Mattiu 21:26 - Tedim Bible

²⁶ “Mi tung pan hong piang hi,’ ci leeng, mite i kihta hi. Bang hang hiam i cih leh mi khempeuh in Johan kamsangpa a sa uh hi,” ci-in khat leh khat a kikup khit uh ciangin,

Tedim Bible Revision 2017

²⁶ Ahi zongin, “Mihingte kiang pan hi,” ci leuleu lehang, mi khempeuh in Johan pen kamsang hi, ci-in ngaihsun uh ahih manin mihonte i kihta zel hi, kici uh hi.

Mattiu 21:26 Iomraidhean Croise

Isaiah 57:11

Nang zuau-in, kei hong phawk loin, kei nong ngaihsut loh nadingin na kihtak hih pasiante bang ahi hiam? Sau veipi sung pau loin ka om hit-hiat manin kei hong zahtak lo na hi hiam?

Mattiu 11:9

Ahih kei leh, bang en dingin paikhia na hi uh hiam? Pasian’ kamsangpa en dingin paikhia na hi uh hiam? Ahi mah hi. Pasian’ kamsangpa sang a lianzaw hi, kong ci hi.

Mattiu 14:5

Herod in Johan a thah nop hangin mihonpite in Johan Pasian’ kamsangpa hi sa uh ahih ciangin a lau hi.

Mattiu 21:11

mihonte in, “Hihpa in Galile gam Nazareth khua kamsangpa Zeisu hi,” a ci uh hi.

Mattiu 21:25

Johan’ baptaizna thu in koi panin hong piang ahi hiam? Vantung pan hong piang ahi hiam? Mi tung pan hong piang ahi hiam?” ci-in a dot ciangin, “Vantung pan hong pai hi,” ci leeng, ‘Note in ama thu bang hangin um lo na hi uh hiam?” ci-in hong dong zel ding hi.

Mattiu 21:27

“Ka thei kei uh hi,” ci-a a gen uh ciangin Zeisu in, “Tua mah bangin hih nate kua thu tawh ka bawl, kong gen kei ding hi.”

Mattiu 21:46

Amau in Zeisu mat dingin a zon’ uh hangin mihonpi a kihta uh hi. Bang hang hiam i cih leh, mi khempeuh in Topa in Pasian’ kamsangpa hi a ci uh hi.

Marka 11:32

‘Mi tung pan hong piang,’ ci leeng mite i kihta hi. Bang hang hiam i cih leh, mi khempeuh in Johan pen kamsangpa a sa uh hi,” ci-in khat leh khat a kikum uh hi.

Marka 12:12

Amaute in amah mat nading a zon’ uh hangin mihonpi a kihta uh hi. Bang hang hiam i cih leh, amau a cihna a gen ahih lam a thei uh hi. Tua lai takin amah nusia-in a paikhia uh hi.

Marka 6:20

Bang hang hiam i cih leh, Johan in mi thuman, mi siangthopa ahih Herod in thei ahih ciangin, Johan kihta a, amah a kem hi. Amah in Johan thu a zak ciangin lungmang a, lungdamna tawh ama thu a ngai hi.

Luka 20:19

Tua lai takin laitheite leh siampi liante in Zeisu mat dingin a zon’ uh hangin mite a kihta uh hi. Bang hang hiam i cih leh, amau cihna-a hih thugentehna a gen ahih lam a thei uh hi.

Luka 20:6

‘Mi tung pan hong piang hi ci leeng mi khempeuhte in suang tawh hong deeng ding uh hi.’ Bang hang hiam i cih leh, amaute in Johan in kamsangpa a sa uh hi,” ci-in khat leh khat a kikum uh hi.

Luka 22:2

Siampi liante leh laitheite in Zeisu bangci thatlum ding ci-in a zong uh hi. Bang hang hiam i cih leh, amaute in mite a kihta uh hi.

Johan 5:35

Amah in kuanga a taang meivak hi a, note in ama khuavakna-ah tawlkhat nopsak ding bek na ut uh hi.

Johan 9:22

A nu leh pate in Judah mite a kihtak manunah tua bangin a gen uh hi. Bang hang hiam i cih leh, “Zeisu in Khazih ahi hi a ci mi khempeuh biakna innpi pan kihawlkhia ding hi,” ci-in amaute in a vaihawm zo uh hi.

Sawltak 5:26

Tua ciangin biakna innpi ukpa leh palikte a paikik uh a, amau mite in suang tawh a den’ ding uh a lau manun ah gamlum loin a paipih uh hi.