Mattiu 22:32 - Tedim Bible

³² ‘Kei in Abraham’ Pasian, Isaak’ Pasian, Jakob’ Pasian ka hi hi,’ a cihna thu note in sim ngeilo na hi uh hiam? Pasian in a site’ Pasian hi lo, a nungtate’ Pasian ahi hi,” a ci hi.

Tedim Bible Revision 2017

³² Pasian in, ‘Kei pen Abrahamʼ Pasian, Isaacʼ Pasian, Jakobʼ Pasian ka hi hi,’ ci hi. Pasian pen a si miteʼ Pasian hi loin a nungta miteʼ Pasian ahi hi,” a ci hi.

Mattiu 22:32 Iomraidhean Croise

1 KUMPI MASATE 18:36

Biakpiak hun ciangin kamsang Elijah a nai-ah hong pai-in, “Abraham, Issak, leh Israel Pasian, Topa aw, nangmah in Israel sungah Pasian na hihna, leh keimah in nangma nasem ka hihna, leh hih nate khempeuh nangma thu tawh ka hihna thu tu ni-in kitheisak in,

Paikhiatna 3:6

Tua ciangin amah in, “Keimah in na pa’ Pasian, Abraham’ Pasian, Isaak’ Pasian, leh Jakob’ Pasian ka hi hi,” ci hi. Moses in ama' maitang hum hi, bang hang hiam cih leh Pasian a et ding amah lau hi.

Mattiu 22:31

Thawhkikna thu panin Pasian in,

Sawltak 3:13

Abraham, Isaak leh Jakob’ Pasian, i pu i pate’ Pasian in ama Sila Zeisu a min thangsak zo hi. Note in tua Topa pen gam vaihawmte tungah pia-in, Pilat in khah ding a sawm hangin ama maitang ah tua pa na nial uh hi.

Sawltak 7:32

A en cian dinga a naih ciangin, ‘Keimah in na pute na pate’ Pasian, Abraham’ Pasian, Isaak’ Pasian, Jakob’ Pasian ka hi hi,’ ci-in Topa’ aw a za hi. Tua lai takin Moses liingin a en ngam kei hi.

Hebru 11:16

Ahih hangin amaute in vantung gam ahi, tua sangin a phazaw gam a deih uh hi. Tua ahih ciangin Pasian in amau Pasian a kicihna maizum loin, amau om nading khuapi a bawlkhol hi.