Mattiu 21:19 - Tedim Bible

¹⁹ Lampi geiah theikung khat a muh ciangin a kiangah a va pai leh, a teh longal bangmah a mu kei hi. Zeisu in, “Tu-a kipan gah loin om tawntung in,” a cih ciangin theikung dinggaw pah hi.

Tedim Bible Revision 2017

¹⁹ Lam gei ah theikung khat mu ahih manin a gei ah va pai a, ahi zongin a teh sim loh bangmah a mu kei hi. Jesu in tua theikung kiangah, “Gah ngei nawn kei in!” a cih khit phetin a theikung a si pah hi.

Mattiu 21:19 Iomraidhean Croise

Isaiah 5:2

Amah in lei to-in suangte paikhia a, leenggui hoihte a suan hi; amah in a laizangah tausang khat lam a, tua sungah leenggah sukna khuk khat a to hi; amah in leenggah hoih hong gah ding lamen a, ahih hangin gam leenggah hong gah mawk hi.

Jeremiah 8:13

Topa in kong cih-inah, amaute ka susia khin ding a, a lote uhah lenggah a om nawn kei ding hi; thei in zong gah a nei nawn kei ding hi. A tehte nangawn a keu ding a, amaute ka piaksa nate a bei ding hi.

Mattiu 21:20

A nungzuite in a muh uh ciangin, “Hih theikung thakhatin a dinggaw hi,” ci-in lamdang a sa uh hi.

Marka 11:14

Zeisu in, “Tu-a kipanin na gah kuamah in ne kik nawn kei ta hen,” a ci hi. A nungzuite in zong hih thu a za uh hi.

Marka 11:20

A zing ciangin lampi ah a pai lai takun, theikung a zung pan akipan na dinggaw a om a mu uh hi.

Luka 3:9

Tu-in zong sing phungah hei a om zo hi. A gah hoih gah lo kung khempeuh phuk pai-in mei sungah kikhul ding hi,” a ci hi.

Johan 15:2

Kei tungah a gahlo hiangte khempeuh a sattan ding hi. A gah thei hiang khempeuh in a gah semsem nadingin a hahsiang ding hi.

Johan 15:6

Kei sungah a om lote in a kipaiikhia hiangte bangin a kikeusak hi. Tua ciangin mite in khawm uh a, mei sungah khulin mei in a kangtum hi.

2 TIMOTI NIHNA 3:5

Pasian biakna puatham teng zui uh a, ahih hangin a vangliatna a nial mi ahi ding uh hi. Tua bang mite na peel in.

Titu 1:16

Amaute in, “Pasian ka thei tel uh hi,” a cih uh hangin, a gamtatna uh tawh Pasian a nial uh hi. A kihhuai mi, thungai lo mi, nasepna hoih khat beek ah kiman’na om lo mi ahi uh hi.

Juda 1:12

Tua mite in note ki-itna pawite ah note tawh an a nekkhawm a dawn khawm lai takun, lau loin amaute kham tak kivakin pawi sungah a nin a kisawh tuucing ahi uh hi; tui om lo, huih in a leen’pih meii bang ahi zongin, pulhkhia-in a gah om lo nihvei si-in a bul pan a kibotkhia singkung bang ahi zongin;

Mangmuhna 22:11

A thuman lo mi in thuman loin omsuak hen, a kihhuai mi in kihhuai lai ta hen, a dik mi in a dikin gamta lai ta hen, a siangtho mi in siangtho lai ta hen.