Mattiu 22:13 - Tedim Bible

¹³ Tua laitakin kumpipa in, ‘Tua pa a khut leh a khe hen un la, pua lam khuamialna sungah na paaikhia un,’ ci-in a nasemte a sawl hi. Kahna leh hagawina a om ding hi.

Tedim Bible Revision 2017

¹³ Tua ciangin kumpipa in a nasemte kiangah, ‘A khut a khe hen unla, pualam khua mialna lakah lawn khia un; tua lai ah kapin a hagawi ding hi,’ a ci hi.

Mattiu 22:13 Iomraidhean Croise

Late 112:10

Migilo in hih thu mu-in a hehsuak a, a ha gawigawi-a tuimang hi; migilopa’ lametna in a mawkna suak ta hi.

Late 37:12

Migilo in thumanpa sawm a, a ha gawisan hi;

Isaiah 52:1

Zion aw, khanglo in, khanglo in la, na tha khauhsak in; khuapi siangtho Jerusalem aw, na puan hoihte silh in; bang hang hiam cih leh vun ki-at lo mite leh a nin mite nang sungah hong pai nawn lo ding hi.

Daniel 3:20

Tua ciangin a galkap thahat penpente in Shadrak, Meshak leh Abednego a hencip ding leh mei phualpi sunga khul dingin thu a pia hi.

Mattiu 12:29

Mi khat in, thahatpa hen masa kei leh, a inn sungah bangci tumin a sumte a sut zo ding hiam? Mi thahatpa a hen khit ciangin, a inn sungah sumte kisut zo bek ding hi.

Mattiu 13:30

Taang lak hun matengin a nam nihin khangkhawm tadih hen. Taang lak hun hong tun’ ciangin, lopa teng bot masa un la, mei ah hal dingin lom hen un. Taang ahih leh, ka sal sungah hong koih un,’ ci-in taang late ka vaikhak ding hi,” a ci hi.

Mattiu 13:42

meiphual sungah a khul ding uh hi. Kahna leh ha gawina a om ding hi.

Mattiu 13:50

Kahna leh ha gawina a om ding hi,” a ci hi.

Mattiu 24:51

tua nasempa vua-in misimtatte tawh a omkhawmsak ding hi. Kahna leh ha gawina a om ding hi.”

Mattiu 25:30

Na-a kimang lo nasempa khuamial pua lamah hawlkhia un,’ a ci hi. Kahna leh ha gawina a om ding hi.”

Mattiu 8:12

Gamsung mite ahih uh leh, pualam khuamial lakah a hawlkhia ding hi. Kahna leh ha gawina a om ding hi,” ci-in a nungzuite kiangah a gen hi.

Luka 13:28

Abraham, Isaak leh Jakob-te akipan, Pasian’ kamsangte khempeuh in Pasian’ Gam sungah a om na muh uh ciangin, note in hawlkhiatna na thuak ding uh a, kahna leh hagawina om ding hi.

Johan 21:18

Ke’n aman takpi kong cih-inah, nang na tangval lai-in na kawng gakin, na utna mun khempeuh ah na pai thei hi. Ahih hangin na teek ciangin na khut zan-inah midangte in nang hong hen ding uh a, na ut lohna munah hong paipih ding uh hi,” a ci hi.

Sawltak 21:11

Tua pa in kote kiangah hong tung a, Paul’ kawnggak la-in, a khut a khe a hen khit ciangin, “Hih kawnggak neipa Jerusalem khua-ah a om Judah mite in hih bangin henin, Gentailte’ khut tungah a pia ding uh hi,’ ci-in Kha Siangtho in hong ci hi,” a ci hi.

Sawltak 7:54

Amaute in hih thu a zak uh ciangin a lungso uh a, Stefen tungah a ha a gawi uh hi.

2 THESALONIKA NIHNA 1:9

Tua Topa in ama misiangthote hangin minthan’na a ngah nading ahi zongin, kote’ teci pan’na thu note in um na hih uh ciangin a um mite khempeuh hangin nakpi-in lamdangsakna ngah nading ahi zongin, a hong pai ding Ni-ah tua mite in Topa maitang tawh ahi zongin, vangliatna tawh kipawl minthan’na tawh ahi zongin kikhenin, kisiat tawntungna ahi mawhna’ daantatna a thuak ding uh hi.

2 PETER NIHNA 2:17

Tua mite in tui om lo-a a kang cikte ahi zongin, huih nakpi-in nunga a leeng meiite ahi uh hi. Amaute ading a mial pha mahmah khuamial a kikoih khol zo hi.

2 PETER NIHNA 2:4

Bang hang hiam na cih uh leh, Pasian in a khial vantungmite pammaih sa loin, hel khua sungah a khiat khit ciangin thukhen Ni dongin khuamial khuk sungah a khum hi.

Juda 1:13

amau zumna thu a phuansak tui kilok gilo bang ahi zongin, khuamial pha mahmah a tawntungin amaute ading a kikoih khol a, a om aksi leeng bang ahi zongin a suak uh hi.

Juda 1:6

Amau thu ngahna uh kem lo uh a, amau omna uh pan a paikhia vantungmite zong ni lian Ni-a thukhenna dongin khuamial sungah a tawntungin hencipin a khum hi.

Mangmuhna 21:27

A kihhuainate-a kipan muhdahhuai, thuman lo nate a bawl mi khat beek tum thei ngei lo ding hi. Tuuno’ nuntakna laibu sungah a kigelh mite bek in tum theihna thu a ngah ding uh hi.