi khat na nungzui uh na suahsak nadingun, lei lam leh tui lam na pai kawikawi uh a, na ngeina uh hong zuite, note mah bangin, a nihvei khang dongin hel khua’ ta na suaksak uh hi.”

Tedim Bible Revision 2017

¹⁵ “Mihoih a kineihkhem, no Thukham hilh siate le Farisi mite in gimna na thuak ding uh hi. Note in mi khat bek nangawn na ngah zawh nading uh na hanciamna un leitung tuitung lumletin khual na zin uh a, na ngahsunte uh zong note zah nihin a siahuai, hell khuk tung ding mi na suah uh hi.

Mattiu 23:15 Iomraidhean Croise

Esther 8:17

Kumpipa’ thupiakna a tun’na gam leh khua khempeuh ah Judah mite adingin lungdamna leh kipahna, pawi bawlna leh nasep khawlin zumkhakna om hi. Tua hi a, mite in Judah mite kihta uh ahih manin tua gam-a om mi tampi tak in Judah mi ka hi uh hi, ci uh hi.

Mattiu 23:13

“A simtat laitheite leh Farisaite aw, note in gimna na thuak ding uh hi. Bang hang hiam na cih uh leh, Vantung Gam kongkhak mi mai-ah na khak uh hi. No lah lut loin, a lut nuamte zong na kham uh hi.”

Mattiu 3:7

Farisai-te leh Saddusi-te a kibaptaiz dinga hong pai Johan in a muh ciangin, “No mualtan’ suante aw, a hong tung ding hehna pan na taikhiat nadingun kua in hong hilhkhol hiam?

Mattiu 5:22

Ke’n kong cih-inah, a sanggamte tungah a hehte khempeuh in zum innah thukhenna a thuak ding uh hi. A sanggam a gensiate in upa vaihawmna pan thukhenna a thuak ding uh hi. A sanggam a phuisamte in meikuang sungah kikhulna a thuak ding uh hi.

Mattiu 5:29

Tua ahih ciangin na mit taklam in hong puksak leh, khelkhia inla paai in. Bang hang hiam na cih leh, na pumtangin hel khua sungah na kiat sangin na na khat kisia leh, nang adingin a phazaw ding hi.

Johan 8:44

Note in na pa uh dawimangpa’ suan na hi uh hi. A gilo na pa uh deihna bangin na gamta nuam uh hi. Amah in a cil panin mi thatpa hi a, thumanna nei lo ahih ciangin thuman thutak sungah a kip kei ding hi. Amah in thuzuau a gen ciangin ama thu a gen hi. Bang hang hiam na cih uh leh, amah in zuauthu gen leh thuzuaupa lah ahi hi.

Sawltak 13:10

“Thuzuaute leh kheemna pawl khempeuh tawh a dim, dawimangpa’ ta, thuman thutak’ gal aw, Pasian’ Lampi tang siasak dingin tawp lo ding na hi hiam?

Sawltak 13:43

Kikhopna a bei khit ciangin Judah mi leh Judah ngeina sungah a tum Pasian zahtak mi tampite in Paul leh Barnbas nung a zui uh a, Pasian’ hehpihna thupha sungah a kip nadingun amaute in thu hilhin, a hansuah uh hi.

Sawltak 14:19

Ahih hangin Antiok khua leh Ikonium khua panin Judah mite hong pai uh a, mihonte a hansuah khit uh ciangin Paul suang tawh a deng uh a, a si khin ta hi ci-in khua nawlah a kaikhia uh hi.

Sawltak 14:2

Thu-um lo Judah mite in unaute a huat bawlna dingun Gentailte a hansuah uh hi.

Sawltak 17:13

Ahih hangin Paul in Berea khua-ah Pasian’ thu a hilh thu Thesalonika khua Judah mite in a zak uh ciangin, Berea khua-ah hong pai uh a, mihonpi a hansuah khit uh ciangin, a nawngkai sak uh hi.

Sawltak 2:10

Frigia gam, Pamfilia gam, Izipt gam, Sairin khua kimkot Libia gam sungah a teeng mite, Rom khua pan hong pai zinte,

Sawltak 6:5

Hih thu in mite lungkimsak ahih manin upna leh Kha Siangtho tawh a kidim Stefen akipan Filip, Prokhoras, Nikanor, Timon, Parmenas, Judah ngeina a zui Antiok khua mi Nikolas-te teel uh a, sawltakte mai-ah a koih uh hi.

Galati 4:17

Tua mite in note a kilawmin hahkatin hong zo lo tham loin, note in amaute na zon’ nadingun a pua lamah note hong koih nuam ahi uh hi.

Galati 6:12

Amaute pumpi uh tawh kipawl minthan’na a deih mite in, Khazih’ singlamteh hangah thuakna leh bawlsiatna tawh kipelh nuam bekin, note vunat thuak nadingin zawhthawh thu tawh hong zol uh hi.

Efesa 2:3

Tua mite tawh eite khempeuh in zong nidang lai-in i ci-le-sa deihna ah lungsim deihna zui-in, si-le-sa deihna bangin gamta-in i om a, adang mite bangin ngeina bangin a hehna a thuak mi i hi hi.