Mattiu 22:17 - Tedim Bible

¹⁷ Tua bang ahih ciangin, Sia aw, bangci ngaihsut na hi hiam? Kaisar kumpipa siah piak tuak ahi hiam, piak tuak lo ahi hiam hong hilh in” ci-in a dongsak uh hi.

Tedim Bible Revision 2017

¹⁷ Tua ahih ciangin Rom kumpipa Sisar tungah siah i piak ding kilawm hiam, na ngaihsutna nong gen nadingin ka deih uh hi,” a ci uh hi.

Mattiu 22:17 Iomraidhean Croise

Ezra 4:13

Amau’ khuapi kilam kikin kulhte kizo leh amaute in siah ahi a, mangmu ahi a, lo sapna ahi zongin hong pia nawn lo ding uh a, a tawpna-ah kumpipa hong sukkhak ding thu thei in.

Ezra 7:24

Siampite, Levi mite, lasate, kongcingte, biakinn nasemte, ahih kei leh hih Pasian’ inn-a nasemte khat peuhpeuh tung panin siah ahi a, mangmu ahi a, lo sap ahi zongin lak nading thu na neih lohna uh zong kong zasak uh hi, ka ci hi.

Nehemiah 5:4

Pawlkhatte in kumpipa tungah siah piak dingin a lote uh leh a leenggui lote uh khamin a piakna uh hong gen uh hi.

Nehemiah 9:37

Tu-in leitang tunga piang khempeuh pen kote’ mawhna hangin kote tungah nong koih kumpite tungah tung ta hi. Tua kumpite in kote pumpi tungah thu hong nei-in, ka ganhingte uh a ut ut-un hong hihsak uh a, kote lungkham mahmahin ka om uh hi,’ ci un,” a ci uh hi.

Jeremiah 42:20

Na sih nadingun lam na pial khin uh hi. Bang hang hiam cih leh Topa na Pasian uh’ kiangah, kei nong paisak uh a, ‘Ko adingin Topa i Pasian kiangah thu hong ngetsak in. Topa i Pasian in a hong gen peuhpeuh ko kiangah hong gen in. Ko zong ka mang ding uh hi,’ nong ci uh hi.

Mattiu 17:25

Piter in “A liau hi,” a ci hi. Piter inn sungah a tum ciangin Zeisu in, “Simon aw, nang bangci ngaihsut na hi hiam? Leitung kumpite in kua kiangah phiangsiah a dong uh hiam? Amau tate tungah a dong uh hiam? Midangte tungah a dong uh hiam? ci-in a dot leh,

Mattiu 22:18

Zeisu in amaute gitlohna a theih ciangin, “Mi simtatte aw, bang hangin kei hong ze-et na hi uh hiam?

Luka 2:1

Tua lai takin leitung mi khempeuh a kisim nadingin, Kaisar kumpipa Augustas in thu a pia hi.

Luka 20:22

Kote in Kaisar kumpipa kiangah siah piak tuak ahi hiam, piak tuak lo ahi hiam?” ci-in a dong uh hi.

Luka 3:1

Kaisar kumpipa Tiberias a man’ zawh kum sawm leh kum nga ciangin, Judah gamah Pontias Pilat mangpi hi a, Galile gamah Herod menzi hi a, Iturea gam leh Trakhonis gamah Herod’ nau Filip menzi hi a, Abilene gamah Lisanias menzi hi a;

Sawltak 17:7

Tua mi khempeuh in Kaisar kumpipa thu nialin, ‘Zeisu kici kumpipa adang khat a om hi,’ a ci uh hi,” ci-in a kiko uh hi.

Sawltak 25:8

Paul in, “Keimah in Judah ngeina Thukham ahi zongin amau biakna innpi tungah ahi zongin, Kaisar Kumpipa tungah ahi zongin ka khial kei hi,” a ci hi.

Sawltak 28:22

Ahih hangin hih biakna in gam khempeuh ah kosiatna a thuak cih thei ka hih manun, na upna thu nangma kiang pan ka ngai nuam uh hi,” a ci uh hi.

Sawltak 5:37

Tuapa khit ciangin, mi a kisim lai takin Galille mi Judas tho a, ama nungzui dingin mi kimkhat a zol hi. Amah zong si a, a thu zui mite a kikhenthang uh hi.