Mattiu 22:16 - Tedim Bible

¹⁶ amau’ nungzuite leh Herod’ nungzuite, Zeisu kiangah sawlin, “Sia aw, nang in thutak genpa na hi hi. Kuamah na kihta kei a, mi maitang zahtak loin Pasian thu a tangtakin na hilh cih ka thei uh hi.

Tedim Bible Revision 2017

¹⁶ Amauʼ nungzuite le Herod mi pawl khat, Jesu kiangah a paisak uh hi. Amaute in, “Sia aw, thu ahi bang a gen tawntung na hihna thu ka thei uh hi. Mite kuamah zahtak tuam nei lo na hih manin midangteʼ pau ding bangmah phamawh sa loin Pasian in miteʼ gamtat ding a deihna bangin tangtakin thu na hilh tawntung hi.

Mattiu 22:16 Iomraidhean Croise

1 KUMPI MASATE 22:14

Ahih hangin Mikaiah in, “Topa in a nungta ahih mah bangin, Topa in kei tungah a hong gen thu ka gen ding hi,” a ci hi.

Late 12:2

Mi kim in a vengte kiangah zuau thu gen ciat a, phat khemna kamzol leh lungsim nam nih tawh pau uh hi.

Late 5:9

Bang hang hiam cih leh amau sungah thuman om lo hi; amau lungsim ah siatna bek ngaihsun uh a, amau gawlgui in a kihongsa hankhuk tawh kibang hi. A leii uh tawh mawk phat uh hi.

Late 55:21

Ama kampau in thawhbat sangin nelzaw a, ahi zongin a lung sungah muhdahna om hi; a kammalte sathau sangin nipzaw a, ahi zongin tuate pen namsau hiam mahmah tawh kibang hi.

Paunak 29:5

A man lopi-a mi khat mawk phatna in, a awk nadingin thangsiahna ahi hi.

Malakhi 2:6

Amaute in thuman taktakte mah hilhin gen uh a, amaute’ kam panin zuauna thu ging khia lo hi. Ka deihna bangin amaute gamta uh a, a khial ding mi tampite, thuman lamah paisak uh hi.

Malakhi 2:9

Tua ahih manin, note in ka thuhilhna zui loin, keima thu na hilh uh ciangin zong a kibangin hilh loin mi na deidan mah bangun, kei zong, mi khempeuh mai-ah simmawhna leh niamkhiatna kong ngahsak hi,” a ci hi.

Mattiu 22:24

tua ni-in Zeisu kiangah va pai uh a, “Topa aw, mi khat in ta nei loin a sih leh, ama zi a nau in luah hen la, a u’ khang a man’ loh nadingin kizom ta hen,’ ci-in Moses in thu a pia hi.

Mattiu 22:26

Ta a neih loh manin ama zi a nau tawh a nusia hi. Tua mah bangin a nihna leh a thumna a kipan a sagihna dongin ahi uh hi.

Mattiu 26:18

Zeisu in, “Khua sungah hih bang mi khat kiangah pai un la, ‘Sia in, Ka hun a nai zo hi. Nangma innah ka nungzuite tawh Paisan pawi ka ne ding hi, ci-in hong vaikhak hi,’ va ci un,” a ci hi.

Mattiu 26:49

Topa kiangah thakhatin va pai a, “Topa aw, nang na cidam ta in,” ci-in a nam hi.

Marka 10:17

Lampi-ah a pai lai takin mi khat Zeisu kiangah va tai a, khukdin’in, “Sia pha aw, nuntak tawntungna ka luah nadingin bang ka gamta ding hiam?” ci-in a dong hi.

Marka 12:13

Tua lai takin Zeisu’ kam tawh a mawhna man dingin Farisaite kimkhat leh Herod’ nungzuite kimkhat a kiangah a sawl uh hi.

Marka 12:14

Tuate in ama kiang a tun’ uh ciangin, “Sia aw, nang thutak genpa na hi hi. Kuamah na kihta kei a, mi maitang zahtak loin Pasian lam thu a tang takin na hilh cih ka thei uh hi. Kaisar kumpipa siah piak tuak ahi hiam, piak tuak lo ahi hiam?

Marka 3:6

Tua lai takin Farisaite paikhia uh a, “Zeisu bangci leeng susia thei ding i hi hiam?” ci-in thakhatin Herod’ nungzuite tawh a vaihawm uh hi.

Marka 8:15

Zeisu in, “Farisaite leh Herod’ silnngo kikeem un la, tang un,” a cih ciangin,

Luka 20:21

Tuate in, “Sia aw, nang in thutak genin thu na hilh a, mi khentuam nei loin Pasian’ lampi a tang takin na hilh hi cih ka thei uh hi.

Luka 7:40

Zeisu in zong, “Simon aw, nangma kiangah kong gen ding khat a om hi,” a cih ciangin amah in, “Sia aw, hong gen in,” a ci hi.

Johan 14:6

Zeisu in, “Keimah in lampi ka hi hi, thuman thutak ka hi hi, nuntakna lah ka hi hi. Kei hong suang loin kuamah in Pa kiang a tung zo kei ding hi.

Johan 18:37

Pilat in, “Tua bang ahih leh, nang Kumpipa na hi hiam?” ci-in a dot ciangin Zeisu in, “Kumpipa na hi nong ci hi. Kei ka hih leh, thuman thutak ading teci pang dingin ah leitungah kong kum a, kong suak hi. Thuman thutak a deih mi khempeuh in keima’ aw a ngai uh hi,” ci-in a gen hi.

Johan 7:18

Ama utthu bang a hihpa in ama minthan’na a zong hi. A hong sawlpa minthan’na a zong mi ahih leh, thuman thutak mi hi a, ama sungah diklohna a om kei hi.

2 KORIN NIHNA 2:17

Met nadingin Pasian’ thu a zuak kawikawi mite tawh kote kibang loin, lungsim siangthoin Pasian’ sawltak mite bangin Pasian mai-ah lungsim tak tawh Khazih’ thu ka hilh uh hi.

2 KORIN NIHNA 4:2

Zumhuaina tawh kipawl a kiseel nate ka paaikhia zo uh hi. Kikheemna zang loin Pasian’ thu im loin, lumlet loin, thuman a tel takin hilhin Pasian mai-ah mi khempeuh in a kitheihna lungsim tawh hong phat nading phathuaina ka gamta uh hi.

2 KORIN NIHNA 5:16

Tua ahih ciangin tu-a kipan kote in ci-le-sa pawlte ngaihsunin kuamah ka thei kei uh hi. Ci-le-sa pawlte ngaihsunin Khazih ka theih ngei uh hangin tu-a kipanin tua bang ka thei ngei nawn kei uh hi.

Galati 1:10

Tu-in keimah in mi’ deihna zui ka hi hiam? Ahih kei leh, Pasian’ deihna zui ka hi hiam? Mite’ pahtak ding hanciam ka hi hiam? Mite’ pahtak nading hanciam ka hih leh, Khazih’ sila ka hi kei hi.

Galati 2:6

Mi lian a kicite in nidang lai-inah bang ci mi ahih thu kei tawh kisai lo hi, Pasian in mi maitang zahtak a nei kei hi. Tua mite tawh kipawlin bangmah ka ngah lo tham loin,

Thu-hilhkikna 33:9

a nu leh a pa sangin nang hong thupi ngaihsut zaw a, ‘Amaute ka thupisim kei hi,’ a ci pa ahi hi; amah in a sanggamte paai khia-in, a tate don lo hi. Bang hang hiam cih leh amaute in na thu mangin, na thuciamna zui uh hi.

1 THESALONIKA MASA 2:4

Lungdamna Thu zui dinga kilawm mi ci-in Pasian in ko hong koih mah bangin mite lungsim uh kimsak bang hi loin, lungsim a hong dongtel Pasian lungkimsak bangin thu ka hilh uh hi.

Jeim 3:17

Vantung pan hong tung pilna in a masa belin a siangtho hi. A nung ciangin kilemna ahi hi, lungnemna ahi hi, zol baihna ahi hi, hehpihna leh gah pha tawh a dim hi, maitang zahtakna leh simtatna a om kei hi.

1 JOHAN MASA 5:20

Tua banah Pasian’ Tapa hong pai a, thuman thutak Topa i theih nadingin pilna eite a hong piak thu zong i thei hi. Tua tham loin, a Tapa Zeisu Khazih ahi tua thuman Topa sungah i om hi ci-in i thei hi. Hih Topa in Pasian taktak ahi hi; nuntak tawntungna zong ahi hi.