Mattiu 21:5 - Tedim Bible

⁵ “En in, na Kumpipa, lungsimniam tawh, Lapi’ ta lano leh la tungah tuangin, Na kiangah hong pai ding hi,’ ci-in, Zion’ tanu kiangah na gen ding hi,” ci-in a gen hi.

Tedim Bible Revision 2017

⁵ Tua a genna ah, “En un, na kumpipa uh hong pai hi. Kiniamkhiatna tawh lapi tung le la no tungah tuangin hong pai hi, ci-in Zion khua mite kiangah gen un,” a ci hi.

Mattiu 21:5 Iomraidhean Croise

Piancilna 49:10

Judah kiang pan kumpi ciangkhut paikhia lo ding, ukpa’ ciangkhut zong a khe kikal pan paikhia lo ding, a neipa' kiangah a tun’ mateng, mite’ thuman’na ama' tungah om ding hi.

2 SAMUEL NIHNA 16:2

Tua ciangin kumpipa in Ziba kiangah, “Bang hangin hihte hong paipih na hi hiam?” a ci hi. Ziba in dawngin, “Late in kumpipa’ innkuante a tuan’ nading, anlum leh khuakhal singgah in tangvalte’ nek ding, leh leenggahzu in gamlakah a gimte’ dawn ding ahi hi,” a ci hi.

1 KUMPI MASATE 1:33

Kumpipa in amaute kiangah, “Na topa’ nasemte paipih un la, ka tapa Solomon keima la-sakol tungah tuang sakin Gihon ah amah paipih suk un;

1 KUMPI MASATE 10:26

Tua ciangin Solomon in leengte leh sakol tuangte khawm hi; amah in leeng tul-le-za-li leh tuan’na sakol tulsawm leh tulnih nei a, amah in tuate, leeng khuapite leh Jerusalem ah zattawm dingin koih hi.

Late 9:14

nangmah phatnate phawk kikkik-in, Zion tanute huang sungah nong hotna hangin ka nuam ding hi.

Isaiah 12:6

Zion-a teeng mite aw, nomau’ lakah Israelte’ Siangtho Pa lianin om ahih manin awng un la, lungdamin la sa un,” a cih hun uh hong tung ding hi.

Isaiah 40:9

Zion ah lungdamna thu hong puakpa aw, mualsang dawnah kahto in. Jerusalem ah lungdamna thu hong puak pa aw, nakpi takin awng in la, lungdamna thu taangko in. Nakpi takin kiko in la, lau kei in. Judah gam khuapite tungah, “Na Pasian uh hong pai ta hi,” ci-in gen in.

Isaiah 62:11

En un, lei mong dongah Topa tangko khin hi: Jerusalem mite tungah, “En un, no hong honkhiapa hong pai hi; en un, ama sep thamante hong pua a, a gualzawhna thamante hong masuan hi,” ci un.

Ezekiel 34:24

Topa ahi keimah in amaute’ Pasian ka hi ding a, ka nasempa David in amaute a ukpa hi ding hi. Topa ahi keimah in hih thu ka gen khin hi.

Ezekiel 37:24

Ka nasempa David in amaute’ kumpi hi ding a, mi khat ukna nuai-ah amaute kigawmin, ka thukhamte hoih takin zui ding uh hi.

Hosea 1:7

Ahi zongin Judah mite ka hehpih ding a, namsau leh thal, sakol leh sakol tung tuangte, leh galsimna tawh hi loin, amaute’ Topa, Pasian ahi keimah mah in amaute ka honkhia ding hi,” a ci hi.

Micah 5:2

Bethlehem Efrathah khua aw, nang in Judah gamah khuaneupen khat na hi a, ahi zongin nang’ sung panin Israel a uk ding khat ka piangsak ding hi. Ama gui in nidang lai, taangtawng pek tawh kizom hi.

Gamlak-vakna 24:19

Jakob tawh ukna na kisem ding a, khuapi sunga a suaktate kisusia ding!” a ci hi.

Mattiu 11:29

Keima hakkol na kisuan un la, kei kiangah kisin ta un. Bang hang hiam na cih uh leh, keimah in lungsim niam mi ka hi hi. Note in lungsim noptuamna zong na ngah ding uh hi.

Mattiu 2:2

Ni suahna gam lam pan ama aksi ka mu zo uh hi. A bia dinginah ka hong pai uh hi,” ci-in a dong uh hi.

Mattiu 2:6

‘Judah gam Bethlehem khua aw, Judah gam khuapi lakah nang, khua neu, khua gina lo na hi kei hi. Bang hang hiam na cih leh, keima mipawl Israel mite cing dingin, Nangma sungah mangpa khat a piang ding hi, ci-in Lai Siangtho sungah a kigelh mah bangin Judah gam Bethlehem khua-ah Khazih a suak ding hi,” ci-in kumpipa kiangah a gen uh hi.

Mattiu 21:6

A nungzuite in Zeisu’ vaikhak bangin a pai uh a,

Luka 24:27

Moses leh kamsangte khempeuh pan akipan, Lai Siangtho sungah amah a cihnopna thute tel takin a hilh hi.

Johan 1:49

Nathanael in, “Rabbi aw, nangmah in Pasian’ Tapa na hi hi. Israel mite’ kumpipa lah na hi hi,” a ci hi.

2 KORIN NIHNA 10:1

Note kiangah kiniamsak a, note tawh a kikhen ciangin a hang keimah Paul in Khazih’ lungnemna leh hehpihna tawh note kong thuum hi.

Thu-hilhkikna 17:16

Amah in ama aituam dingin sakolte tampi pha sak lo ding hi; Topa in no kiangah, ‘Hih lampi tawnin na kileh kik ngei kei ding uh hi,’ hong ci ahih manin, amah in sakolte tampi-in khangsak lo ding hi; Izipt gamah mite a paikik nading piangsak lo ding hi.

Thukhente 12:14

Amah in la sawmsagihte tungah a tuang tapa sawmli leh tupa sawmthum nei hi; amah in Israelte kum giat sung thu khen hi.

Thukhente 5:10

“A thu gen un, no la puang tungah a tuangte, sualphah puan hoih tungah a tute leh lampi-ah a paite aw.