Mattiu 23:12 - Tedim Bible

¹² Ama pumpi a kilamsang peuhmah in niamkhiatna a thuak ding hi. A kiniamkhiat peuhmah a kilamsang ding hi.”

Tedim Bible Revision 2017

¹² A kiliansakte khempeuh in niamkhiatna thuak ding uh a, a kiniamkhiatte khempeuh a lianin kibawl ding hi.

Mattiu 23:12 Iomraidhean Croise

JOB (Job) 22:29

Pasian in mi kiphasakte niamkhiat a, mi niamte gum hi.

Late 138:6

Bang hang hiam cih leh Topa lian napi-in amah in a neute don hi; ahih hangin a kiphasakte ahih leh amah in gamlapi panin mu thei hi.

Paunak 15:33

Topa zahtakna in pilna mah hi pah a, kiniamkhiatna in pahtawina hong ngah sak hi.

Paunak 29:23

A kiphasakte in niamkhiatna thuak ding a, a kiniamkhiatte in pahtawina ngah ding hi.

Isaiah 57:15

Bang hang hiam cih leh a sang, a lian, tawntung sunga a teeng Pa, ama min Siangtho ahi pa in hih bangin ci hi: “Keimah in a sangna mun leh a siangtho munah ka om a, a kiniamkhiat mite’ lungsim leh a kisik mite’ lungsim a thakhauhsak kik dingin kisikna leh kiniamkhiatna lungsim a neite tawh zong ka omkhawm hi.

Daniel 4:37

Tu in keimah Nebukhadnezzar in Vantung Kumpipa phatin, zahtakin a min ka thangsak hi. A bawlna khempeuh a man hi. Amah a tawntungin thuman a, kiphasak-a gamtate a neusak hi.”

Mattiu 18:4

Tua ahih ciangin, naupang mah bangin lungsim a kiniamsakte in, Vantung Gam sungah a lianbel ahi ding hi.

Mattiu 5:3

“Lungsim niamkhiatte in thupha a ngah ding uh hi. Bang hang hiam na cih uh leh, Vantung Gam in amau gam uh ahi ding hi.”

Luka 14:11

Bang hang hiam na cih uh leh, ama pumpi a phat mi khempeuh in niamkhiatna a ngah ding uh hi. A kiniamkhiat mi in minphatna a ngah ding uh hi,” a ci hi.

Luka 18:14

Ke’n kong cih-inah, hihpa in mawhmaisakna ngahin innah a ciah hi. Farisaipa in ahih leh, mawhmaisakna a ngah kei hi. Bang hang hiam na cih uh leh, amah leh amah a kiphat mi khempeuh in niamkhiatna a ngah ding hi. A kiniamkhiatte in minphatna a ngah ding uh hi,’” a ci hi.

Jeim 4:6

Topa in thupha hehpihna a tamzaw hong pia hi. Tua ahih ciangin Lai Siangtho sungah a gen-inah, “A kisatheite Pasian in kham a, ahih hangin lung kiniamkhiat mite thupha hehpihna a pia hi,” ci-in a gen hi.

1 PETER MASA 5:5

Tua mah bangin khangnote aw, a khan’ sawt upate ukna na mang un. Ahi hi. Note khempeuh in khat leh khat na kizep nadingun kiniamsakna na silh un. Bang hang hiam na cih uh leh, “Pasian in a kisatheite a kham hi; a lungniamsakte kiangah hehpihna thupha a pia hi.”

1 PETER MASA 5:6

Tua ahih ciangin a hun a cin’ ciangin Pasian in note hong pahtawi nadingin, ama khut vanglian nuai-ah na kiniamsak un.