Mattiu 23:13 - Tedim Bible

¹³ “A simtat laitheite leh Farisaite aw, note in gimna na thuak ding uh hi. Bang hang hiam na cih uh leh, Vantung Gam kongkhak mi mai-ah na khak uh hi. No lah lut loin, a lut nuamte zong na kham uh hi.”

Tedim Bible Revision 2017

¹³ “Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lut nuam kei uh a, a lut nuamte lah na lutsak kei uh hi.

Mattiu 23:13 Iomraidhean Croise

Isaiah 33:14

Zion-a om mawhnei mite lau uh a, Pasian thu a ngaihsun lo mite lau-in lingcip uh hi. Amaute in, “Pasian’ thukhenna in a kuang tawntung mei tawh kibang hi. Tua bang meikuang kua in thuak zo ding i hi hiam?” ci uh hi.

Zekhariah 11:17

Kiman’na a neilo tuucingpa, a tuuhonte a nusiapa in gimna ngah ta hen! Namsau in a ban bantan hen la, a taklam mit satkham hen. A ban beimang hen la, a taklam mit tawcip hen!” hong ci hi.

Mattiu 23:16

“Lamhilh mittawte aw, note in gimna na thuak ding uh hi. Bang hang hiam na cih uh leh, ‘Biakna innpi tawh thu kiciam peuhmah in, a ciamna a pelh leh phamawh lo hi. Biakna innpi’ kham tawh a kiciam peuhmah in, leiba a nei hi,’ na ci uh hi.

Mattiu 23:23

“A simtat laitheite leh Farisaite aw, note in gimna na thuak ding uh hi. Bang hang hiam na cih uh leh, leengmasel, anis leh, kummin, sehsawm suah sehkhat na piak uh hangin, thuman thukhenna, midangte hehpihna, gamtatna phate ahi Thukham sungah a lianpen thute na tang kei uh hi. Adangte sangin, hihte na tan’ ding uh a kilawm zaw hi.

Mattiu 23:25

“A simtat laitheite leh Farisaite aw, note in gimna na thuak ding uh hi. Bang hang hiam na cih uh leh, note in hai leh dalkuangte a pualam na silsiang uh hangin, a sung lamah han’ sanna leh huaihamnate a dim hi.

Mattiu 23:27

“A simtat laitheite leh Farisaite aw, note in gimna na thuak ding uh hi. Bang hang hiam na cih uh leh, suangkangtui a kizut, han tawh kibang na hi uh hi. Tua hante a pualam a hoih uh hangin, a sungah misi guh leh kihhuaina khempeuh tawh a kidim hi.

Mattiu 23:29

“A simtat laitheite leh Farisaite aw, note in gimna na thuak ding uh hi. Bang hang hiam na cih uh leh, Pasian’ kamsangte’ han na bawl uh a, miphate’ han na zeem uh hi.

Mattiu 3:7

Farisai-te leh Saddusi-te a kibaptaiz dinga hong pai Johan in a muh ciangin, “No mualtan’ suante aw, a hong tung ding hehna pan na taikhiat nadingun kua in hong hilhkhol hiam?

Luka 11:52

No Thukham siate aw, gimna na thuak ding uh hi. Bang hang hiam na cih uh leh, note in lungpilna’ konghon’na na lakhia uh hi. No lah lut loin, a lut nuamte zong na kham uh hi,” a ci hi.

Johan 9:22

A nu leh pate in Judah mite a kihtak manunah tua bangin a gen uh hi. Bang hang hiam i cih leh, “Zeisu in Khazih ahi hi a ci mi khempeuh biakna innpi pan kihawlkhia ding hi,” ci-in amaute in a vaihawm zo uh hi.

Johan 9:24

Tua ahih ciangin, a mittaw ngeipa sam kik uh a, “Pasian phat in, hih mi in mawhnei mi ahih kote’n ka thei uh hi,” a cih uh ciangin,

Johan 9:34

Amaute in, “Nangmah in na suah akipan khialhna tawh kidim hi napi-in, kote thu hong hilh ding na hi hiam?” ci-in tua pa biakna innpi pan a hawlkhia uh hi.

Sawltak 13:8

Ahih hangin mi bum theipa ahi Elimas in amaute nial a, mangpa in thu up loh nadingin a bawl hi.

Sawltak 5:28

siampi ukpa in, “Tua min tawh thu na hilh loh nadingun kote in pha takpi-in kong kham uh hangin, Jerusalem khua note’ thuhilhna tawh na dimsak zo uh a, kote tungah hihpa’ si hong tun’ nading note in na hanciam uh hi,” ci-in a gen hi.

Sawltak 5:40

Ama kam a ngai uh a, sawltakte a sap khit uh ciangin a sat uh a, Zeisu’ min tawh thuhilh lo dingin a khamcip uh a, a khah uh hi.

Sawltak 8:1

Saul in Stefen sih nading a thukim hi. Tua lai takin Jerusalem khua-ah a om pawlpite nakpi-in bawlsia uh a, sawltakte sim loh thu-um midangte khempeuh in Judah gam leh Samaria gam mun khempeuh ah a kithehthang uh hi.

2 TIMOTI NIHNA 3:8

Zannes leh Zabres in Moses a nial uh mah bangin tua mite in zong thuman thutak a nial uh hi. Amaute a lungsim uh kisia-in upna thu-ah thudotna a thuak zo lo mi ahi uh hi.

2 TIMOTI NIHNA 4:15

Tua mi nangmah zong na kikeem in. Bang hang hiam cih leh, amah in eite thu nakpi-in a nial hi.