Mattiu 22:39 - Tedim Bible

³⁹ Na pumpi na it bangin na lawmte zong na it in, a cihna thukham nihna in tua a masa thukham tawh kibang hi.

Tedim Bible Revision 2017

³⁹ A nihna pen a masa mah tawh kibang a, nangma pumpi na it bangin na veengte na it in, cihna ahi hi.

Mattiu 22:39 Iomraidhean Croise

Siampi Laibu 19:18

Note in nomau’ mipihte tungah phu la loin, amau na lungsim neih kei ding uh a, nomau na ki-it uh bangin na vengte na it ding uh hi: keimah in Topa ka hi hi.

Mattiu 19:19

Na nu leh na pa zahtak in. Na pumpi na it bangin na lawmte zong na it in,” a ci hi.

Mattiu 22:38

Hih thukham in a masapen leh a lianpen thukham ahi hi.

Marka 12:31

Thukham a nihna in, ‘Na pumpi na it bangin na lawmte na it in,’ ahi hi. Hih thukhamte sangin thukham lianzaw a om kei hi,” a ci hi.

ROM (Romans) 13:8

Khat leh khat ki-itna longal bangmah na kibasak kei un. A lawmte a it mi in Thukham a zui khin zo hi.

ROM (Romans) 15:2

Eite khempeuh in i lawmte noptuam na’ng ngaihsunin, amah i kipsak nading ama deihna zui ni.

Galati 5:14

Bang hang hiam na cih uh leh, “Na pumpi na it bangin na lawmte na it in,” a cihna thukham na zuih uh leh, Thukham khempeuh a zui khin na suak uh hi.

Galati 6:10

Tua ahih ciangin eite in a kilawm a kituak hun i neih bangin mi khempeuh tungah thupha bawlin, adiak diakin thu-um innkuanpihte tungah nakpi-in bawl ni.

Jeim 2:8

“Na pumpi na it bangin na lawmte na it in,” a kici Thukham na zuih uh leh, a pha in na gamta zo uh hi.