Mattiu 20:7 - Tedim Bible

⁷ tua mite in, ‘Kote kuamah in hong cial lo hi,’ a cih uh ciangin, ‘Tua ahih leh, no zong ka leenggah lo-ah pai un,’ a ci hi.

Tedim Bible Revision 2017

⁷ amaute in, ‘Kuamah in nasem dingin hong cial lo hi,’ ci-in a dawng uh hi. Tua ciangin amaute kiangah, ‘No zong leenggah lo ah va kuan un,’ a ci hi.

Mattiu 20:7 Iomraidhean Croise

Thuhilh-sia 9:10

Na mai-ah sep ding a om khempeuh, na tha neihzah tawh sem in. Bang hang hiam cih leh, nangmah in na zuat ding sihna gam sungah, nasepna leh thungaihsutna, pilna leh theihna cihte om lo hi.

Mattiu 20:1

“Vantung Gam in leenggah lo sungah nasem dingte cial dingin zingsanga a kuankhia inn teekpa tawh kibang hi.

Mattiu 20:6

Nitak nai nga ciangin kuankhia leuleu a, midang nasem lo-a ding a muh ciangin, ‘Note in ni khat tawntung nasem loin bang hangin hih lai-ah ding-in na om uh hiam,’ ci-a a dot ciangin,

Mattiu 20:8

Nitak ciangin, leenggah lo neipa in, ‘Nasemte samin a tum nunungpen pan a kipanin, a tum masate dongin thaman na pia in,’ ci-in, sumkeempa kiangah thu a pia hi.

Johan 9:4

Ni a om lai teng kei hong sawlpa’ na i seem ding hi. Kuamah in na a sep theih loh hun zan hong tung ding hi.

Sawltak 4:16

“Hih mite tungah bang i ci hih ding hiam? Amaute tung tawnin nalamdang lian a kilak zo hi ci-in Jerusalem khua mi khempeuh in a thei uh a, eite in i nial zo kei hi.

ROM (Romans) 16:25

Tanglai tawntung kiseel khin a, tu-in kilangin mipawl khempeuh in um-in thu a man’ nading uh, kamsangte’ Lai Siangtho sungah a kigelh tawntung Pasian’ thupiakna bangin Lungdamna Thu leh Zeisu Khazih hong kilatna hangin note hong kipsak zo Topa khat bek in,

Efesa 6:8

Thuhoih bawla gamta mi in sila hi taleh, sila lo hi taleh, Topa khut sung pan thaman a ngah ding na thei ta un.

Hebru 6:10

Bang hang hiam na cih uh leh, nomau nasepna uh akipan nidang lai-in misiangthote na vaak uh tham loin, tu nangawnin na vaak uh ahi zongin, tua bang hihin ama min hangin na lah uh ki-itna ahi zongin Pasian in a mangngilh dingin thumanlo-pa ahi kei hi.